Mbyllet dita e pestë e takimeve publike nga bashkia Rrëshen

Në mbrëmjen e kësaj të premte u mbyll dhe takimi i pestë publik që ishte dhe epilog i këtij organizimi të veçantë nga ana e kësaj bashkie me komunitetin. Prej pesë ditësh, pos punës zyrtare, ky institucion e shpërnguli punën pasditeve në pallatin e kulturës, duke krijuar një traditë të re transparenciale me qytetarët që u shërben. Për pesë ditë qytetarët kanë parë mënyrën sesi funksionon bashkia duke kaluar thuajse në “lupë” tërë departamentet, ndërkohë që nuk kanë munguar pyetjet nga pjesëmarrësit që kishin të bënin me shërbimin ndaj tyre. Në esencën e tyre tërë këto takime janë vlerësuar pozitivisht nga pjesëmarrësit ndërsa kanë qenë të frytshme si për banorët dhe për administratën.

Në njëfarë mënyre mund ta përceptojmë si një llogaridhënie të hapur, por dhe si një trajnim i brendshëm duke sjellë njohje më efikase, sesi bashkia mund të funksionojë me furnizim kapilar ndërsektorial.

Në natën e fundit, fillimisht, është dhënë një imazh videoprojektiv nga takimet e netëvë të kaluara, duke filluar me:

1.Nata e parë iu rezervua kulturës si paraprijëse e këtyre takimeve, ku ra në sy logoja: Mirdita, vendi ku banon përjetësisht e bukura.

2. Më pas ka qenë departamenti i shërbimeve në bashki që solli përvoja, eksperienca dhe risitë e aplikuara në organizimin e këtij sektori, duke iu atashuar në thelb logos: “Shërbim me duar të pastra dhe të lira”

3. Mbrëmja e tretë ka qenë në dispozicion të promocionit të punës së sektorit të programim-zhvillimit, ku pak a shumë, u krijua vizioni publik sesi do të jetë e ardhmja e kësaj bashkie, projektet dhe programet strategjike.

4. Dhe nata e katërt, që mund ta quajmë dhe “mbrëmja e thesit” në gjuhën popullore, ishin në paraqitjen e tyre administratorët  e financës dhe taksave.

Me logon: qytetarët orientojnë qeverinë dhe jo qeveria qytetarët, në njëfarë mënyrë u njohëm se sa e ka mundësinë t’i shtrijë këmbët kjo bashki sa i përket gjendjes financiare.

Të veçanta:

Janë disa elementë që bien në sy gjatë këtyre prezantimeve publike:

-Konciziteti i programeve, paraqitjet dhe mënyrës funksionale.

-Interesimi i publikut me pyetje interesante.

-Paraqitja e dizajnit në slajter me modele të larmishme dhe të prekshme për publikun.

-Afishimi i shpejtë në faqen e internetit.

-Dhe po të shohim regjistrimi viziv i tërë këtij aktiviteti që mund të quhet risi në këtë bashki apo shumë simotra të tjera.

-Mbështetja fonike dhe skenografike e këndshme.

Nata e pestë

Nuk ka patur ndonjë department të përcaktuar, por kanë qenë të ftuar disa zyra dhe nënkryetari i bashkisë.

1. Fillimisht me atë që quhet audit i brendshëm. Kur e përmendim këtë term mendja na shkon tek kontroll revizioni, por në njësitë vendore ka një organizim krejt tjetër. Gjithsesi cfarë është ai, cilat janë detyrat, nga varet, sa i shërben bashkisë për të qëndruar në kokë si “gardian” i shërbimeve cilësore dhe prerjes udhë abuzimeve etj, ka folur audituesja e këtij institucioni Vjollca Baloj.

2. Çfarë ëshët policia bashkiake, historia e shkurtër e formimit të saj që prej vitit 2002 kur u ngrit si strukturë, detyrat specifike që mbulon dhe cfarë synon për të ardhmen, e mori fjalën zoti Zef Doda, shef i policisë bashkiake.

3. Para se të fillonte prezantuesi i rradhës u sollën disa statistika:

-Bashkia e Rrëshenit, qytet dhe fshatra ka aktualisht 14310 banorë. Qyteti: 8020 dhe fshati 6290. Në qytet janë 4009 meshkuj ndërsa në fshat 3174, nëj raport thuajse i barabartë me femra.

Numëri i lindjeve është 150, nga këta 56 në emigracion. Bëhen 65 martesa, nga këto 5 me të huaj. Ka patur 4 divorce për këtë vit.

Për këto shifra e shërbimet që shërben zyra e gjendjes civile, u ftua zonja Angjelina Margjini, përgjegjëse e zyrës së gjendjes civile në këtë bashki.

4. Në strukturën organizative të administratës së bashkisë ka dhe një nënkryetar bashkie, i cili nuk se është në një rol komplementar formal me kryetarin, por mbulon dy departamente, ndërsa e ka të kanalizuar punën e tij në një sërë projektesh vizionare për një bashki ndryshe.

Do ta kemi këtu para jush sonte, u tha, duke na zbërthyer disa prej prerogativave dhe linajve që ka parashtruar në pozicionin funksionues të tij:

-Do të na flasë për një sociogramë që shpërfaq gjithë bashkëlidhjet e bashkisë në sensin e marrjes dhe dhënies ekonomikisht.

-Do të ndalet kryesisht në disa disa linja strategjike të zhvillimit të bashkisë ku evidentohen 4 veprime:

-Zhvillimi urban në kuadër të një projekti me APRODEL-in spanjoll.

-Zhvillimin e vreshtarisë e pemtarisë intensive në bashki e më gjerë.

-Zhvillimi i blegtorisë dhe bletarisë.

-Zhvillimi i turizmit familjar malor.

Ndërsa do të shohim në simbolin e “peshores” faktorët e rrezikut dhe të suksesit.

Dhe një shifër e nxjerë kohët e fundit si një nevojë jo vetëm statistikimi, në bashki futen çdo vit nga emigrantët vendas më shumë se 500 mijë euro.

Për këto e të tjera foli nënkryetari i bashkisë zoti Dod Pepkolaj.

 Pas këtij prezantimi u vazhdua me pyetjet, të cilët u arshivuan më pas në një dosje të vecantë..

Disa pyetje i janë drejtuar dhe kryebashkiakut Gjon Dedaj si dhe kryetarit të këshillit Nikolin Kaçorri. Kryebashkiaku e përgëzoj stafin që përgatiti këtë prezantim dinjitoz duke porositur që puna do të jetë e këtij ritmi, ndërsa për publikun gjithnjë do të ketë transparencë maksimale si kusht i mbarëvajtjes së punës së institucionit që drejton.

Në përmbyllje të tërë këtyre takimeve, nën efektin e shkrepjeve në celuloid prej vitesh të gazetarit Gjergj Marku, specialist i turizmit në departamentin e kulturës të kësaj bashkie, u dhanë pamje nga Rrësheni që me zanafillën e tij nga arkivat familjare si dhe Rrësheni sot në një ditë vjeshte, nën një kolonë të bukur zanore, duke përmbyllur kësisoj dhe një prej aktiviteteve më cilësore që një bashki i servir publikut të vet.

 Flavia Maca, Najada Buna

Olta Beleshi, Dorontina Prenga