Nis nga puna ndërtimi i rrugës Rrëshen-Urake-Shkup.

Kryetari në detyrë Gjon Dedaj dhe vullnetari i Paqes Alex Toussant, vizitë në hapat e parë të ndërtimit të rrugës.

Pershendetje e z. Gjon Dedaj me rastin e largimit nga drejtimi i Bashkise Rreshen...kliko..!

Nuk ka ndodhur asnjëherë që gjatë një mandati katër vjecar qeverisës lokal, në një institucion të kalojnë tre vullnetarë të Korpusit të Paqes, që siç të gjithë e dine, vijnë nga Shtetet e Bashkuara të Amerikës.

Kjo rastësi e bukur ka ndodhur në Bashkinë Rrëshen kur katër vite më parë falë këmbënguljes së stafit drejtues të Bashkisë, në zyrat e këtij institucioni u shfaq vullnetari i parë Dan McGinley. Mbase  kishte  qene një kohë kur Korpusi i Paqes i kishte ftohur mardhëniet me Bashkinë Rrëshen, falë moskorrektesave të administratës së më parshme me këtë organizëm prestigjos të krijuar nga Senatori John F. Kennedy, rrënjët dhe misioni i të cilit datojnë që nga viti 1960, kur në atë kohë Senatori John F. Kennedy sfidoi studentët në Universitetin e Michigan për t’i shërbyer vendit të tyre në rrugën drejt paqes, duke jetuar dhe punuar në shtetet në zhvillim. Nga ky frymëzim lindi agjencia e re federale e përkushtuar paqes dhe miqësisë botërore. Gjatë historisë Korpusi i Paqes i është përshtatur dhe i është përgjigjur nevojave të kohës. Në botën plotë ndryshime, vullnetarët e Korpusit të Paqes i janë qasur sfidave në mënyrë inovative, me kreativitet, vendosmëri dhe mirëkuptim.

Pas kalimit me sukses të sprovës së parë me vullnetarin Dan McGinley, nuk qe aspak e vështirë që Zyra e Korpusit të Paqes për Shqipërinë të caktojë vulletarin e rradhës, e cila do të ishte arkitektja e pa lodhur dhe me shumë angazhime sidomos me të rinjtë, Kathleen Gustafson. Gjatë qëndrimit për dy vite në Rrëshen, ajo la gjurmë të pa shlyera në shumë projekte, por arriti të mirëpërgatisë një numër të madh nxënësish në gjuhën angleze të cilët tashmë janë të gatshëm të marrin pjesë në një organizim të përvitshëm që bëhet në USA me fëmijë nga shumë vende të botës.

I treti në rradhë që sapo ka mbërritur në Bashkinë Rrëshen është Alex Toussant nga Ohajo. Toussant 26 vjeçar ka vetëm pak ditë që ka mbërritur në Bashkinë Rrëshen, dhe është në fazën fillestare të njohjeve me jetën këtu, njerezit, qytetin, zakonet etj. Ai është i specializuar në fushën e ekonomisë dhe finacave, ku më shumë se cdo kund, ne kemi nevojë për ndihmë dhe sygjerime.

Amerikanët e Korpusit të Paqes, ogur i mirë për rrugët që kryqëzojnë Rrëshenin.

Katër vite më parë kur në Bashkinë Rrëshen mbërriti amerikani Dan McGinley, në luginën e Fanit mbërritën edhe makineritë e para të firmës amerikane BEACHTEL. Kur puna ishte në kulmin e saj, dhe mrekullia sapo kishte filluar të merrte udhë, shfaqet Kathleen Gustafson, e cila bëhet dëshmitare e ndryshimit të madh, por edhe një interprete e shquar e asaj çfar bashkqyetarët e saj do të realizonin në luginën e Fanit. Tashmë kjo mrekulli ka përfunduar, ndërkohë që në horizont është shfaqur rruga tjetër që e vendos përfundimisht “Mirditën në mes tre kryeqyteteve”. Puna sapo ka nisur në rrugën që do të lidhë Rrëshenin me Urakën e më tej me Burrelin e Shkupin. Traseja ka filluar të konturohet vende, vende, kryesisht në fshatin Prosek. Pikërisht këtu ka qënë edhe vizitae parë jashtë qytetit e amerikanit Alex Toussant. Jo vetëm për faktin se ai vjen për të shërbyer në Rrëshen në një kohë me nisjen e punimeve në këtë segment të rëndësishëm, por edhe për faktin tjetër se mbështja për ndërtimin e kësaj rruge vjen pikërisht nga amerikanët  edhe përmes Fondit të Zhvillimit.

