Edhe periferia i nënshtrohet aksionit për emplementimin e vlerave të

 qytetarisë.

Është nisur sëpari më vehten. Kjo për arsyen e thjeshtë se egziston një thënie e hershme sipas të cilës, pa mbajtur mirë banesën tënde nuk mund të mbash mirë lagjen apo komunitetin, që të ka besuar dhe votuar.

Është fjala sëpari për vetë godinën ku ushtron aktivitetin Bashkia Rrëshen. Është një godinë me moshë afërsisht 40 vjeçare, dhe duket që nga ajo kohë nuk kishte ndonjë ndryshim. Disa lulishte të vjetra që më shumë maskonin pamje të pa denja se sa kryenin misionin për të cilat ishim mbjellë nuk mund te ishin te pranueshme per njw ambient qytetar. Ndërsa shkallët hyrëse kishin mbetur  pa asnjë ndryshim që në vitet 70-të.

Një situatë e tillë mori fund në pak ditë pasi drejtimin e bashkisë e mori z. Ndue Gega. Aksioni i pa ndërprerë nisi sëpari në këtë godinë, ku për 8 orë në ditë punon administrata  e bashkisë, por pikërisht këtu vijnë dhjetra qytetarë për problemet e tyre, por edhe shumë shoqata apo individë nga vëndi, por edhe të huaj. Në kohë rekord ambientet rreth godinës pësuan një ndryshim drastik cilësor. Janë ndërruar shkallët duke u zëvendësuar me të tjera bashkëkohore, ndërkohë është fshirë nga faqja e dheut lulishtja demode, për tu zëvendësuar me një lulishte ndër më cilësoret në qytete. Më tej është punuar me lyerje ne fasadë, ndërkohë që edhe ambientet e brëndshme të godinës kanë pësuar ndryshime për sa i përket pamjeve vizuale. Në një vënd të dukshëm është vendosur lista e qytetarëve të nderit. Ndërkohë në muret anësore të hollit, por dhe në shkallë janë vendosur foto të mëdha të Rrëshenit ndër vite. Shumë vizitore ndalohen dhe shikojnë evoluimin e një qyteti ndër dekada, por edhe fotot mjaft sinjifikative të bandës muzikore të qytetit e i cila funksiononte para 30 viteve.

Ndërkohë puna nuk ka pushuar për asnjë moment në të gjitha hapësirat e qytetit. Janë bërë sistemime të shumta në rrugët kryesore, duke u larguar dhjetra tonë inerte, ferra dhe parazite  të tjerë të pa denja për një qytet bashkohor.

Puna nuk është kufizuar brënda kontureve të qytetit, por është shtrirë edhe drejt periferisë. Nëse kohë më parë është punuar me sistemimin e të dy krahëve të rrugës hyrëse të qytetit, gjatë ditës së sotme puna ka vijuar me pastrimin e territorit pranë ish- stacionit hekurudhor. Vetëm gjatë ditës së sotme janë transportur dhjetra ngarkesa kamioni, ndërkohë që fadroma vijon të sistemoje ambientin përkatës. Kjo edhe  për faktin se në këto ambinete nuk është ndërhyrë prej 20 vitesh, ndërkohë që këto ambiente kufizojnë tregun industrial të qytetit, por edhe dhjetra banesa të qytetarëve të rrethinave. Aksioni do të vazhdojë deri në sistemimin dhe pastrimin e çdo metre të qytetit.

A  Ndoja, 3. 10. 2011