Mirdita-art 2009

-Edicioni i tretë-

Është përmbyllur edicioni i tretë i Mirdita-Art 2009, një nga veprimtaritë kulmore artistike dhe promocionale të vitit, tashmë i kthyer në traditë në bashkinë Rrëshen.

Kjo veprimtari e nisur që prej tre edicionesh, në epilog të cdo viti, kësaj rradhe i është kushtuar ansamblit folklorik MIRDIA, pjesëmarrës në festivalin folklorik të shtatorit të këtij viti në Gjirokastër dhe ekipit të Volejbollit për femra Minatori, i cila ka patur spikatje dinjitoze këtë sezon volejbollistik.

E paralajmëruar prej disa ditësh në platformën e mirëfilltë të një dite kulturore, veprimtaria në fjalë nisi në pallatin e sportit “Arjana Arapi”, një ballafaqim sportiv në mes ekipit Minatori, me lojtare që luajnë në këtë ekip dhe MIRDITA, me volejbolliste mirditore që luajnë në ekipe të tjera, kryesisht të kryeqytetit si dhe në Greqi e SHBA.

Fjalën e hapjes për këtë aktivitet e mbajti shefi i departamentit të kulturës në bashkinë Rrëshen Dod Pepkolaj, duke evidentuar faktin se kjo veprimtari që po krijon traditë të llojit të vecantë në Mirditë, këtë vit do të jetë ende më specifike pasi personazhe të kësaj feste në fundvit janë sportistet e suksesshme të Minatorit dhe artistët e ansamblit Mirdita.

Publiku ka pritur me ovacione prezantimin e lojtares nr.11 Arjola Prenga, e cila kthehet nga Amerika për të luajtur me Minatorin në këtë sezon, ekipin që e bëri sportiste me emër.

Më pas janë vënë përballë në parketin e fushës së volejbollit ekipi i Minatorit me atë Mirdita, duke dhuruar një spektakël të bukur per spektatorin e shumtë rreshenas. Vajzat që luajnë aktualisht me Minatorin janë treguar me efikase e kompakte dhe e kanë fituar ndeshjen me rezultatin 3: 0 duke fituar dhe kupën e këtij takimi miqësor.

Në një ceremonial të organizuar në pallatin e sportit me praninë e qindra tifozëve dhe të ftuarve të shumta nga Tirana e Durrësi, çmimi i dytë iu dha ekipit Mirdita, ndërsa Kupa e këtij takimi iu dha ekipit MINATORI aktual nga ana e Presidentit dhe donator i ekipit Muhamet Troplini, okulist i njohur në Durrës.

Kryetari i bashkisë Gjon Dedaj, duke uruar volejbollistet, drejtuesit e sportit dhe veçmas presidentin Troplini për shpirtin e tij altruist në rimëkëmbjen e ekipit, ka theksuar se dita e sotme përbashkon dy misione kulturale dhe sportive me të cilat Mirdita ka cfarë të tregojë në identitetin e saj por dhe evolimin dhe ecjen e saj progresive si një rajon që din të bëjë edhe historinë,edhe kulturën, edhe sportin.

Falenderime ka përcjellur zoti Dedaj për të gjithë stafin e ekipit dhe gjithë volejbollistet, si dhe ato mirditore që shquhen në ekipe me emër brenda e jashtë vendit, duke qenë në njëfarë mënyre “ambasadoret” me të mira të artit dhe sportit të Mirditës në Shqipëri e në botë.

Ekspozita e skulpturës 

Një grup studentësh të Akademisë së Arteve hapi një ekspozitë me skulptura kryesisht, dhe pikturë në sallën e galerisë së arteve në pallatin e kulturës dhe kjo ishte veprimtaria e dytë e kësaj dite kulturore.

Protagonistët, studentë mirditorë, sollën skulptura interesante të punuara në teknika të thjeshta por të një natyre tejet të vecantë, këtë e ka vlerësuar dhe piktori skenograf i pallatit të kulturës Gjok Pepa, që ka mbajtur dhe fjalën e rastit, duke e theksuar si një risi në organizimet e pallatit të kulturës.

Përshëndetje të veçantë për artistët solli dhe tenori Kastriot Tusha, si i ftuar në këtë aktivitet por dhe si pedagog i kësaj akademia duke evidentuar faktin se Mirdita ka artistë të mrekullueshëm që ruajnë traditën dhe e evoluojnë artin siç po tregojnë dhe këta artistë me këtë ekspozitë.

Kryetari i bashkisë Gjon Dedaj përgëzoi autorët për punën e bërë duke theksuar faktin se bashkia e ka patur në qendër të vëmendjes promovimin e elementit të ri artist kudo ai ndodhet, dhe veprimari të tilla i kanë shërbyer më së miri këtij qëllimi promocional në një krahinë ku e bukura është kredo e saj në histori, të tashmen dhe në të ardhmen e vet.

