Përfaqësuesi më i lartë i Selisë së Shënjtë viziton Mirditën. Mons. Ramiro Igles: Është vizita e parë jashtë Tiranës pas marrjes së kësaj detyre.

 Vizita e parë  jashtë Tiranës e përfaqësuesit të Vatikanit pranë qeverisë shqiptare e Mons. Ramiro Igles, i cili njihet me emërtimin Nunci Apostolik, është bërë në qytetin e Rrëshenit. Nunci apostolik i Selisë së Shenjtë, Mons. Ramiro Igles është pritur nga kryetari i bashkisë së Rrëshenit z. Gjon Dedaj, deputeti i zonës z. Gjovalin Prenga si edhe të gjithë drejtuesit e komunave që përbëjnë Mirditën. Një vizitë e tillë e përfaqësuesit më të lartë të Selisë së Shenjtë në Mirditë, është vlerësuar si një eveniment i rëndësishëm për Mirditën. Ndërkohë që vetë përfaqësuesi i Vatikanit ka theksuar se para së gjithash ju falenderoj të gjithëve për këtë mikpritjen e ngrohtë, dashamirësine, akoma më shumë edhe zyrtare në të njëjtën kohë. E falenderoj shumë kryetarin e Bashkisë së Rrëshenit dhe deputetin, për fjalët, si edhe të gjithë të pranishmit në këtë pritje. Dua të shpreh lumturinë time që jam me juve në këtë mëngjes, duke ju dhënë edhe përshëndetjen kordiale të Papës së Shenjtë për të cilin jam përfaqësues në Shqipëri.

Nunci Apostolik Ramiro Igles tha se para se të vija në Shqipëri kam kaluar pesë vite në Etiopi, Afrikë dhe kur kam marrë lajmin për emërimin në Shqipëri, zemra më është gëzuar, sepse nuk e njihja personalisht këtë pjesë të botës. Por dija që ka qënë ndër zonat e para që ka pranuar krishtërimin në Botë. Jo vetëm për këtë, por edhe se para 15 vitesh kur jam emëruar Arqipeshkëv, Papa më pati emëruar edhe Arqipeshkëv të Dioqezës së Sapës e cila është në Shqipëri.

Ndërkohë që Kryetari i Bashkisë së Rrëshenit ka theksuar se jam këtu sëbashku me të gjithë autoritetet lokale të Mirditës, të mund të bëjmë më shumë për një hummanizëm tërësor. Natyrisht jemi të privilegjuar nga dy fakte që banojmë dhe shërbejmë në një Mirdit, në një trevë që bashkon Shqipërinë e moçme me tendencë drejt një Shqipërie moderne, por gjithësesi nën kujdesin e Ipeshkëvit të Dioqezës tonë, i cili na ka ndihmuar drejt përdrejt të bëjmë reflektimet e duhura, të kemi kriteret e duhura të gjykimit, që të mund të bashkëpunojmë jo vetëm për të drejtat sociale, por në një frymë të krishterë të mund të realizojmë detyrat e shtetit. Unë mund të them se jemi një familje tërësisht katolike, dhe jemi në pëpjekje që kjo familje ti përkasë jetës dhe dashurisë. Dhe në këtë periudhë ndryshimesh jo vetëm për Mirditën dhe Shqipërinë, por edhe për Ballkanin, ne jemi në përpjekjen për të qënë sëbashku,  për të bashkuar fatet tona, për të qënë koherent me bashkimin e popujve, dhe për ti shërbyer gjithnjë dinjitetit njerëzor, krijimtarisë njerëzore, për një qytetërim dashurie.

