MINATORI, kampion pas 36 vitesh!

Shtypi i huaj per kete ndeshje.

Pas një ballafaqimi spektakël me Tiranën, ekipi i Minatorit në pallatin me emrin e Arjana Arapit, duket se përmbushi një amanet jo vetëm të kësaj volejbollisteje që nuk jeton më, por të tërë brezave të këtij sporti magjik që Mirdita e ushtron aq bukur dhe e don shpirterisht prej 36 vitesh. Është si një shpërblim pune,mundi dhe sakrifice, i qindra vajzave, që nga ato vajzat e hajthme e te  ndrojtura të vitit 1975 që mundën të thyejnë një mentalitet jo dhe aq të lehtë për kohën, nën drejtimin e mjeshtrit të pasionuar Haki Halili.

Pallati i Sportit, kurrë nuk ka patur një dyndje të tillë si sot, dhe një numër po kaq i madh sportdashës ishin jashtë teksa po e ndiqnin ndeshjen nga ovacionet e forta brenda në pallat. Publiku, tamam sic është përceptuar dhe quajtur gjithnjë, si “lojtari i shtatë’ i këtij ekipi që i ka dhënë tonin,ëmbëlsinë,vilatitetin, kreativititetin dhe finesen volejbollit shqiptar për femra.

Atmosferen entusiazte kesaj fitoreje te madhe, ia ka dhene dhe dekori plot hijeshi dhe fantazi, dizajnuar nga Xhovalin Kacorri, i cili ka percjelle gjate gjithe sezonit ndeshjet e ekipit ne mjedise motivuese, me te gjithe aksesoret reklamues. z. Xhovalin Kacorri eshte edhe autor i logos simbolike te uniformes se ekipit, logo e cila tashme eshte bere mjaft e njohur dhe e aksesueshme nga tifozeria e zjarrte e Minatorit. Kjo logo sportive e cila e ka motivimin nga Stema e Arbrit, ka gjetur nje perdorim te gjere jo vetem ne uniformen e kampioneve te Shqiperise, por edhe ne shume elemente promovues dhe perfaqesues te skuadres mirditase.

Për të hyrë tek ndeshja!...

Të tria setet janë fituar me mobilizim të gjithë reparteve të ekipit vendas nën drejtimi brilant të Gorenxës, 25:17, 25:16 dhe 25:11, ku në momente të vecanta spektakli volejbollistik, ka qenë vërtetë i rrallë.

Përmes lojës së Vanias, Tucit në sulm, Nezaj me gjuajtje të shkurtëra, Skaraj apo Shkurtit, me një saktësi precize në gjuajtje,shërbim dhe lojën mbrojtëse, dhe pasimet e Llupos, Pergjetani e Hasanbelli, ekipi vendas dhuroj atë që priste sportdashësi i shumtë. Ekipi i Tiranës është përgjigjur disa momente me Xhixhën,Gegën dhe Bicin, por ka qenë i pamundur përballimi i furisë së sulmeve të ekipit vendas, apo bllokut efikas.

Gjatë gjithë ndeshjes në pushime setesh gjithcka është shoqëruar me numëra artistik, valle dhe këngë nga QFK dhe pallati i Kulturës MIRDITA. Duke i dhënë ngjyre fesative nga më të vecantët të kampionateve të deritashëm.

Pika e 25 në setin final ka dhënë një efekt inkadeshence në stadium,dhe fitorje është festuar në mënyrë madhështore, ndërsa sekretari i Federatës së Volejbollit Shqiptar Leonard Tase, ka dorëzuar kupen kapitenes Esmeralda Tuci.

Publiku në kor ka bërë ovacion për ekipin dhe në vecanti për  presidentin e tij Troplini, i cili prej dy vitesh i kushtohet aq fort ekipit dhe premton se Kupa do të mund të vijë në këtë pallat sporti në mes të Mirditës, gjë që u bë realitet falë përkushtimit të gjithë ekipit, trajnerëve, dhe stafit stërvitor.

Trajneri, flm Mirdita!