Më pas u kalua me vizita nëpër tërë punimet e kryera nga studentët ku ra në sy puna e bërë në disa teknika, si me allci të tonuar me lin, apo llamarinë, dru etj,e ku në vecanti spikaste ruajtja e formës në punime si me volumet e linjat për të sjellë nje art racional dhe të mbushur në ide interesante në punime të tilla jo të lehta në realizim apo transmetimin e ideve të qarta tek shikuesit. Ranë në sy punimet tipike me figura mirditore,si nusja në allci të tonuar në lin po ashtu dhe llamarinë, apo balerina,si dhe punimet e tjera në pikturë dhe të derdhura në një formë të vecantë në zink, për të konkluduar se kemi të bëjmë me artistë shumë premtues.

Ka qene ky fakti që ky grup studentësh dhe disa të tjerë tashmë janë shtrirë me një projekt për figura të ndryshme historike të realizuara në Mat, dhe me premtimin për ta realizuar dhe në Mirditë si një dhuratë për krahinën nga ata kanë marrë frymëzimin që të vegjël të apasionuar pas artit. Pikerisht per kete mision bashkia Rreshen u akordoj dhe certifikatë mrirënjohje për projektet e tyre dhe ekspozitën e realizuar me plot ide e punime cilësore.

Autorët e ekspozitës:

-Ermal Gega, me origjine nga fshati Peshqesh, aktualisht banues ne Laç vazhdon studimet ne akademine e arteve te bukura ne Tirane, dega pikture monumentale.
-Vladimir Kola me origjinë nga Fani, banues në Durrës, studion ne akademine e arteve te bukura Tirane, dega skulpture.

Benard Lekgegaj me origjine nga Perlati, student ne akademine e arteve te bukura Tirane, dega skulpture.

Eriet Mucollari nga Lezha student ne akademine e arteve te bukura dega pikture grafikë. 

Personazhet, Mirdita art 2009

Kjo ditë e bukur kulturore është përmbyllur me një aktivitet në formën e talk-shoët në sallën e koncerteve, ndërkohë që në skenë janë vënë ekipi i volejbollit nen drejtimin e sekretarit te klubit te sportit Minatori, Mark Kola, dhe grupi pjesëmarrës në festivalin e Gjirokastrës.

Përmes muzikës, intervistave, përshëndetjeve janë shpërndarë certifikatat dhe medaljonet e festivalit për artistët si dhe certifikatat e mirënjohjes të akorduara nga bashkia për sportistet mirditore.

Gjithashtu çertifikata mirënjohje të vitit janë dhënë edhe për disa aktorë të

Mirënjohje u dhanë për:

-Ekipin e Volejbollit për femra Minatori.

-Lojtare e vitit Gentiana Qose e Minatorit.

-Lojtaret me eksperiencë Dalina Kola (kapitene) dhe Lindita Hoxha.

-Trajnerit të parë të ekipit Minatori , Haki Halili

-Trajneri aktual i ekipit Minatori, Altin Martiri.

-Tv-Telesport për promocionin e ekipit.

-Sekretarit të FSHV-se Leonard Tase, per ndihmën ndaj ekipit Minatori.

-Certifikate mirenjohje iu dha edhe grupit te studentëve për ekspozitën.

Gjithcka e kompozuar në skenë me ekipin dhe artistët u përcoll përmes këngës dhe inskenimeve të tipit shoë,duke sjellë kënaqësi të veçantë për qytetarët në vigjilje të Vitit të Ri 2009, si një nga veprimaritë më masive përmbyllëse dhe traditës së edicioneve për t’i hapur udhën sezonit të ri kulturor për 2010.

Ne fund të aktiviteteve të ditës të cilat ishin mjaft të ngjeshura dhe me një dinamikë specifike, kryetari i bashkisë z. Gjon Dedaj është ndaluar me të gjithë pjestarët e stafit të bashkisë të cilët edhe një ditë pushimi ishin të angazhuar maksimalisht për mbarëvajtjen e dite kulturore të kthyer tashmë në traditë e njohur nën emërtimin “Mirdita-Art”. Ai ka falemderuar stafin të cilët në çdo aktivitet të këtij lloji kanë dhënë maksimumin për sa më shumë cilësi. Vlen për të permenduar këngëtarët Prena Beleshi, Drane Ndrelala, dhe Kol Zefi të cilët janë pjesë të administratës së Bashkisë në përbërje të Qëndrës Kulturore, të cilët me deputetimet e tyre i japin kolorit dhe janë të mirpritur nga spektatorët. Po ashtu

 një angazhim cilësor në këto aktivitete prezantojnë specialisti i fonisë Lin Kiku dhe skenografi Gjok Pepa. Një vlerësim për angazhim serioz ka edhe Policia Bashkiake e cila ndihmon për mbarvjatjen e aktiviteteve të tilla, të cilat edhe gjatë viti kanë qënë të shumta gjithnjë me ideim nga Qëndra Kulturore dhe e mbështetur nga Kryetari i Bashkisë z. Dedaj.

Presidenti i ekipit Minatori, Troplini shtroi një darkë për ekipin dhe artistët, duke krijuar një atmosferë të gëzuar pas një suksesi gjithëvjetor të artit dhe sportit në këtë bashki.

Përgatiti: Gjergj Marku

Përgjegjës i pallatit të kulturës “Mirdita”