Pas tij ka përshëndetur edhe deputeti i Mirditës z. Gjovalin Prenga. Ndër të tjera ai ka thënë se edhe nga ana ime ju uroj mirseardhjen. Si të gjithë shqiptarët edhe ne mirditorët, mund të krenohemi me mikpritjen. Ne fakt si zonë krenohemi për trashëgiminë që na kanë lënë prindrit tanë, ne veçantinë tonë që jemi katolikë. Por në historinë e afërt, ne kemi kaluar komunizmin, e përpos ateizmit, edukonte kulturën e urrejtjes dhe të inolerancës. Kështu që misioni që imzot Kristoforo dhe meshtarët e nderuar që kanë mbjellur, do ta kthejnë ateizmin kulturë të dhunës dhe urrejtjes, në kulturën e dashurisë dhe mëshirës. Dhe unë ju them Shkëlqesi, që imzot Palmieri e bën mirë. Për çfar ju përfaqësoni, unë jam i obliguar që tju falenderoj Ju, Selinë e Shenjtë,  për cilësinë e Ipeshkëvit tonë, për cilësinë e të gjithë meshtarëve, sepse na shërbejnë shumë mirë duke na dashur. Ndërkohë që për pjesën civile mund të themi nuk mund të rrimë pa përmendur asistencën e madhe që Kisha ka dhënë në jetën sociale të komunitetit. Ne kemi projekte me të cilat krenohemi, të cilat janë realizuar nga Kisha Katolike. Janë projekte që kanë të bëjnë me arsimin, edukimin e të vegjëlve,  ne asistencën për të pa mundurit dhe të varfrit, dhe në shumë projekte të tjera që shteti shqiptar nuk ka mundësi ti asistojë njerzit. Në fund të fjalës së tij deputeti z. Gjovalin prenga ka falenderuar edhe një herë për vizitën e Tij në Mirditë.

Në vijim të fjalës së tij, Nunci Apostolik ka vijuar me fjalën e tij duke theksuar se para se të vija në misionin tim në Shqipëri, kam pasur një takim të gjatë me Papën. Ai më ka thënë që tu transmetoj të gjithë popullit Shqipatr, të gjithë besimtarëve tre fjalë që mund të jenë përmbledhje e asaj që Papa, ka dashur që të transmetojë përmes një mesazhi për juve.

Fjala e parë është –Shpresa-

Mos u ngutni asnjëherë nfa dëshpërimi sepse shpresa është gjithmonjë një dhuratë që na vjen nga HYJI. Momenti më i vështirë që ka qënë komunizmi që ju përmendni, ka qënë shpresa virtyti që ka mbajtur gjallë besimin, sidomos për ata që kanë dhënë jetën për besimin e tyre.

Fjala e dytë që ati i Shenjëtë më ka drejtuar për juve është  -Bashkimi- nuk duhet të bëjmë si të tjerë që janë munduar të na mbajnë të ndarë ose duke na krijuar urrejtje apo dhunë. Nuk duhet të duam vetëm miqtë, ata që na bëjnë mirë, por duhet të jemi të aftë të duam edhe ata që na kanë bërë keq dhe të jemi të aftë ti falim. Vetëm me këtë sjellje duhet të vazhdojmë të jemi sëbashku për të bashkëpunur për një shoqëri e komb më të mirë.

Fjala e tretë që Papa më ka dhënë për juve është fjala –Paqja- . Më ka thënë që ju duhet të jeni lajmërues e mesazherë të paqes, por edhe ndërtues të saj. Është kjo paqë që Jezusi u ka dorëzuar Dishepujve të tij.

Jam i lumtur që ju a jap juve këtë mesazh. Kam patur rastin që këtë mesazh tu a jap edhe Kryetarës së Parlamentit, Ministrit të Jashtëm etj, por edhe gjatë vizitës nëpër Dioqeza dhe në konferencën Ipeshknore. Jam shumë i lumtuar që mu dha rasti që ta adresoj edhe te juve këtu në Mirditë. Jam i sigurtë që me këtë sjellje do të mund të jeni ndërtues të paqes.  Falemnderit për mikpritjen dhe urime për paqe, prosperitet dhe zhvillim. Faleminderit!

Ndërsa Ipeshkëpi i  Dioqezës së Rrëshenit imzot Cristoforo Palmieri tha se jam i sigurtë që tre fjalët e Papës do ti bëjmë realitet. Unë ju siguroj një konferencë publike rreth këtyre fjalëve. Janë thënë shumë fjalë të mira drejtuar për mua. Por unë dua tu shtoj atyre një të vetme, që të punojmë sëbashku. Kemi bashkëpunim të mirë me Bashkinë Rrëshen për festa siç është ajo e Korpit të Krishtit, po ashtu edhe në Rubik për festat që bën kryetari i Bashkisë së Rubikut. Kanë qënë të shumta vështirësitë që kemi kaluar sëbashku, sidmos ato të viteve të para, por të gjithë kryertarët e bashkive dhe kominave që kanë kaluar, në veçanti me n/prefektin e sotëm që gjatë luftës së Kosovës ka qënë kryetar i Bashkisë, i cili ka punuar shumë me neve.  Edhe me kryetarët e komunave kam një raport të mirë edhe nëpërmjet priftave që punojnë në zonat e tyre. Është bërë një festë e madhe edhe tani me rastin e shugurimit të dy meshtarëve të rinj.

