Njihuni me Planin Rregullues te bashkise rreshen

Objektivi kryesor e planit rregullues te Bashkise Rreshen është përcaktimi i normave dhe rregullave për të lehtësuar dhe qartësuar marrëdhëniet investitorë pronarë trualli. Synohet të qartësohet dhe roli i pushtetit lokal si moderator i këtyre marrëdhënieve dhe jo thjesht spektator inert i tyre.

Hartimi i planit rregullues do të bazohet në marrjen në konsideratë të mendimeve dhe sugjerimeve të grupeve të interesit por qëllimi i tij kryesor është theksimi i rolit të elementeve publik. Ne kete kuader dite me pare hartuesi i ketij plani z. Maks Kola beri prezantimin para publikut ne pallatin e kultures Mirdita ne Rreshen. Pas kesaj priten vleresime dhe verejtje nga aktore te ndryshem si edhe qytetare te zakonshem, verejtje te cilat do te merren ne konsiderate per permiresime te metejshme. Plani Rregullues i Bashkise Rreshen eshte i shpalosur ne postera ne ambienetet e Pallatit te Kultures, nderkohe tashme eshte hedhur edhe ne kete web, duke i ftuar te gjithe ata qe ndjejne detyrim qe te japin mendimet e tyre, permes adreses b_rreshen@bashkiarreshen.com

Hartimi i planit do të fokusohet në krijimin e një instrumenti rregullator të thjeshtë por efikas, i cili mund të aplikohet sa më shpejt të jetë e mundur dhe do të jetë i ndjeshëm ndaj zhvillimeve dhe përcaktimeve të mëtejshme. Prioritet do t’i jepet ndikimit praktik të instrumentit planifikues.

Tre çështjet kryesore ku do të fokusohet plani janë :

• Dinamika e rritjes urbane në kontekstin aktual socio-ekonomik, paraqet një sfidë të pa precedent të përshtatjes të qytetit -dhe mbi të gjitha infrastrukturës dhe sistemit të shërbimit- karshi nevojave të popullsisë duke integruar rritjen aktuale dhe të vazhdueshme të saj brenda një sistemi urban efikas dhe të qëndrueshëm.

• Sfida shtrihet përtej zhvillimit fizik, ajo fokusohet në ri-ekuilibrimin e interesave publike e private në procesin e zhvillimit urban duke përshtatur këto role në kontekstin e enjë shoqërie të hapur e demokratike që bazohet në ekonominë e tregut të lirë.

• Qëllimi kryesor është krijimi i një baze planifikimi të përshtatshëm urban, e cila do të integrojë funksione të ndryshme planifikimi të Rreshenit duke orientuar dhe duke i dhënë karakter detyrues proceseve rregulluese.

Plani rregullues do të hedhë bazat e politikave urbane të zhvillimit të Rreshenit, duke e trajtuar si pjesë të pa shkëputur të rajonit ku ndodhet.

A. N

Kliko per tu njohur me planin urbanistik...