Miratohet Plani Strategjik i Zhvillimit Ekonomik të bashkisë Rrëshen

  Këshilli i Bashkisë Rrëshen ka miratuar draftin e Planit Straegjik të Zhvillimit Ekonomik të bashkisë Rrëshen, paraqitur nga grupi i punës i ngritur nga bashkia me bashkëpunimin e ekspertëve të CANGO-s. Pas muajsh pune më së fundi, ka ardhur dhe etapa përmbyllëse e miratimit nga ana e këshillit si organi vendimmarrës për një projekt kaq të rëndësishëm të kësaj bashkie.

 Ky proçes i fundit është realizuar në një mbledhje të zgjeruar të këshillit të bashkisë i organizuar në pallatin e kulturës Rrëshen, ku pos këshilltarëve, morën pjesë dhe qytetarë të interesuar për këtë plan strategjik, drejtues institucionesh por dhe të ftuar nga komunat fqinje apo kontribues nga fusha akademike universitare etj. Ashtu si në të gjitha fazat e tjera kanë qenë pjesëmarrës dhe ekspertë e trajnues të CANGO-s.

 Takimin e hapi kryetari i Këshillit të Bashkisë, z. Nikolin Kaçorri, i cili si pikë të parë të trajtesave të kësaj dite, ka prezantuar pikërisht fazën e fundit të miratimit të planit strategjik të zhvillimit ekonomik të bashkisë, duke bërë një rezyme të tërë punës së bërë edhe nga përfaqësues të këshillit që kanë marrë pjesë në komisione e grupe pune të ndryshme, si dhe etapat nëpër të cilat ka kaluar diskutimi që nga misioni e deri tek projektet konkrete.

 Më pas ai ia ka dhënë fjalën kryetarit të bashkisë Gjon Dedaj, i cili ka analizuar më në detaje proçesin e kryer. Në afro 30 slajdera të videoprojektuar, zoti Dedaj, ka sjellë në vëmendje të publikut përmbajtjen e këtij plani strategjik, i cili tashmë do të mund të funksionojë si një platformë orientuese për tërë punën e bashkisë dhe aktorëve të tjerë, që punojnë e ndihmojnë në këtë komunitet.

 Nën një dizajn intrigues është dhënë të kuptohet se ky plan strategjik vjen në vijim të atij të vitit 2001, jo vetëm si një respekt i punës së paraardhësve, porse është dhe si një pasqyrë e kalkulimit të objektivave përvijuese nga vitit në vit, dhe mbi të gjitha, realizimit të projekteve që rrjedhin prej tij. E gjitha duke u shpjeguar dhe në bazë të vendimeve dhe kuadrit ligjor që e përcjell zhvillimin ekonomik të një njësie vendore, ashtu si dhe traditën në legjislacion. Mbi të gjitha, sqaroi kryebasdshkiaku Dedaj, mbetet me rëndësi të kuptohet se vendimi i Keshillit  për miratimin e Planit është i detyrueshëm për zbatim nga vetë Këshilli, Kryetari dhe stafi i Bashkisë dhe nga të gjitha institucionet në varësi të Bashkisë.

 Duke hyrë në elementët thelbësorë të planit strategjik, struktura e tij vjen e formohet nga vizioni, qëllimet, objektivat, projektet, afatet, përgjegjësitë. Ndërkaq synon udhëheqje e   PZHEV, rritje kapacitesh, mirëadministrim, monitorim, llogaridhënie, transparencë, inkurajimin e pjesëmarrjes, menaxhim territori, menaxhim demografik, zhvillim  konkurues, te rinjohe realitetin, te prezantoje kapacitetet natyrore, gjeografik, ekonomik,historik e kulturor, të përmbushë pritshmëritë dhe aspiratat e komunitetit, të përcaktojë një drejtim të qartë për zhvillimin e bashkise, te integrohemi bashkerisht ne nivele lokale, rajonale, kombetare evropiane, globale.

