14 nxënës të shkollës së mesme të Rrëshen nisen për një konkurim në Teksas. Ambasada amerikane dhuron 10 mijë USD dhe i pais me viza.

 Rreshen. Një grup nxënësish të shkollës së mesme të Rrëshenit, janë paisur nga amabasada amerikane me vizat përkatëse për të qëndruar për një muaj në Teksas të SHBA-së, ku do të marrin pjesë në një konkurim teatror mes shumë moshatarëve të tyre nga disa vënde të botës. Madje ambasada amerikane është kujdesur për më tej, për të mundësuar vajtjen e tyre në Amerikë, duke akorduar për ta një shumë prej 10 mijë dollarësh. Ndërsa donatori tjetër që ka ndihmur nxënësit e kësaj shkolle, është firma ndërtuese Bechtel –Enka që punon për ndërtimin e autostradës Durrës- Prishtinë.  Kjo firmë ka akorduar një shumë prej 4 mijë USD, ndërsa bashkia e Rrëshenit ka ndihmuar me një shumë prej 1750 USD. Por donatorë të këtij rrugëtimi të fwmijëve përtej oqeanit janë edhe dy firma vendore “Toma” dhe “Kthella”. Pikërisht sot në Rrëshen, shkolla e mesme e Rrëshenit në bashkëpunim me Amabasadën Amerikane dhe firmën  Bechtel –Enka, organizuan nje takim te zgjeruar me rastin e nisjes se tyre për në Amerike, ku morën pjesë edhe drejtuesit e shkollës së mesme, fëmijëve që do të nisen për në Amerikë dhe prindërit e tyre. Kjo nismë bëhet nën kudesin e vullnetarit të “Korpusit të Paqes” Mr. Patrick O’Brien i cili prej një viti shërben si mësues i gjuhës angleze në këtë shkollë. 14 nxënësit e kësaj shkolle janë ftuar për të marrë pjesë nga kampi i teatrit “KIDS WHO CARE” në Fort Worth në Teksas. Qëllimi i kësaj nisme është kryesisht për prezantimin e kulturës shqiptare në komunistetin amerikan të Teksasit dhe njohjen nga ana e tyre të kulturave të ndryshme ndërkombëtare. Gjithashtu sipas Patrick O’ Brien, një nismë e tillë do të krijojë ura lidhje mes komunitetit të Rrëshenit dhe Teksasit pasi nxënësit mirditas do të akomodohen për një kohë të konsiderueshme nëpër familjet amerikane. Grupi i nxënësve të shkollës së Mesme të Rrëshenit e fitoi një të drejtë të tillë pas një pune dhe përgatitje të gjerë në fushën e teatrit.

Në fillim të këtij takimi e mori fjalën drejtori i kësaj shkolle z. Nik Nikolli, i cili pasi vuri në dukje se shkolla që ai drejton është në gjëndje të konkurojë denjësisht në gjuhën e vëndit mikpritës, falenderoi përzemërsisht ambasadën amerikane për ndihmë e gjithanshme për të realizuar një udhëtim të tillë. Ndërsa shefi i mardhënieve me publikun pranë amabsadës amerikane, Mr. Myetek Bodyzinsky, vuri në dukje se  ishte mjaft i kënaqur që 14 fëmijë të shkollës së mesme të këtij qyteti do të qëndrojnë për më shumë se një muaj në Teksas. Përfaqësuesja e firmës ndërtuese të rrugës, znj. Zamira Poda, tha se jam shumë e kënqur që fëmijet ë Rrëshenit arrijnë që të marrin pjesë në një eveniment të tillë. Ajo tha se firma ndërtuese  Bechtel –Enka, ka financuar disa aktivitete të rëndësishme në shërbim të komunitetit mirditas ndërkohë që premtoi se edhe në të ardhmen do të jenë sensibël ndaj rasteve të ngjashme.

Aktiviteti drejtohet nga Ms. Kathryn Albright dhe mbështet nga senatori i Teksasit Mr John Cornyn. Kampi i teatrit të Teksasit “KIDS WHO CARE”  është krijuar në vitin 1987. këtë vit në këtë vit në këtë program janë përfshirë pjesmarrës nga shtetet Itali, Skoci, Finlandë, Hungari, Izrael, Suaziland, dhe Shqipëria.

al.nd