Një ditë në shkollën 9 vjeçare nr 2 të Rrëshenit.

Shkolla nr 2 e qytetit të Rrëshenit, gjatë ditës së sotme ka përcjellë një mesazh për të gjithë qytetarët e Rrëshenit. Në një ditë kushtuar mjedisit, nxënësit e kësaj shkolle nën drejtimin e mësuesit pasionanat të vizatimit z. Gjergj Simoni, përmes një ekspozite në natyrë, kanë “pushtuar” me piktura murin rrethues të kësaj shkolle, pikërisht në vëndin ku shpesh herë hidhesin mbeturinat. Gjergj Simoni thotë se nxënësit e kanë zgjedhur pikërisht këtë vënd, me qëllim që të gjithë të ndërgjegjësohen se mjedisi është mjaft i rëndësishëm për qytetarët, e në rradhë të parë për nxënësit. Pikërisht në ekstremet e oborrit të shkollës, nxënësit e kësaj shkolle kanë afishuar punime dhe fantazinë e tyre, në fletë të bardha. Pikturat janë nga më të ndryshmet dhe ndër to dallohen mesazhe të forta që në fakt vijnë nga fëmijët, të nxitur nga profesori i tyre Simoni. E para është afishuar një shqiponjë simbol i flamurit tonë kombëtar, në qëndër të cilës janë vendosur 28 mijë km katëror të shtetit shqiptar. Sipas nxënëses Joana Gjoka, nxënëse klasës së 7C, me këtë pikturë kam dashur të them se kjo tokë është e sigurtë në zemrën e shqiponjës, dhe udhëton po aq e sigurtë në rrugëtimin e saj drejt historisë. Po ashtu edhe në piktura të tjera mund të konstatosh një fantazi të spikatur të fëmijëve të cilët me pikturat e tyre kanë dashur të thonë shumë nga realiteti i sotëm, sipas perceptimit të tyre.

Të ftuar në këtë aktivitet kanë qënë edhe Kryteari i Bashkisë z. Gjon Dedaj, Drejtori i Departamentit të Kulturës në Bashki z. Alfred Shtinja, Përgjegjësi i Muzeut me profesion piktor, z. Pjetër Marku etj. Ato janë përshëndetur nga Drejtoresha e kësaj shkolle znj. Vitore Brozi, e cila i ka falenderuar  drejtuesit e Bashkisë për mbështetjen e tyre gjatë vitit shkollor që sapo mbyllet. Duke falenderuar edhe fëmijët për këtë mesazh që i japin komunitetit përmes pridëve të tyre që ishin prezent në këtë eveniment, znj. Brozi i dha fjalën z. Gjon Dedaj, i cili nga ana e tij ka përshëndetur dhe falenderuar për këtë nismë të veqantë të ndërmarrë nga nxënësit dhe mësuesi i tyre z. Gjergj Simoni.

Më tej të pranishmit kanë ndjekur një ekspozitë krejt të veqantë në korridorin e kësaj shkolle. Kanë qënë nxënësit e shkollës fillore të cilët duke shfrytëzuar mjete të ndryshme, kryesisht mbeturina të hedhura, kanë ndërtuar imazhet e tyre. Prë në pak orë mund të konstatosh se në këtë shkollë punohet, madje me përkushtim nga i gjithë stafi pedagogjik. 30. Maj. 08

A. Ndoja.