Bashkia para qytetarëve për punën 1 vjeçare të saj.

    Bashkia Rrëshen për të dytin vit rradhazi aplikon performancën e punës të departamenteve të saj, si një ballafaqim me publikun nën moton e shërbimit me duar të pastra dhe të lira.

E organizuar në formën e një tryeze të hapur përmes skemave videoprojektive, ky takim ballafaques u zhvillua në sallën e pallatit të kulturës, ndërsa para publikut analizuan punën e bërë në shifra konkrete drejtuesit e pesë departamenteve të kësaj bashkie; ai i shërbimeve, kulturës, autoriteteve të kontrollit, politikave të zhvillimit dhe ekonomisë.

Në analizat e bëra publikisht, drejtuesit e sektorëvë kryesorë, kanë detajuar gjithcka lidhet me atë që ata përfaqësojnë në shërbimet ndaj qytetarëve. Detajet janë dhënë jo vetëm përmes deduksioneve ligjore apo vendimarjes, por dhe shifrave respektive për vite të ndryshme. Është relatuar për disa prej financimeve kryesore të realizuara jo vetëm falë grandeve, por dhe të ardhurave, ndërkohë që publikut i është bërë e qartë se për mungesë realizimesh në taksa, janë detyruar të marrin dhe shërbime më pak.

Sipas analizave të sektorëve, projektet, afatet, donatimet dhe mënyra e realizimit në vijimësi, lidhen me gjithcka është arritur në planin e ri strategjik si një dokument themeltar që orienton punën e bashkisë në të ardhmen.

Nga ana e publikut janë bërë pyetje dhe u kërkuan sqarime për disa probleme dhe mungesa investimesh në disa sektorë socialë, sic janë këndet e lojrave për fëmijët, zbatimin e vendimeve që merren, e të tjera.

Në fjalën përmbyllëse kryetari i bashkisë Gjon Dedaj, falenderoj publikun për pjesëmarrjen në takime të tilla ballafaquese duke lënë të nënkuptohet se është pjesëmarrja e tij që shërben si shtysë për të qenë më të vëmendshëm në cdo hap që hidhet nga bashkia në shërbimet e saj ndaj këtij komuniteti.

A.Ndoja