Kontakti per shitjet dhe prenotimet:   cel. 0692066874, email: ava_shpk@yahoo.com

Rrëshen, merr udhë ndërtimi i një kompleksi modern për banesa dhe qëndër tregtare.

 Prej kohësh në vizionin e Bashkisë Rrëshen nuk egziston më modeli i zgjerimit të banesave të trashëguara nga sistemi i kaluar, pasi kjo metodë megjithëse në një farë mënyre u vjen në ndihmë aplikuesve të tyre, nga ana tjetër tregon se ndikon negativisht në zënien e hapësirave publike, por edhe prodhon konflikte të ndryshme sociale, ndonëse ato deri tani kanë qënë në kuota të pa përfillshme. Në këtë kuadër, Bashkia ka ushtruar ndikimin e saj për stimuluar ndërtime të reja, të cilat tashmë do të jenë bashkëkohore. Madje pa hequr dorë aspak nga zbatimi me përpikmëri i ligjit, drejtuesit e Bashkisë dhe institucioni përgjegjës KRRT-ja, kanë qënë në avangardë për të krijuar klimën e përshtashme që ivestitorë seriozë në fushën e ndërtimeve, të shprehin interesin e tyre në këtë drejtim, edhe në qytetin e Rrëshenit. Përpos  angazhimit serioz të Bashkisë së Rrëshenit, janë edhe disa faktorë të tjerë që e bëjnë këtë qytet, mjaft të përshtatshëm për tregun e ndërtimit, sidomos pas përfundimit të shpejtë të rrugës Durrës-Kukës, por edhe nisjes së rrugës së re e cila mendohet të lidhë Rrëshenin me Burrelin, e më tej me Dibrën e Madhe e Maqedoninë.

 Në këtë frymë është edhe një ndërtim i ri i cili prej më shumë se dy javësh ka nisur të hedhë themelet në dalje të qytetit të Rrëshenit, në afërsi të vëndit “Ura e Jakajve”, përballë axhensisë së vjetër të udhëtarëve. Puna në këtë kantier ka nisur  me intensitet të plotë, dhe në pak ditë punimet e nisura në thellësi të tokës, do të dalin në sipërfaqe.

 Ing. Ardian Gjoka është drejtuesi ligjor i firmës “AVA-shpk”, i cili ka marrë përsipër ndërtimin e një kompleksi banimi plus qëndër tregtare në këtë sektor. Ai thotë se e ka zgjedhur këtë vënd i cili është në ekstremin lindor të qytetit, si një vënd mjaft i qetë dhe i bollshëm për të ndërtuar një kompleks të tillë, i cili do të jetë një ndër më cilësorët të ndërtuar në Shqipëri. Ardiani thotë se megjithëse ka lindur ne Rreshen dhe qe prej moshes 6 vjeçare jeton në Tiranë, origjina e tij mirditore ka bërë që prej kohësh të mendojë për një ivestim serioz në vendlindje, edhe pse për një treg të tillë ende nuk ka të dhëna të sakta dhe të provuara. Por, Gjoka thotë se me të nisur punimet për ndërtimin e këtij kompleksi është shtuar dukshëm interesi i qytetarëve të Rrëshenit dhe i zonave për rreth, si për afatin e përfundimit por edhe për kushtet brëda banesës.

 Ing. Gjoka vlerëson mirkuptimin me pronarin e tokës, mirkuptim i cili është ndërtuar në respektimin e interesave të përbashkëta dhe në zbatim të ligjeve përkatëse të shtetit. Pra pas ndërtimit të objektit, nuk do të ketë asnjë pengesë që blerësit ta rregjistrojnë banesën si pronë të tyre, në ndryshim me shumë raste ku blerësit edhe pse kanë paguar miliona lekë, nuk mund të njihen si pronarë të ligjshëm të objekteve të tyre.

Po cilat janë disa të dhënë në lidhje me kompleksin në ndërtim?.

