Minatori-UMb Voley,

fiton “taktika Tartari” (1:3)

Pas një ndeshje të bukur sportive në pallatin e sportit “Arjana Arapi” të Rrëshenit ku nuk mungoi spektakli sidomos në dy sete, fitoi ekipi mik i UMB-Voley, duke ia prerë mundësinë e kesaj fitore shume te dëshëruar ekipit vendas Minatori me një “pikë shansi” në setin e katërt teksa ka shënuar 1:3 me sete në pikën e 26 përmes kapitenes Pogoni.

Ndeshja e colejbollit përfemra të rritura është luajtur në një ambjent inkadenshent sportiv, ku tashmë është bërë traditë bashkëshoqërimi me ritme muzikore i hyrjes dhe pjesëve të pushimit, e ku duhet shënuar ndërhyrja cilësore në infrastrukturën e këtij pallati nga ana e presidentit të ekipit M. Troplini.

Pika e parë e setit të parë është shënuar nga lojtaret vendase, që kanë lënë të kuptohet se e synonin fort fitoren, ndaj “dueli” ka kaluar pikë pas pike me barazime dhe epërsi të vogla reciproke deri në rezultatin 25:23 kur Minatori ka vulosur përmes lojtares Prenga, që dëshmoj efikasitet të lartë sportiv gjatë tërë seteve.

Seti i dytë ka folur për ekipin e Tartarit fokusuar në një sulm efikas me pasa të shkurtëra dhe gjuajtja të kithta të Goc. Loja e fortë sidomos në sulm e Xhyliut të Minatorit ka qenë fare pak për ta përmbysur rezultatin e thellë që shënonte UMB, ndërsa ka mbyllur Goc me pikën e 25,ndërsa Minatori shënoj vetëm 16 pikë këtë set.

Ndërkaq seti i tretë ka folur sërish për ekipin e UMB-së,i cili ka qenë më i freskët dhe më “finok” taktikisht përmes skemave të përshtatëshme të Tartarit si në kohezionin e reparteve apo ruajtjen e freskisë së lojtareve, duke i nisur sulmet e fshehura në të dy krahët, për të nxjerrë si gjithnjë finalizuese lojtaren me nr 7 Kelly Goc, që ishte dhe lojtarja më e mirë në fushë. Goc sëbashku me Meminë ishin dhe bllokazhi i kudogjendshëm në rrjetë përballë sulmeve të Prengës, të Xhyliut apo të Tucit.

UMB në sajë të freskisë dhe taktikës së zgjedhur ka udhëhequr bindshëm tërë setin deri sa ka mbyllur me anë të Pogonit në pikën e 25 kundrejt vetëm 12 të shënuara nga Minatori.

Seti i katërt ka qenë padyshim dhe seti më i bukur, kur Minatori ka bërë kthesën e duhur duke kryesuar disa herë përmes lojës së fuqishme të Prengës që jo pak herë rezalizonte dhe nga vija e dytë apo e Tucit me gjuajtjet befasuese nga shërbimi.

Ndonëse UMB i është afruar fundit të ndeshjes me disa pikë deçizive, lojtaret vendase kanë shpalosur tërë bukurinë e këtij sporti në një pallat me spektatorë të zjarrtë teksa kanë shënuar barazimin 24:24, por që thjeshtë për një “pikë fati” janë ndëshkuar, për ta humur kësisoj ndeshjen me rezultatin 1:3.

Trajneri i UMB-Voley, Kreshnik Tartari, tha për www.bashkiarreshen.com , se e donim shumë këtë fitore, pasi përballë kishim një ekip mjaft të fortë,dhe krejtësisht të formatuar jo vetëm në elementë, por në strategji dhe të ngritur profesionalisht.

Ekipi i Minatorit tashmë nuk mund të merret në konsideratë thjeshtë si një rival,u shpreh Tartari,por si pretendent për titull, pasi ka bërë një rikonstruktim të plotë, me disa lojtare cilësore,me Prengën që është një kualitet i lartë,dhe ku shihet dora e sponsorit si dhe mjeshtëria profesionale e trajnerit.

Megjithatë rruga është e gjatë,dhe na duhet shumë punë, duke lënë të nëkuptojë se edhe në të ardhmen me Minatorin nuk do ta ketë të lehtë.

MINATORI: Dalina Kola (kapitene), Arjola Prenga, Lindita Hoxha, Alma Gega, Adelina Kacorri, Alba Qose, Malvina Tuci, Gentiana Qose, Elsa Pergjetani, Serxhina Laska, Borana Pepa, Lorela Picaku, Emirieta Xhyriu, Gentiana Marku.

Trajner: Altin Mërtiri.

UMB-VOLEY: Junida Pogoni (kap), Kelly Goc, Geralda Nel, Fatbardha Memia, Narisa Kuqi, Enkelejda Skarra, Dorina Lapardhoti (lib), Gentiana Kadriu, Kleita Kurti, Albana Vokrri, Adela Kukeli, Viola Lisha.

Trajner: Kreshnik Tartari.

Gjyqtarë: Dhimitër Sallata, Vladimir Soloti. 

Pergatiti: Gj. Marku