Rrëshen, veprimtari përcjellëse për vullnetarin e Korpusit të Paqes Dan McGinley

Fjala e kryetarit Gjon Dedaj me kete rast.

Kontributi i dhënë nga vullnetarë të Korpusi të Paqes, për bashkinë Rrëshen ka përbërë një nga shtyllat bashkëpunuese shumë efikase, ndaj dhe përcjella ceremoniale dhe pritja po e atillë e vullnetarëve nuk është kaluar në heshtje. Madje është synuar që pjesë përbërëse në veprimtari të tilla të jetë dhe vetë komuniteti, me të cilin këta vullnetarë aktivë kanë ndarë jetën e përbashkët komunitare. Ata kanë qenë mësues, praktikantë që sapo kanë mbaruar studimet për filozfi, art, arkitekturë e me rradhë, ndërsa kanë sjellë përvoja të mrekullueshme, por dhe kanë marrë eksperiencën për të shërbyer në vende apo rajone të ndryshme të botës. Por gjithnjë, sic dhe janë shprehur, e kanë marrë Mirditën me vete, dhe kjo shihet dhe nga lidhjet që mbahen të gjalla edhe pse mund të punojnë në anë të ndryshme të Globit.

Përcjellja për Dan McGinley.

Një nga përcjelljet ceremoniale me shumë emocion ka qenë dhe ajo për vullnetarin e Korpusit të Paqes Dan McGinley, i cili ka punuar për afro 2 vite në këtë institucion. Në përcjelljen e tij morën pjesë qytetarë të shumtë, disa prej vullnetarëve që punojnë në bashki apo institucione të ndryshme të vendit tonë.

E gjithë veprimtaria u gërshetua në mënyrë specifike përmes imazheve të sjella nga kontributet e vullnetarëve të Korpusit të Paqes në Mirditë, që nga Roj.....,Daniel Admams, Patrick O’Brajen e në vijim. Përmes imazheve videprojektive  të pranishmit kanë patur mundësi të shohin disa nga projektet e aplikuara në bashki apo shkolla e institucione të tjera nga vullnetarë të ndryshëm si dhe vetë protagonisti i rradhës. Ndërsa janë ekspozuar dhe pjesë nga historiku i Korpusit të Paqes, kësaj axhensie të pavarur të SHBA, inicuar e themeluar nga presidenti John F.Kennedy që në vitin 1961.

Përshkrimet i ka bërë përmes slajderave Adelina Gega nga zyra e mardhënieve me jashtë në bashkinë e Rrëshenit, ndërsa takimi moderohej nga përgjegjësi i pallatit të kulturës, publicisti Gjergj Marku.

Këngëtarë të rinj si Ilja Jahja apo artistja e ansamblit Mirdita Prena Beleshi, përcollën këngë me interpretime cilësore, ndërsa fëmijët e kopshtit sollën atmofesrë entusiazte në sallë si një përshëndetje e këndshme për vullnetarët e Korpusit të Paqes dhe të pranishëm të tjerë.

Një performancë e vecantë erdhi edhe nga trupa e teatrit në anglisht, një përvojë disavjecare e shfaqjeve jo vetëm këtu, por dhe shtegtimit ndërveprues në Amerikë pikërisht si përvojë e sjellë nga vullnetaret e këtij Korpusi.

Kryetari i Bashkisë Gjon Dedaj përmes emocioneve edhe të paranishmëve i ka dorëzuar certifikatën e mirënjohjes akorduar nga Bashkia Rrëshen, me motivacionin: “Në vlerësim të vullnetit dhe kontributit efikas të përafrimit të Bashkisë Rrëshen, për më shumë shpresë, më shumë besim, më shumë forcë për qytetarinë e bashkimit në shërbim të paqes dhe dashurisë.”, Pas një përshëndetje falenderuese të vecantë për tërë vullnetarët e Korpusit të Paqes që kanë punuar, ndihmuar e jetuar në Mirditë e më gjerë.

 Ndërsa vetë vullnetari i Korpusit të pqes në largim z. Dan McGinley u shpreh mjaft i emocionar për dy vitet e qëndrimit në Mirditë. Ai siguroi se Rrësheni dhe qytetarët e tij janë të vecantë për të. Përmes disa frazave ai shprehu mirnjohjen më të madhe për Bashkinë Rrëshen dhe për të gjithë qytetarët e Mirditës duke vecuar faktin se për dy vite ishte pritur ngrohtë madje si në shtëpinë e tij.

Në fund në mënyrë simbolike vullnetari Dan McGinley, ia ka lënë “stafetën” Kathleen Gustafson, me profesion arkitekte. Përshëndetjea e tyre ka ardhur e ngrohtë dhe premtuese për punë të mëtejme në këtë bashki dhe kjo është vlerësuar nga të pranishmit si një urë bashkëpunimi shumë frytdhënëse në mes tyre dhe institucionit të bashkisë.

Pas aktivitetit kanë qënë disa djem të fshatit Prosek të cilët u kanë propozuar grupit të amerikanëve të Korpusit të Paqes që të bënin vizitë në fshatin Prosek. Pjesmarrësit prej më shumë se 40 vetash janë ndalur në shtëpinë e kryetarit të Bashkisë z. dedaj kur për disa minuta kanë prekur nga afër mikpritjen e mirditasve.

A. Ndoja