 Duke u ndalur tek target-grupet e interesuara ai ka theksuar se ky plan strategjik iu intereson që nga kryetari i këshillit, stafit të bashkisë, bashkive dhe komunave kufitare, agjensive vendore dhe të dekocentruara, biznesit, qarkut dhe planeve strategjike kombëtare.

 Më tej është sjellë në vëmendje minisioni i këtij plani stategjik që është :

 “Misioni i bashkise Rreshen eshte te garantoje shanse te barabarta per te gjithe banoret, te nxise dhe mbeshtese zhvillim te qendrueshem ekonomik e shoqeror ne respektim te mjedisit, tradites dhe standarteve europiane duke mundesuar nje cilesi jete me te avancuar per komunitetin”.

 Për realizimin e këtij misioni janë përcaktuar dhe 11 qëllime më të spikatura dhe që e evidentojnë problemin në thelbin e tij. Në vetvete për këtë mision është patur parasysh që të jetë:

-I qarte dhe i kuptueshem

-I shkurter sa duhet per tu mbajtur mend nga te gjithe

-Te specifikoje ne menyre te qarte fushen e veprimit te organizates

-I gjere sa duhet per te lejuar fleksibilitet gjate zbatimit, por i ngushte sa duhet per te na siguruar fokusimin

 Ndërsa synohen: zhvillim ekonomik, studime urbane, zhvillim social, politika lokale, arsim, shendetesi, kulture, sport, turizem, etj, gjë që do të realizohen përmes buxhetit të bashkisë, investimeve kombëtare, donatorëve dhe kreditimeve.

 Zoti Dedaj e ka mbyllur paraqitjen e tij me një referencë personale në të cilën theksohet: Vetem duke shkaterruar armiqesite mund t’i afrohemi e mbrojme PAQEN permes  te Vertetes dhe Drejtesise, Lirise dhe Dashurise  se ndersjellte!

 Duke përmendur aksiomën e një plani të tillë strategjik efektiv: Për një zhvillim të qëndrueshëm!

 Më pas rreth këtij drafti kanë bërë pyetje nga publiku pjesëmarrës, të cilët janë interesuar për anë të veçanata sidomos tek objektivat dhe projektet e zhvillimit. Edhe anëtarët e këshillit kanë qenë të interesuar rreth objektivave që përmbledh ky plan strategjik dhe sa ai rrok gjithë hapësirën e qeverisjes vendore jo vetëm për të listuar prioritetet, por dhe mbështetjen me buxhet si dhe alokimin e fondeve të duhura për të mundësuar realizimin konkret të një plani të tillë strategjik.

 Në mes tyre diskutantë si Pjetër Pjetri, Pashk Krepi, Ndrecë Biba, Gjovalin Jaku, Preng Toma e të tjerë, kanë theksuar anë të veçnata që duhen rikonfiguruar në disa pjesë të këtij plani si në arsim apo edukimin e publikut, etj.

 Pas pyetjeve dhe diskutimeve të shumta, kryetari i këshillit të bashkisë Nikolin Kaçorri, ka përsëritur ftesën e tij për antarët e këshillit për të dhënë votën konsensuale për miratimin e këtij drafti dhe fillimin e realizimit të proçesit të botimit dhe promovimit publik më pas.

 Një përshëndetje të vecantë ka bërë eksperti i CANGO-s Artan Rroji, i cili ka theksuar bashkëpunimin e shkëlqyer të afruar nga të gjithë aktorët e ndryshëm në këtë bashki, si grupet e punës, këshilli, grupet e pjesëmarrejs dhe deri tek ky diskutim i fundit i hapur në mes këshillit dhe komunitetit për të sjellë një mriatim të tillë publik, që është më e rëndësishme pasi është vetë komuniteti ai që përfiton nga një strategji zhvillimi.

 Pas diskutimeve dhe debateve të shumta, këshilli e ka miratuar në parim dhe në gjithë kapitujt e tij planin Strategjik të Zhvillimit Ekonomik të Bashkisë Rrëshen.

Gj.Marku