Njoftim: Nje grup artistesh te arteve figurative te mbeshtetur nga disa pjestare te administrates se Bashkise Rreshen po marrin te gjitha masat qe me 24 dhjetor te ketij viti, ne sheshin Abat Doçi te Rreshenit te vendoset shtatorja e Nene Terezes.

 Ceremoni përkujtimore në nderim të Humanistes Nënë Tereza. Merr pjesë dhe biografi i shquar i Saj, Dr. Dom Lush Gjergji.

Humanistja e shquar shqiptare e mirnjohur kudo në Botë, në 100 vjetorin e lindjes së saj ka mbledhur në sallën e Qëndës Kulturore të Mirditës qindra banorë të këtij qyteti, adhurues të misionit të saj të përbotshëm në ndihmë të atyre më në nevojë. I gjithë aktiviteti u organizua nga Drejtoria Arsiomore Mirditë, në bashkëpunim të ngushtë më Bashkinë e Rrëshenit. Të pranishëm ishin drejtues të pushtetit vendor dhe drejtorisë arsimore, prefekti i qarkut Lezhë z. Pal Dajçi, Ipeshkëvi i Dioqezës së Rrëshenit Kristoforo Palmieri. Ndërsa i ftuari special i këti evenimeti të rëndësishëm në Rrëshen ishte Dr. Dom Lush Gjergji biografi më i shquar i Shën Nënë Terezës.

Aktiviteti i cili ka nisur rreth orës 10 paradite ka staruar me një grup fëmijësh të shkollës së mesme që kanë recituar thënie dhe shprehje lapidare të Nënë Terezes. Më tej këngëtari Kastriot Kola ka shtuar emocionet në teksa këndonte një këngë kushtuar Nënës Terezë.

Në fjalën përshëndetëse drejtori i zyrës arsimore z. Gjon Kola theksoi se në botën pagane, ajo të kujton një Promete, por me një ndryshim. Prometeu iu kundërvu Olimpit, Nënë Tereza iu mishnue Qiellit: “Jam një penë në dorë të Zotit”. Në botën monoteiste, ajo të kujton një Galileas, që e pati zbuluar 2000 vjet më parë ligjin e dashurisë, të dhimbjes e të flijimit për të tjerët. Nënë Tereza rizbuloi dimensionet e shpirtit kristian: “Jemi të gjithë bij të një Ati”.

Në orvatje për të vlerësuar veprën e saj, mbretër e presidentë, qeveri e parlamente, forume e organizma ndërkombëtare i dhanë asaj një mori titujsh nderi. Popujt – që dinë të vlerësojnë më mirë se kushdo– i dhanë titullin më të madhërishëm Nënë. Nga një “Madre” e murgeshave të bamirësisë, ajo u bë Nënë e të gjithëve, Nënë e mbarë botës. Kush mund të matet me dashurinë e një Nënë të tillë?

Për mbarë njerëzimin, Nënë Tereza është një vlerë ekumenike. Për ne shqiptarët, ajo është diçka më tepër, një vlerë etnike: frymë prej trojeve tona, lëndë prej dheut tonë, plazmë prej gjakut tonë, afsh prej gjoksit të fisit tonë. Të falemi nderit, Nënë Terezë ! Do të të duam me dashuri të pafundme!!! 

Mjaft interes është pritur fjala e Dr. Dom Lush Gjergjit. Për minuta të tëra kleriku erudit ka përcjellë emocione të forta teksa me një dinamizëm të pa shoq ka shpalosur tek të pranishmit emocionet e tij gjatë takimeve me Nënë terezën e Papa Xhon Palin II. Unë sot falennderoj të madhin Zot, falenderoj Ipeshkëvin, falenderoj të gjithë juve për këtë pritje vëllazërore ashtu siç ishte jeta dhe vepra e nanës Tereze. Unë vij këtu para jush tu them se pata fatin e madh  që në tetorin e vitit 1968, në Romë në vitin e dytë të studimeve të mija filozofike të takoja Nanën Tereze. Më tej ai foli shumë gjatë për jetën dhe veprën e nënë Terezës duke theksuar se edhe babai i saj Kol Bojaxhiu ishte një pasanik i madh, me 10 shtëpija në Shkup, por ai jetonte në njërën prej tyre, ndërsa në 9 të tjera jetonin të varfërit fukarenjtë dhe të sëmurët.

Ndërsa edhe Ipeshkëvi Palmieri foli për vlerat e Nënë Terezës duke theksuar se ajo është mjaft e njohur dhe respektuar në Mirditë.

Gjon Dedaj, Kryetari i Bashkisë Rrëshen në përshëndetjen e tij tha se si askush tjeter, Nene Tereza  vazhdon e do vijoje te  na kerkoje qe qeverisjes ti japim moralin dhe sensin e drejtesisë pikerisht balancen e kendveshtrimit katolik te evolucionit prej ku buron  administrimi  i përgjegjshem i te mirave materiale , sjellja  e pergjegjshme  dhe dorezimi i rregullt i detyres…

Dhe sot kur Mirdites kane filluar ti ringjallen rrugët qe politika ia vrau pa dhimbt, rruget  drejt Prishtines, drejt   Tiranes  dhe se afermi asaj te  kalimit te lumit Mat  per ne Shkup,  besoj se kjo treve qe ka ruajtuar kaq shume emrin e Tereze, ndër banore te vet, pavaresisht edhe dekretit  te shtatorit 1975 per ndryshimin e emrave me lidhje fetare,  zor se do te dale kush te provoje mungesen e lidhjes se gjakut mes  Mirdites dhe  Nenes Tereze. Sot bindem me shume se Rruga Rreshen – Burrel – Klos ,  qe shpata politike i vrau uren per kaskaten e jodrites eshte , ishte dhe do te jete rruga nga levizi dhe komunikoj ne vllazeri familja e origjines se  Gonxhe   BOJAXHI  e bija  e Kol  (NIKOLL ) dhe Drane…

Kjo dite kaq e vecante eshte nje ftese per promovimin me efikas te te komponenteve tona kulturore, dhe per gjetjen e instrumenteve  dhe mundesi te bashkveprimit qe ato ti sherbejne zhvillimit  dhe imazhit qe ne meritojme …

Në fund u lexua një portretizim mbi cilësitë kryesore të Nënë Terezës dërguar pasaqërisht për këtë takim nga intelektuali me banim në Amerikë.  Qefa.

A.   A. Ndoja