Trajneri Gorenxa u shpreh  tejet i emocionuar nga kjo fitore, duke thënë se ishte një fitore e madhe pas ballafaqimesh te forta dhe të ndershme sportive gjatë gjithë kampionatit. Ai tha se ky ekip është nga më të mirët që ai ka stërvitur,dhe fitoret në rendin e 26-te njëpasnjë, janë një rekord më vete cka tregon se ekipi fitoj bindshëm dhe pa toleruar për asnjë ndeshje si brenda dhe jashtë fushës. Është nga ekipet më kompaktë në të gjitha repartet, ndërsa ka përmenduar punën e bërë ndër vite nga lojtarët vendase si Kola dhe Hoxha, si dhe gjithë vajzat e Rrëshenit që dijnë të luajnë bukur dhe të dhurojnë emocione pafund.

Ballafaqimet sportive, tha Gorenxa, na kanë vënë jo pak herë në vështirësi, si me UMB, Teutën, dhe Tiranën që padyshim mbetet një ekip i madh, por ne ishim më të organizuar dhe më të motivuar cka na solli dhe fitoren e madhe.

Ai tha se mënyra sesi u organizua kjo festë nuk ka ndodhur në kampionatet shqiptare,dhe Rrësheni diti ta bëjë këtë aq mrekullisht, prej shpirtit të zjarrtë dhe mbështetjes që i jep këtij sporti të bukur. Na u duk se tërë Mirdita ishte brenda në stadium,tha Gorenxa,dhe ne ia kishim borxh një fitore të tillë.

Në fund ai ka përgëzuar kolegët e tij për stërvitje shkencore me ekipin,dhe gjithë stafin e klubit,si dhe në vecanti presidentin Troplini, që pos mbështetjes materiale, i dha shpirtin e garës dhe të sfidës ekipit duke na motivuar në cdo ndeshje hap pas hapi ashtu dhe bashkine Rreshen për vite te tëra ne mbajtjen ne tonus te ekipeve zinxhire.

Festa ka vazhduar dhe rrugëve dhe në sheshin e qytetit deri vone me perflakjen e qiellit nga fishekzjarret…

Me pak rrjeshta:

Ledi Skara,

‘Motorri’  i ekipit Minatori, shpirti i sakrifices, simbol i unitetit ne ekip, nje potencial i rralle.

Ilda Llupo,

per ata qe nuk e dijne, eshte nusja e qytetit tone. Nje shpirt vetmohues, kampione e vertete. Njeri i shkelqyer!

Malvina Tuci,

hijeshia e saj dhe gadishmria per te ndihmuar ekipin e ben ate nje garanci te madhe per te ardhmen.

Narda Nezaj,

Tropojanja simpatike, sot behet kampion edhe me Minatorin. Thjeshte e mrekullueshme!

Klejda Shkurti,

nje bombera e volejbollit shqiptar, nje vajze gjeneroze, kampione e madhe, kampione e perjetshme!...

Vania Barbanova,

nje Ela Tase e vertete, e jashtezaonshme, e papermbajtshme!

Dori Hasanbelli,

nje nga rastet e rralla kur bukuria fizike dhe niveli sportiv jane ne sinkron te plote.

Elsa Pergjetani,

Vajza rreshenase qe i ka dhene shume dashuri Minatorit. Nje perspektivë e sigurte.

Natalia Llukoshina,

Moldavja potente qe i dha ekipit shpirtin dhe profesionalizimin e saj, nje “mirditore” e vertete!

Vankita Akcami,

Nje prapavije e sigurte, shembull sinjifikativ i punes ne grup.

Orgilda Sema

Kampione e vertete per aq sa luajti,kampione e se ardhmes.

Adelina Kacorri,

Lojtare fantaziste, qe jep siguri per te ardhmen e ekipit.

Esmeralda Tuci,

Kapitenja e bukur, lojtare energjike, befasuese, nder perlat sportive  qe ka nxjerr Mirdita nder vite, simbol i padiskutueshem i ekipit kampion Minatori, jemi krenar qe eshte motra jone.

Trajner, Ardian Gorenxa,

Pune,pune,pune! Dhe ja ku jemi sot Kampion te Shqiperise! Merita e ketij njeriu te heshtur ne ritmin dinamik te stervitjes se kalkuluar, thjeshte deri ne madhesshti eshte e padiskutueshme!...

Mond Xherazi,

Nje koleg afinitiv  dhe i perpikte i Gorenxes, profesionist i vertete, njeri i rralle,ishte fati qe e patem ne mes nesh.

Pergatiti: Gjergj Marku