I ftuar   nga kryetari në detyrë z. Gjon Dedaj, Alex Toussant është njohur me të dhënat e kësaj rruge si edhe me detaje të tjera historike, kur pikërisht kjo rrugë është ndërtuar për herë të parë në kohën e mbretit Zog. Histori rruge që kishte “vdekur” nga mungesa  e mosdaljes nga uji e një ure mbi liqenin e Ulzës, pas ndërtimit të hidrocentralit, por edhe histori urash të vdekura siç është ajo hekurudhore  mbi Tarazh,  e tunelit  pot e vdekur  ku nuk e pati kuurë fatin të kalonte treni.   

Pikërisht këtu, pas nje komenti jo te shkurter  per depozitat e baldes  qe shkonin drejt pikebashkimit te rrugeve te reja te ketij mandati…, per Mirditen Qyteruar Juridikisht  per shkak te perafrimit te moralit shoqeror me Ligjet e kohes, per mundesite reale te kalimit te politikës drejt “pikes pa kthim”  te krimit infrastrukturor te shekullit XX ne kete treve, ne kthjellim per shkak te investimeve te tilla por dhe ato te furnizimit  me Ujë  te cilat do te ringjallin zonen  shumedimensionalisht, per Mirditen peizash bashkohore e bashkues te njesive vendore vend i studimeve arkeologjike pergjate rrugeve te saj natyrore permes kodrave te ulta.

Kryetari në detyrë z. Gjon Dedaj në mënyrë simbolike i ka dorëzuar z. Alex Toussant dokumentin përshëndetës për administratën e bashkisë, por edhe për të gjithë opinionin e gjerë publik. Shkarko versionin e plote elektronik.

Z. Dedaj duke i dorëzuar këtë dokument, shtoi  se   se ndjehem fort me fat qe te mbetem gjithnje i angazhuar per zhvillimin e vendlindjes, do vijoj gjithnje të jem racional dhe i pabindur perballe  urretjes, prandaj ndaj me Ju Dashurine  per te tre  vullnetaret kolege  qe amerikanizuat te pakten mendimin  e kryetarit te bashkise 2007-2011,  dhe e dorëzoj me besimin “ testamentin e tashem polititik  “ me deshiren qe Ju pasi të mësoni mirë gjuhën shqipe, do të mund ta përktheni këtë në në gjuhën që flasin qytetarët amerikanë dhe te me kritikoni a konfirmoni vetedijen per te bere me te miren  e mundshme pergjate boshtit moral dhe te drejtes se zhvillimit komunitar. Duke vijuar bashkbisedimin z. Dedaj tha se ...me kete ritem ndertimi rrugesh si Rreshen- Kalimash dhe Rreshen –Burrel, ju si vullnetar i radhes  Ju takon te mendoni dhe kontribuoni per fizibilitetin dhe financimin e rruges tjeter Ringjallese hekurudhore Milot - Shkopet – Rreshen,  qe  tunelon Kulmen dhe degezon me nje Stacion modern ne Rreshen   per Kosove dhe Maqedoni, pikerisht ne kete territor qe ne shohim.

Z.  Alex Toussant e ka falenderuar z. Dedaj duke i premtuar se në një kohë optimale do të mësontë gjuhën shqipe dhe do të përkthente të gjithë dokumentin si burim bashkpunimi e mirekuptimi vellazeror.

a.ndoja, a. gega.

30 maj 11