“Mirdita-Art” çmimi prestigjoz i botës së artit mirditas. Nderohen dhjetë të përzgjedhurit e parë për këtë vit.

  Epilogu i vitit që sapo mbyllim ka bërë që jeta kulturoro – artistike në Bashkinë e Rrëshenit të marrë një hov të konsiderueshëm. Pikërisht sot, Departamenti i Kulturës dhe Qëndra Kulturore Rrëshen kanë zhvilluar një nga aktivitete më të arrirët në këtë fund viti. Përmes një shoë artistik të drejtuar nga z. Gjergj Marku, drejtor i qëndrës Kulturore në Rrëshen, departamenti i kulturës ka zgjedhur 10 individë apo subjekte të cilat kanë kontribuar për Mirditën dhe mirditorët. Të përzgjedur me kujdes mes më të spikaturve, lista me 10 emra është bërë e ditur përmes një programi artistik me pjemarrjne këngëytarëve të njohur mirditas, si Kastriot Kola, Prena Beleshi, Fran Preçi, Arlinda Gjoni, Eliona Kola, grupit të fëmijëve etj. 10 më të mirëve të përzgjeur me kujdes nga fusha të ndryshme, u është dorëzuar çmimi “Mirdita-Art” një ndër çmimet prestogjoze që bota e artit mirditas ka vendosur të akordojë çdo fund viti. Të përzgjedhurit të cilët janë nderuar me çmimin “Mirdita-Art” janë:

Klarenc Simoni-piktor i cili ka marrë çmime prestigjoze në Poloni dhe Japoni.

Eliona Pulaj-E përzgjedhur si përfaqësuese rinore e Shqipërisë në OKB

Kolë Picaku- Fituse i disa çmimeve në festivalet për fëmijë.

Bardhok Jushi-Ndërtus i suksesshme në Mirditë.

Ndrec Deda-përfaqësues dinjitoz i mirditorëve në metropol.

Fran Gjergji- Koreograf i apasionuar i ansamblit Mirdita

Michael Swinford- menaxher i autostradës Rrëshen- Kalimash.

Gjokë Beci- Poet i mirnohur mirditas.

Mark Gjoka-Muzikant dhe mjeshtër i këngës mirditorë.

Eugent Bushpepa-Këngëtar i suksesshëm pranë TCH.

  Aktiviteti ka zgjatur për rreth 2 orë, ndërsa salla ka qënë e tjembushur nga artdashës dhe qyterë të Mirditës të cilët kanë duartrokitur gjatë muzikën dhe përshëndrejtet e protagonistëve.

  I pari që ka marrë çmimin “Mirdita-Art” ka qënë piktori i vogël por i suksesshëm Klarenc Simoni. Në përshëndetjen e tij ai ka thënë se jam shumë i emocionuar për këtë vlerësim që më bëtë dhe përshëndes të gjithë organizatorët e këtij evenimenti. Njëherësh unë përshëndes edhe profesorin tim të parë z. Pjetër Marku, dhe pedagogun tim në Tiranë, z. Bashkim Dervishi, pasi shkolla jonë është shpallur ndër gjashtë më të mirat në të gjithë botën. Çmimi i parë është marrë në Poloni, ndërsa ai rradhës është marrë në Japoni.

  Po ashtu një fituese tjetër e këtij çmimi të rëndësishmë akorduar nga bota e artit dhe kulturës mirditase, ka qënë edhe nxënësja e shkollës së mesme Rreshen Eliona Pulaj, e cila në përshëndetjen e saj veçoi se është e vërtetë  se ne u pritëm në OKB të shoqëruara nga Jozefina Topalli, por të gjithë u habitën kur morën vesh se unë isha nga Rrësheni. Por unë u thashë se ne mirditasit mund të bëjmë punë të mëdha pasi zotërojmë inteligjencën dhe dëshirën për të ecur përpara.

Mjeshtri i muzikës Kol Picaku, teksa mori çmimin vlerësues për punë e tij,ka  falenderuar  për aktivitetin e bukur që zhvillohet nga Qëndra Kulturore e Rrëshenit. Ky çmim që po më jepet është kontribut i të gjithë fëmijëve dhe prindërve të tyre, -tha muzikanti Picaku.

  Bardhok Jushi tha se nuk e kam parasysh kush e ka inicuar këtë përgjedhje, por gjithësesi ju falenderoj për çmimin e akorduar. Për rastin konkret mund të them se ka disa kohë që nuk banoj në Mirditë, por erdha dhe ivestova këtu pasi jam nisur nga dy motive. Sëpari për faktin se dua të ivestoj në vëndlindjen time, dhe së dyti në zbatim të idesë së kryeministrit për të ivestuar në zona të varfra. Unë mendoj se në Mirditë kam gjetur klimën e përshtatshme duke pasur parasysh që ka mbi 15 vite që nuk ka pasur ndërtim cilësor, kam ndërtuar një objekt që ka dalë i bukur, por kam edhe ide për ndërtime të tjera. Unë mendoj që vitin që vjen do të ndërtoj një godinë multifunksionale por edhe banimi ku do të gjejnë strehim një numër i konsiderueshëm banorësh në një numër prej 1000 banorësh. Këtë ndërtim premtoj se do ta bëj edhe më cilësor se ketë që tashmë ka përfunduar.

