Bashkia Rrëshen deri tani 200 drurë dekorativë të mbjellë në qytet dhe periferi. Aksioni do të ri nisë me ndryshimin e motit.

Rreth 200 pemë dekorative janë mbjellë në qytetin e Rrëshenit në harkun kohor të një muaji, ndërkohë që me ngritjen e temperaturave ky numer do të rritet në mënyrë të ndjeshme, duke veshur cdo hapësirë me gjelbërim. Bashkia Rrëshen, në përpjekje për të ndryshuar imazhin e saj përsa i përket gjelbërimit, ka startuar në një aksion të gjthanshëm që përveq të tjerash, për të zënë cdo hapësirë boshe që paraqiste një imazh të rënduar.

Në ndjekje hap pas hapi të punës në këtë drejtim, është angazhuar edhe kryetari i Bashkisë z. Ndue Gega i cili shprehet se në një kohë record qyteti do të ketë një përmirësim të menjehershëm të imazhit, gjelbërim i cili do të startojë me fillimin e pranverës kur edhe nis gjelbërimi në përgjithësi edhe i drurëve dekorativë.

Mbjelljet e drurëve dekorativë kanë nisur fillmisht në rrugën hyrëse të qytetit, aty ku deri pak kohë më parë ka qënë e pushtuar nga ferrat dhe mbeturinat. Mbjelljet kanë vijuar në rrugët për tek lagjia e ish-pallateve të fermës, pranë kompleksit shkollor, prapa godinës së ish-komitetit egzekutiv dhe gjykatës, si edhe në pjesë të tjera të qytetit.

Sipas  specialistit agronom z. Gjovalin Jaku i cili ka me sipërmarrje gjelbërimin e Bashkisë Rrëshen, drurët dekorativë janë të shumë llojshëm, dhe të përzgjedhur enkas për klimën që prezanton qyteti i Rrëshenit. Shumë prej tyre janë me gjelbërim të përhershëm, ndërsa një pjesë tjetër janë me gjelbërim sezonal, sipas stinëve.

Z. Jaku thotë se një pjesë e tyre janë të përfshirë në efektet e sipërmarrjes, por në një numër më të limituar. Duke qënë se unë jam vetë prodhues i tyre dhe posedoj një kopësht të madh të kultivimit të luleve dhe drurëve, kam qenë  i gatshëm të ofroj sa të jetë e nevojshme dru dekorativë, sipas kerkesave të bashkisë dhe kryetarit Ndue Gega, i cili ka qënë i interesuar për shtimin në masë të gjelbërimit.

Specialisti Gjovalin Jaku thotë se megjithëse janë mbjellë rreth 200 rrënjë dru dekorativë, aksioni është ndërprerë për pak ditë, pasi nuk lejohet mbjellja në ngrica që ka këto ditë. Me tu rritur temperaturat do të rinisë puna për të pushtuar cdo hapësirë në qytet, dhe në rrugët hyrëse të këtij qyteti.

A.     Ndoja, 16. 01. 2012