Misioni i OSBE/ODHIR vlerësime pozitive për procesin zgjedhor ne Mirditë.

 Kryetari i Bashkisë z. Gjon Dedaj priti një mision tjeter vëzhgues të OSBE/ODHIR të përbërë nga vëzhguesit afatgjatë Annie – Lise MJATVEDT dhe Nicholas ALEXANDER. Qëllimi i kësaj vizite sipas vetë vëzhguesve të OSBE/ODHIR, ishte në një farë mënyre për të shkëmbyer idetë dhe mendimet mes palëve në lidhje me procesin e zgjedhjeve në zonën e Mirditës. Edhe Mirdita është vëzhguar për gjatë gjithë diteve të votimeve nga një mision fakt mbledhës i OSBE/ODHIR, ndërkohë që në fillim të bisedës përfaqësuesit e OSBE/ODHIR, Annie – Lise MJATVEDT dhe Nicholas ALEXANDER, kanë kërkuar nga Kryetari i Bashkisë z. Dedaj të bënte një ekspoze të këtyre ditëve.

Z. Gjon Dedaj ia ka falenderuar për vizitën e tyre, ndërkohë që ka bërë të ditur të gjitha masat që ka marrë Bashkia Rrëshen në funksion të një procesi sa më të pa kontestueshëm.

Ndërkohë që dy përfaqësuesit e OSBE/ODHIR, kanë vlerësuar maksimalisht mbështetjen që Bashkia Rrëshen dhe partitë politike i kanë dhënë anëtarëve të këtij komisioni që kanë qëndruar për disa ditë në Rrëshen. E rëndësishme sipas delgacioni të ditës së sotme, është se në Mirditë votimet ishin të qeta dhe përgjithësisht në kushtet e kërkuara.

Z. Nicholas ALEXANDER shtoi se misioni ynë ka pasur disa takime të ngjeshura me komisionin qëndror zonal dhe me shumë komisione të tjera në qëndrat e votimit. Në këtë kuadër janë bërë takime më drejtues vendorë të pushtetit dhe me partitë politike. Edhe sot vijmë në Rrëshen për të bërë të ditur qëndrimin tonë për ditët e qëndrimit këtu.

Përpos faktit se në Mirditë zgjedhjet kanë qënë mjaft të qeta dhe pa probleme, delegacioni ka evidentuar edhe disa probleme të vogla por që gjithësesi nuk kanë ndikuar në proces. Nicholas ALEXANDER evidentoi se në disa zona rurale janë konstatuar votime familjare në grup, mospaisja e plotë me karta identiteti, por edhe thirrja që bënë ditët e fundit të gjitha partitë politike për tu drejtuar në pikat e paisjes me karta identiteti, bëri që të shtoheshin rradhët dhe procesi të vështirësohet. Si përfundim z. Nicholas ALEXANDER tha se probleme të tilla nuk janë vetëm për Mirditën por janë konstatuar në shkallë vëndi.

Kryetari Gjon  Dedaj duke ju përgjigjur këtij shqetësimi tha se këto shqetësime i kam ndjekur nga afër, por kur mendoj se sa shumë është bërë që ky proces të jetë i suksesshëm, probleme të tilla janë mjaft të vogla por që gjithësesi në të ardhmen do të eleminohen totalisht. Është e vërtetë që zgjedhjet e shkuara kanë mbjellë frikë për manipulime, ndaj edhe këtë rradhë shumë nga ne nuk kanë besuar në teknologjinë e afruar në këtë process.

Besoj se ky ka qënë një mësim i mirë për të besuar se për një proces të suksesshëm duhen njerëz që bashkëpunojnë me tkenologjinë dhe jo vetë njerëz të besuar. Jam i bindur se këto probleme nuk do të egzistojnë falë përmirësimit të teknologjisë.

Më tej kryetari Gjon Dedaj, tha se qytetarët kanë marrë një shërbim të kualifkuar përmes faqes së internetit të bashkisë www.bashkiarreshen.com . Këtu çdo qytetar me një klik të shkurtër mund të gjente emrin e tij në listat e zgjedhësve, dhe adresën e qëndrës së votimit.

Por edhe ditën e zgjedhjeve cdo qytetar mund të telefononte në numrat e lënë në dispozicion nga bashkia, dhe përmes punonjësve që gjëndeshin çdo moment para kompiuterave, mësonin adresën e qëndrës së tyre të votimit.

Kjo u ka tërhequr vëmendjen delgacionit të OSBE/ODHIR të cilët vlerësuan këtë fakt.

Më tej z. Deda foli edhe për detaje të tjera duke veçuar faktin e Bashkia Rrëshen ka avantazh të hershëm në një votim cilësor.

Në fund vëzhguesja afatgjatë Annie – Lise MJATVEDT, tha se e vlerëson opinionin e kryetarit të bashkisë, njëkohësisht falenderoi për pritjen në një ditë pushimi zyrtar siç është e shtuna.

A. Ndoja