Ndrec Deda tha se shpreh mirnjohjen time për këtë vlerësim për mesazhet që përcjell, sipas të cilit thuhet se ne midrditorët duhet ta vlerësojmë njëri-tjerin. Ju uroj gjithë të mirat, fat mbarësi për të gjithë mirditasit kudo që të jenë.

Fran Gjergji një specialist i valleve mirditase i cili punon për ruajtjen e traditës në përshëndetjen e tij tha se vallja është pasioni im që në vogli dhe këtë po jua trashëgoj edhe brezave të tjerë. Pikërisht unë kam vajzën edhe djalin të cilët merren shumë me vallen, ndërkohë që prej kohësh unë mësoj dhe përgatis dhjetra fëmijë të qytetit të Rubikut dhe Rrëshenit. Vallja për mua është një pasion shumë i madh gjithashtu unë ju përshëndes të gjithëve që jeni në sallë pasi ju jeni mbështetja jonë në aktivitetet e shumta.

Michael Swinford- menaxher i autostradës Rrëshen- Kalimash

  Pikësëpari do tu kërkoja falje për atë që nuk mund të shprehem në gjuhën shqipe. Sëdyti jamë shumë i nderuar që po e marr këtë çmim jo vetëm për vete por për të gjithë punonjësit që janë të angazhuar në këtë projekt që po punojnë dhjetë orë në ditë, që po punojnë me dy turne që kjo rrugë të përfundojë në kohë. Shpresoj që sejcili nga ju të vijë atje për të parë atë që po bëhet në kantierin e ndërtimit të kësaj rruge. Sëfundi ju falenderoj shumë edhe në emër të gjithë atyre që po punojnë në këtë rrugë.

 Mark Ruçi, kryetar i Bashkisë Rubik

  Është fakt tashmë që Mirdita shquhet për veprimtari kulturore të cilat gjithnjë e më shumë promovojnë vlerat kulturore të Mirditës. Edhe në jemi pjesë e autostradës Durrës-Kukës, natyrisht që edhe në pjesën tonë punimet kanëe filluar por jo në ato nivele që përmend Bechtel-Enka. Unë uroj që kjo rrigë do të kapë afatin e caktuar para vitin 2009. unë desha t’ju bëj një përshëndetje të veqantë drejtuesve të Bechtel-Enka, për punën kolosale në këtë vepër gjigande që do të zhvillojë Mirditën.

Aleksandër Lala, kryetar i komunës Orosh.

  Mua nuk më mbetet tjetër veqse të uroj Gëzuar për shumë vite këto festa dhe Michael Swinford t’i siguroj mbështetje maksimale të komunitetit nga ku kalon ky segemnt rrugor e cila është një vepër e shekullit. Unë shpresoj që në vitet në vazhdim do të ketë festa edhe më të mëdha, ndërsa festa më e madhe konsideroj se do të jetë përfundimi i rrugës Durrës- Orosh- Morinë.

Gjokë Beci, poet i mirnjohur mirditas.

  Unë kam parë në botë edhe salla të mëdha, kam pasur rast të shikoj shfaqje edhe në Milano, në një ndër sallat më të mëdha të botës, por ju garantoj se sontë kjo sallë më është dukur më e madhja që kam parë. Teatri i Operas dhe Baletit ishte një teatër që më bëri nder mua për të thënë  se Tirana prej atij teatri ju dërgon 1000 herë të fala juve që më keni rritur mua, sepse pa ju, pa gjyshërit dhe etërit tanë, pa ju vëllezër dhe motra të nderuar, pa të gjithë ata që kanë bashkëpunuar, Gjoka sot mund të ishte një lopçar i dalluar. Ju a them sinqerisht se nuk e kam ndjerë veten më të lumtur dhe më krenar se sa sot këtu në këtë sallë. Sepse unë e kuptoj, ju nuk kenia ardhur për mua po për dashurinë që keni për artin tuaj që u takon juve. Unë dua ta falenderoj përzemërsisht kryetarin tuaj të bashkisë së Rrëshenit z. Gjon Dedaj, dhe t’i shpreh mirnjohjen time të thellë për gjithë atë që po bën për t’i dhënë shpirtin e tij të madh artit dhe kulturës mirditase.

Mark Gjoka, kantautor dhe mjeshtër i këngës mirditore.