Ndërsa atë Lino Nikolai ka theksuar se kur hyri komunizmi Nunci Apostolik u detyrua që të largohej nga ky vënd, dhe për disa kohë këtë detyrë e kreu Abati i Oroshit Frano Gjini i cili më vonë është pushkatuar. Duke ju drejtuar Nuncit aktual, atë Lino tha se do të ndjehej i lumtuaruar nëse ky abat të shenjtërohet. Shpresën e kemi, Nunci mund të bëjë diçka. Ndërsa Numci tha se nuk është i gjithë pushtetshëm por atë që mundet do ta bëjë. Ne fund Kryetari i Bashkise Rreshen i ka dhuruar nje dhurate simbolike ne shenje mirnjohje per misionin e tij dhe Seline e Shenjte.

        Nunci apostolik Ramiro Igles, vizitë në autostradë dhe abacinë e Oroshit.

  Pas Rrëshenit, Nunci Apostolik i shoqëruar nga ipeshkvi i dioqezës Rrëshen monsinjor Cristoforo Palmieri, ka bërë udhëtimin e rastit në drejtim të komunës Orosh, ku më parë ka bërë një kalim nëpër trasenë e autostradës në segmentin Ura e Fanit-Gëziq, për t’u ndalur në një seksion të kësaj rruge ku dhe i është spjeguar për ecurinë e punës aty. I gjendur përkundruall kishës së Ndërfandës, Epiqendrës së Shtetit të Parë të Arbërit, ai është mahintur nga vepra gjigande ne ndërtim e sipër dhe ka përgëzuar punonjësit e kompanisë për punën e bërë.

Emocionet e kalimit nëpër trasenë që tashmë ka marrë formë të autostradës dhe urat e mëdha të Repsit, janë shpalosur në një takim që u zhvillua me drejtues të kompanisë ndërtuese Bechtel-Enka në kampingun e Repsit. Nga ekipi inxhinierik i kompanisë shkëlqesisë së tij Nuncit Apostolik, i është bërë një ezyme e punës së bërë, progresit të arritur në tërë këtë aks të rëndësishëm, punimet e vështira në një terren tejet të thyer, dhe sidomos tek vepra më e madhe inxhinierike infrastrukturore në Ballkan, tuneli 5,5 km i gjatë në Kalimash, i cili pritet të mbarojë në fund të muajit mars. Në shaka e sipër, nuncit i është përcjellë përpikmëria e punimeve teksa është thënë se gjithë “gabimi” i deritashëm kur duhet dhe afroi 1 km punë për të bërë takimet e dy tuneleve nga ana e Thirrës dhe e Kalimashit, mund të jetë vetëm 5 cm!

Monsinjor Cristforo Palmieri, duke përgëzuar për punën e bërë tha se kjo rrugë është dhe pjesë e fatit që jam ipeshkv i këtyre zonave dhe se nuk mund të harroj vuajtjet dhe lodhjet për të inspiruar ngritjen e objekteve kishtare në zona të thella kur i duhej të ecte nëpër rrugë të vështira, që nuk do të jenë më, pasi autrostrada i lehtëson punët tona, ndaj me mbarimin e saj kjo rrugë do të marrë dhe bekimin tonë.

Ndalesa e rradhës ishte në komunën e Oroshit në  pritje të veçantë nga kryetari i komunës Orosh Aleksandër Lala, i cili ka bërë një panoramë të gjendjes sociale të zonës, duke përmendur tre shtyllat që e bëjnë të dallueshme këtë zonë në tërë trevat e Shqipërisë, si qëndresa, dija dhe besimi, të cilat janë të ravijëzuara dhe në punën që bën komuna. Nga ana e komunës nuncit apostolik i janë bërë disa dhurata simbolike.

Përgatitën: Gjergj Marku, Aleksandër Ndoja