“Oda dibrane”, vlerësohet pjesmarrja e  Qëndrës Kulturore të Bashkisë Rrëshen.

 Dibër. Prej tre ditësh në qytetin e Peshkopisë u zhvillua edicioni tradicional i njohur si “Oda Dibrane”. Në këtë eveniment të përvitshëm marrin pjesë grupe artistike nga rrethe si ai i Dibrës, Matit, Kukësit, Tropojës, Gramshit etj, por edhe nga Kosova, Mali i Zi dhe Maqedonia. Në këtë eveniment mjaft të rëndësishëm për folkun e zonës së veriut, ka qënë i ftuar edhe Presidenti i Republikës, z. Bamir Topi, i cili ishte i pranishëm në natën e parë të edicionit të trembëdhjet të “Odës Dibrane”. Kryetari i Shtetit ishte i shoqëruar nga Ministri i Punëve të Jashtme, Lulzim Basha, Kryetari i Bashkisë së qytetit, Ilir Krosi, ndërsa u në Qendrën Kulturore “Haki Stërmilli” u prit nga zv/ministrja e Kulturës, Suzana Turku dhe Drejtori i kësaj qendre, Veli Vraniçi. Kreu i shtetit ka marrë takim me të gjithë artistët pjesmarrës në këtë takim, ku i ka përgëzuar ata për përpjekjet e tyre, për të mbajtur gjallë dhe për të çuar më tej vlerat kulturore dhe etnografike të trevës së veriut. Z. Topi ka vizituar dhe është ndalur gjatë në një ekspozitë pikture me autor z. Pjetër Marku, drejtor i Qendërs Kulturore të Mirditës i cili, sëbashku me grupin folklorik të Mirditës është pjesmarrës në aktivitetet në kuadër të “Odës Dibrane”, me një ftesë nga organizatorët e këtij aktiviteti. Nga pjesmarrësit e grupit të Mirditës, mësohet se presidenti Bamir Topi ka qëndruar më shumë se 20 minuta me artistët e Mirditës. Në fillim piktori i njohur dibran Hamdi Kaca, ka komentuar pikturat për motivin dhe koloritin e tyre. Ndërsa presidenti Topi është ndalur më gjatë tek “Nusja e Shtufit” dhe “Rozafa jeton”. Në mbështetje të artistëve mirditas në Peshkopi ka mbërritur edhe kryetari i bashkisë së Rrëshenit z. Gjon Dedaj i cili ka zvillur disa takime me drejtues të pushtetit dhe politikës e cila kishte zbarkuar në Peshkopi.

 Ansambli “Mirdita” dhe sofra dibrane

“M’ ka çue arti m’ka çue kultura.

N’male të dibrës n’kuven me burra!

Për me u ul në sofrën tane,

Mirëse të gjej oda dibrane!”

 Me këtovargje krijuar enkas për këtë aktivitet, grupi i Mirditës ka hapur edhe deputimin e tij. Kënga është kënduar sipas traditës së vjetër mirditase “majë krahut”, e cila ka korrur duartrokitje të fuqishme të pjesmarrësve. Kjo ka ndodhur në natën e dytë të aktivitetit kur ishte programuar deputimi i grupit tonw. Këngë të cilat kanë qënë mjaft të suksesshme dhe kanë korrur duartrokitje të shumta, kanë qënë edhe ato të kënduara nga Kastriot Kola me “Rrinë 12 shkronja n’12 male”, “larg mke tretë moj nanë” nga këngëtarja e re dhe mjaft e suksesshme Arinda Gjonaj. Gjthashtu këngë të cilat u pritën mjaft mirë ishin “M’kanë ngatërrue lulet e shamisë” etj. Ndërsa është vlerësuar si më e mira e grupit, kënga e kënduar nga Nikoll Preçi, “Tash m’ka mbetë veç me lujtë derën”. Aktiviteti zhvillohej gjatë orëve të mbrëmjes, ndërsa grupi i cili shoqërohej nga n/kryetari i bashkisë z. Dod Pepkolaj dhe përgjegjësi i departamentit të kulturës dhe arsimit në bashki z. Alfred Shtinja, gjatë ditës ka bërë vizita të shumta në vënde historike dhe kulturore të Dibrës, si dhe ka marrë kontakte me artistë dhe grupe artistike që morën pjesë në këtë aktivitet.

A. N