  Ju falenderoj të gjithë organizatorët dhe bashkinë e Rrëshenit si edhe kryetarin Gjon Dedaj për mundësinë që po më jepni të përjetoj këtë çast të mrekullueshm, që me të vërtetë vetëm një publik, një sallë dhe një duartrokitje e mirditasve të mij mund ta japin. Të gjithë ata njerëz që për vitin 2007 kanë mbështetur përkrahur dhe vazhdimisht na kanë ndjekur në rrugën tonë të mrekullueshme të artit t’ju uroj sa më shumë suksese, sa më shumë lumturi dhe ju kërkoj të mos reshtni duke na përkrahur sepse ne jemi pjesë e juaja. Dua të përshëndes kryetarin e bashkisë, këshillin bashkiak të Mirditës, për atë përkujdesje dhe përkushtim që kanë për këngën dhe artistët mirditas. Dua të përshëndes të gjithë ata njerëz që vijojnë të ndjekin rrugën e mrekullueshme të artit, të gjithë ata artistë që militojnë sërish në ansamblin emblematik “Mirdita” që nga Kolë Zefi e deri tek ajo këngëtsarja e vogël e mrekullueshme e cila sapo këndoi. Dua të përshëndes të gjithë ata njerëz që e mbështetën këtë aktivitet që nga z. Bardhok Jushi deri tek mjeku Gjokë Gjoka. Desha të përshendes të gjithë ata njerëz që kanë marrë përsipër të ndjekin rrugën e mrekullueshme që nga Gjon Buzuku, që nga Gazujt e hershëm, Gjergj Fishta e Abat Doçi e deri tek pena e artë e Ndue Dedajt, e shkrimtarit Gjon Marku, gazetarit Aleks Ndoja ku të gjitha burojnë nga një gjeni, ajo mrekullia që është thënë e që unë kam kënaqësinë ta rithem, Gjokë Beci.

Gjon Dedaj, kryetar i bashkisë Rrëshen.

  Në fakt unë ja kisha lënë emocionin departamentit të Kulturës, të cilet në bashkëpunim me të gjithë institucionet e tjera, kanë përzgjedhur këta personazhe për vitin 2007. shpresoj se kemi qënë përafërsisht të drejtë, por unë ju kërkoj falje të gjithëve për këtë përzgjedhje për vetë ngjashmërinë që ne mirditorët keni me njëri tjetrin. Nga ana ime mund të them vetëm një sekret. Më pyetën a duhet të jetë apo jo Bechtel-Enka. Dhe unë ju thashë se duhet të jetë dhe zgjidhni edhe të gjithë ata mirditorë që mbanë derën hapur për qytetarinë. Besoj se të gjithë kanë qënë të tillë. Kësisoj unë do ta filloj me z. Michael Swinford, përfaqësuesin e JV Bechtel-Enka, i cili do të jetë bashkë me ne gjatë viteve që do të vijnë për të treguar që ne e kemi merituar mbështetjen e amrikaneve ndër vite dhe e meritojmë këtë rrugë të bukur ku do të kalojnë të gjithë europianët, të gjithë amerikanët, e gjithë bota e qytetëruar. Mendoj se jeni të gjithë në një mëndje me mua se njeriu që ka hapur dhe ka mbjatur derën hapur për mirditorët është Gjokë Beci i cili i ka kushtuar jetën Mirditës. Mendos gjithashtu se departamenti i kulturës ka vepruar drejt kur ka bashkuar të gjitha moshat, ka bashkuar djalin e vogël me një penel të denjë, për tu pasuar me nxënësen e cila ka ditur të thotë fjalën si të gjithë parardhësit e vet mirditorë. Pra kjo është Eliona Pulaj dhe piktori i vogël Klarenc Simoni. Besoj se me entuziasmin e vet Mark Gjoka mbetet një njeri i denjë për ti shërbyer kulturës, përveç lidhjeve të tjera që ka me të gjithë ne. Mendoj se bisnezmeni i vërtetë Bardhok Jushi që e ka lënë profesionin e juristit, po përpiqet të lidhet drejtësisht me vëndlindjen e tij. Nuk kam për të harruar Fran Gjergjin por Mirdita është multidimensionale dhe unë jamë këtu për të siguruar se u a kam borxh shpirtin, ja u kam borxh mendjen artit, kulturës dhe Mirditës. Ju falenderoj të gjithëve, Gëzuar dhe për shumë vjet!

Eugent Bushpepa, këngëtar pranë TCH

Jam shumë i lumtur që i kthehem kësaj skene pas shtatë vitesh dhe ju siguroj se ndjej aq mall për të. Shpresoj që të kenë mbështetje të gjithë këta këngëtarë të mrekullueshëm që pamë këtu, dhe këtë e besoj pasi ju jeni keni qënë gjithnjë të ngrohtë që nga fillimet e mija e deri më sot. Jam shumë krenar që jam mirditor dhe që ndodhem këtu mes jush.

Përgatiti A. Ndoja