“Mirdita art 2008”

  Në përmbyllje të veprimtarive masive të këtij viti, pallati i kulturës “Mirdita” organizoi edicionin e dytë të “Mirdita-Art 2008”, një aktivitet i nisur vitin e kaluar me ardhjen në drejtim të pallatit të kulturës të gazetarit Gjergj Marku, që ishte dhe organizator dhe prezantues i këtij spektakli.  Kjo veprimtari synon të evidentojë artistët më të zëshëm të vitit si dhe aktorë të tjerë të cilët japin ndikim të dukshëm në jetën artistike, kulturore dhe rritjen e ndjesive artistike dhe kulturale të komunitetit. Evidentimi nuk ndalet vetëm në Rrëshen por dhe me artistë apo veprimtarë të ndryshëm që janë të suksesshëm e që banojnë në Tiranë apo gjetkë, por që japin kontribut të drejtpërdrejtë në Rrëshen apo Mirditë.

Në hapje të kësaj veprimtarie edicionale janë përshëndetur 10-të të përzgjedhurit e vitit të kaluar ndërsa më pas është kaluar në zbulimin e fituesve të këtij edicioni të dytë të “Mirdita Art-2008”.

  10 të përzgjedhurit.

  Të situr nga një juri përfaqësuese nga fushat e artit kryesisht, për këtë vit janë selektuar 10 më të mirët, duke filluar nga vepra më e madhe e Artit që mund të quhet tashmë, autostrada Durrës-Kosovë, 80 kilometra të saj me vepra të shumta arti, kalojnë përmes Mirditës. Pikërisht për realizime të nivelit të lartë të inxhinierisë botërore janë lauruar me çmim zbatuesit e këtij projekti, drejtues të kompanisë Bechtel-Enka. Çmimi u tërhoq nga vetë drejtuesi Majkëll Steinford, i cili vlerësoi tërë faktorët kulturorë dhe bashkinë Rrëshen për vëmendjen e treguar ndaj një realizimi të tillë gjigand dhe në perfeksion. Kryetari i bashkisë Rrëshen Gjon Dedaj duke dhënë çmimin u shpreh i emocionuar me atë çfarë kompania po realizon në një vepër që do t’i japë jetë jo vetëm krahinës sonë të dashur por tërë kombit shqiptar, dhe se veprat e artit mbeten një pasuri e madhe kulturore për Mirditën dhe më gjerë.

Po me këtë çmim për krijimtarinë e tij dhe sidomos romanin e këtij viti “Prapësi”, u nderua Ndue Gjika, shkrimtar mirditor që punon e jeton në Tiranë, ish-deputet i Mirditës, por që është aktiv në jetën kulturore dhe sidomos për temën nga krahina shquhet në krijimtarinë e tij studiuese dhe krijuese.

Nga sfera e mësuesisë shtë vlerësuar me çmim mësuesja e fillores

Tefta Lleshi, e cila pos profesionit të mësimdhënies, është evidentuar për librin e saj didaktik të botuar para disa muajve “Shkronjat”.

Eliona Kola ka qenë emri i rradhës që ka marrë çmimin si një artiste me talent në fushën e këngës, fituese e disa çmimeve si në festivalet mbarëkombëtare apo në Kosovë e gjetkë, këngëtare që premton për të ardhmen. Ajo ka performuar “live” për publikun me “Valsi i lumturisë”.

Është përzgjedhur në mënyrë të veçantë një nga bartëset e vjetra të folkut mirditor, e moshuara Bardhe Pjetraj, e njohur si këngëtare e festfolkut 1978, por dhe si vajtojcë e spikatur e kësaj treve e më gjerë. Përgjigja lakonike e saj ka qenë se “këtë vit që vjen do t’i uroja vetes më pak punë”, por që natyrisht me fjalën e gdhendur të saj, në ceremonitë mortore mundet të sjellë zbutjen e hidhërimit që ndjejnë njerëzit në raste të tilla fatkeqësishë.

Llesh Llelshi, instrumentist i njohur, është lauruar me cmimin “Mirdita art 2008” si një nga instrumentistët më virtuozë në sharki, çifteli të zakonshme apo tempera. Ai mbetet një nga personalitetet më të spikatura në këtë fushë për ansamblin “Mirdita” e më gjerë.

Faqja në online e bashkisë www.bashkiarreshen.com, është vlerësuar gjithashtu si një nga faqet që në pak muaj bëri të jetë ndër më të klikueshmet në bashkitë e vendit duke u bërë një portë e rëndësishme komunikimi në mes bashkisë dhe qytetarëve, dhe jo vetëm brenda krahinës apo vendit, por sidomos emigrantëve në tërë skajet e globit.                 Webmasteri Aleksandër Ndoja, duke marrë çmimin, dha siguri se kjo faqe do të vazhdojë të informojë saktësisht dhe shpejt me informacione, për të qenë një urë e fortë lidhëse në mes institucionit të bashkisë dhe komunitetit, dhe pikësëpari duke sjellë komoditet dhe efikasitet në informim dhe shërbesë. Duke vijuar me tej, ai tha se megjithese faqja eshte zyrtare dhe i perket nje institucioni siç eshte bashkia Rreshen, brënda saj nuk ka më shumë se 10 përqint zyrtarizëm përmes shifrave. Pra, ajo është një dritare ku çdo mirditas brënda dhe jashtë vëndit, madje çdo vizitor i saj mund të përfitojë shërbimin e mungur online, por çdo ditë mund të marrë informacion për kulturën, historinë, jetën dhe zhvillimin e një qyteti.  

Rapsodi i njohur Nikoll Preçi që ka plot 40 vite në skenë, e ka marrë çmimin duke përshëndetur në një mënyrë shumë të veçantë përmes një kënge humoristike, ndërkohë që ka kërkuar nga ana e bashkisë dhe drejtuesve të ndryshëm që të mos lejohet për asnjë shkak lënia pas dore e ansamblit “Mirdita”, me të cilin ai dhe shokët e tij kanë një jetë të lidhur duke i dhënë publikut produkte cilësore në shkallë vendi.

Mësuesi i dalë në pension prej vitesh, por i njohur për kontribute në fushën e kulturës dhe siodomos në instrument për kultivimin e shumë talenteve të reja, Ndue Dona është lauruar gjithashtu me çmim. Ai është ndjerë i emocionuar nga ky vlerësim dhe ka thënë se ndjehet i obliguar të japë sërish duke uruar artistët e rinj për të ecur në hapat e hedhura prej vitesh nga artistët, krijuesit dhe inhterpretuesit e shquar mirditorë.

Me çmim është lauruar dhe një nga ndërtesat më të hijshme të realizuar në hyrje të rrugës kryesore të qytetit Rrëshen, Bar-bufe “Filopati”, si një projekt dinjitoz që e zbukuron qytetin, realizuar nga arkitekti i njohur Klement Koloneci dhe investitor e pronar Gjok Filopati.

Veprimtaria është ndërthurur me elementë të një shoë artistik special, përmes intervistave dhe ilustrimeve videoprojektive,si dhe këngëve të bukura nga folku burimor mirditor, por dhe zëra të këngës moderne.

Përshëndeten me interpretimet e tyre virtuoze  këngatërët Prena Beleshi, Fran Preci, Kastriot Kola, Kol Zefi, Mark Gjoka me grupin e tij muzikor duke sjellë realizime të freskëta plot sharm, si dhe artistët më të rinj si Elsa Mrruku e Ilja Jahja nga Rrësheni e Rubiku apo Kristela Gjoka e Rovena Marku, nga zërat magjik në qytetin e Lezhës.

A. Shtinja