 Në planin urbanistik dhe viziv e gjithë zona dhe qyteti do të përfitojë një ambient të kulturuar dhe mjaft bashkëkohor. Do të sistemohet përfundimisht përroi i Jakajve i cili vitet e fundit me daljet e tij nga shtrati, ka qënë mjaft problematik për banorët përreth. Pas ndërtimit të gjithë objektit, zona do të marrë një dimension të ri dhe nuk do të jetë më një periferi e rrezikuar shpesh nga lëvizjet e mjeteve. E gjithë sipërfaqja e ndërtimit do të vijojë në tre kate, ku i pari do të jetë parkim nëtokësor për të gjitha mjetet që do të jenë në dispozicion të pronarëve të banesave. Futja e mjeteve do të bëhet përmes një porte me telekomandë, dhe salla e parkimit të mjeteve do të komunikojë me anë të një ashensori me katet e tjera të pallatit.

 Pra, për familjarët do të sigurohet një komunikim konfortabël dhe i sigurtë mes  banesës së tyre dhe veturave në pronësi të tyre. Ndërsa dy katet vijues të komleksit, do të jenë qëndra tregtare. Në hapësira të konsiderusheshme do të ketë dhjetra dyqane dhe lokale të ndryshme, të cilat tashmë janë pronetuar nga firmat më të njohura në Shqipëri dhe jashtë Shqipërisë. Konkretisht, me të përfunduar objekti, në ambientet e tij do të vendoset një degë e “Qëndrës Tregtare Univers-QTU”, NEPTUN-SHOP, EUROMAX, dhe emra të tjerë të njohur. Pikërisht në tarracën e katit të tretë do të shkëputen dy “kulla binjake” me nga shtatë kate të cilat do të jenë të dizenjuara për banesa. Ç’do kat do të ketë nga tre hyrje si 1+1 me sipërfaqe 75 m2, 2+1 me sip. 95 m2 dhe 3+1 me sip. 119 m2. Ndërsa sheshi mbi katin e tretë do të jetë i përbashkët në shërbim të banorëve, kryesisht të fëmijëve të cilët do të kenë garancitë e nevojshme për sigurinë e tyre.

 Sipas drejtuesit ligjor, z. Ardian Gjoka, në këtë pallat do të jetë i sigurtë furnizimi me ujë të pishëm, pasi për këtë është menduar të vihen dy cisterna të mëdha, një në katin e poshtëm dhe një në katin e sipërm, me një rregullator tejet cilësor për të shmangur luhatjet e presionit që janë të dëmshme për rrjetin e shpërndarjes. Po ashtu edhe furnizimi me energji elektrike do të jetë i garantuar, dhe me një rrjet të garantuar dhe cilësor për të shmangur c’do anomali.

 Me përfundimin e ndërtimit të këtij kompleksi synohet që lëvizja dhe popullimi i zonës të jenë në kuota mjaft cilësore, dhe parë nga projekti e gjithë zona do të marrë një pamje të krahasueshme me zona dhe qëndra të zhvilluara të vëndit, por dhe më tej. 29. 05. 2008

Të dhëna teknike:

Vendimi nr. 2 dt. 29.04. 2008 i KRRT Bashkise Rreshen.

Leje ndertimi nr.1131 date 06.05.2008 per objekt:

“Qender tregetare 2 kate,1 kat parkimi nentoke, 2 kulla banimi 7 kate”.

Shoqeria ndertuese AVA-shpk, license  NZ 5819

Drejtues ligjor:                    Ing. Ardian Gjoka

Drejtues teknik:                   Ing. Ilirjan Armiri

Zbatues i punimeve:            Ing. Erion Bleta

Mbikqyrsi i punimeve:        Ing. Pjeter Cupi

Projektues:                           Maksim Kola

Fillimi i punimeve:            qershor 2008

Mbarimi i punimeve:        qershor 2009

 Pike Kontakti:   cel. 0692066874, email: ava_shpk@yahoo.com

A. Ndoja