Nis puna për kthimin në gjëndje normale të varrezave të Dëshmorëve.

Puna për sistemimin e qytetit të Rrëshenit ka vijuar me varrezat e Dëshmorëve   të Mirditës. Prej më shumë se 20 viteve ky vënd ku prehen ata që mbajnë titullin Heronj dhe Dëshmorë të Atdheut, ka qënë lënë në mëshirë të fatit. Përpos ndonjë shërbimi të vogël, sa për të kaluar rradhën në raste të ndryshme, nuk është bërë asnje ndërhyrje serioze. Për pasojë situata ka qënë mjaft e rëndë në këto hapërsira, aq sa ka qënë mjaft e vështirë për të dalluar nëse aty ishin varreza apo toka të lëna djerr prej dekadash.

Një situatë e tillë ka marrë fund pikërisht pak ditë më parë, kur Kryetari i Bashkisë z. Ndue Gega ka urdhëruar nisjen e aksionit të menjwhershëm për ndryshimin e gjëndjes nga firma nënkontraktore. Prej disa ditësh kjo firmë ka angazhuar kapacitetet e saj teknike dhe fizike, për të kthyer në identitet këtë vend. Është e pa besueshme që nga ky vënd janë hequr dhjetëra makina me mbeturina, dhera dhe ferra, dhe pas kësaj edhe vetë punëtorët janë habitur se të gjitha ato ambiente kishin qenë të shtruara me pllaka. Gjatë procesit janë prerë dhe djegur sipërfaqe të konsiderueshme me ferra dhe barishte të egra, ndërkohë që po punohet për sistemimin e të gjitha hapësirave brenda rrethimit të tyre. Aksioni do të vazhdojë nën monitorimin e rreptë të bashkisë, deri në kthimin e plotë në identitet, me qëllimin e mirë që më 26 tetor, kur mbushen plot 67 vite nga clirimi i Mirditës nga okupatori nazist, dëshmorëve tu jetë hequr plotësisht pluhuri i harresës gjatë 20 viteve të fundit.

Ndërsa vijon puna e brigadës së shërbimeve në bashki falë kërkesës së plotë të llogarisë në përputhje me detyrimet që ka cdo punonjës me institucionin. Megjithëse kjo brigadë ka një numër të reduktuar prej 5 punonjësish, puna është fokusuar në riparimin e cdo metri trotuar në qytet. Filimisht janë identifikuar në mënyrë të kujdeshme cdo dëmtim, dhe më pas po punohet për riparimin e tyre. Kjo brigadë ka lyer dhe riparuar të gjitha vendpushimet në hapësirat e qytetit, ndërkohë që angazhimi i tyre ka qënë mjaft i madh në reabilitimin e ambienteve shkollore gjatë nisjes së procesit që në muajin shtator.

                                             A.  N      14. 10. 2011