Përkujtohet me respekt 67 vjetori i çlirimit të Mirditës nga pushtuesit gjermanë.

67 vite më parë, pikërisht më 26 tetor të vitit 1944 nga Mirdita u largua çizmja e fundit e pushtuesve nazistë. Kjo ditë në Mirditë gjithnjë është njohur si festa e çlirimit të Mirditës, dhe çdo vit kjo festë është përkujtuar sipas kohëve përkatëse. Ndërkohë vitet e fundit përkujtimi ka qënë formal ose është kaluar në heshtje, ndonëse ishte kjo luftë që e vendosi vendin tonë në krahun anti-fashist, kryesuar nga SHBA, Anglia dhe ish-BS. Ndërkohë festa e çlirimit të Mirditës këtë viti pati një performancë krejt ndryshe.

Nën kujdesin e drejtë përdrejtë të kryetarit të Bashkisë Rrëshen z. Ndue Gega prej disa ditësh u punua për kthimin në normalitet të varrezave të dëshmorëve, të cilat prej vitesh e kishin humbur statusin e tyre nga ferrat dhe indifereca e viteve.

Pikërisht në ditën 26 tetorit qindra banorë të Mirditës, veteranë dhe familje të dëshmorëve të prirë nga kryetari i bashkisë z. Ndue Gega i janë drejtuar varrezave të dëshmorëve të Mirditës, për të përkujtuar dhe nderuar veprën e tyre në shërbim të Atdheut dhe kombit.

Këtë vit si asnjë herë tjetër tash 20 vite, kortezhit i ka para prirë banda frymore e cila gjatë gjithë ceremonisë ka egzekutuar marzhe me motive atdhetare dhe luftarake.

Rreth orës 11.⁰⁰   para lapidarit që përjetëson veprën e të rënëve kanë mbërritur vizitorët e kësaj dite, ndërkohë që banda frymore fillmisht ka egzekutuar Hymnin Kombëtar. Qindra të pranishëm kanë mbajtur një minutë heshtje në nderim të dëshmorëve, ndërkohë që Kryetari i Bashkisë z. Ndue Gega ka vendosur një kurorë me lule pranë lapidarit. Drejtues të Komitetit të veteranëve të luftës dhe familje të dëshmorëve, kanë vendosur tufa me lule. Pas kësaj të gjithë në rradhë kanë kaluar pranë varreve, pa haruar të shprehin mirnjohjen për Bashkinë Rrëshen, për përkujdesjen e veqantë të treguar ndaj varreve të dëshmorëve, dhe të gjithë ambientit ku ata shtrihen.

Një aktivitet i tillë u parapri nga një mbledhje përkujtimore në sallën e qendres kulturore të Rrëshenit. Në fillim e ka marrë fjalën kryetari i Bashkisë z. Ndue Gega i cili në një përmbledhje të shkurtër ka bërë një scanim të të gjithë kronologjisë së luftës për çlirimin e Mirditës, duke theksuar se 26 tetori është dita kur bijtë dhe bijat më të mira të Mirditës të ndihmura edhe nga forca partizane kurorëzuan faqen më të ndritur dhe  të lavdishme të historisë tonë. Z. Ndue Gega theksoi se pa një luftë të tillë dhe fitore, nuk do të kishte kuptim as edhe 28 nëntori, shpallja e pavarësisë.

Duke vijuar më tej z. Gega tha se historia është shkencë dhe këtë nuk mund ta bëjnë masa. Historinë nuk mund ta shkruajnë partitë politike apo subjekte të tjera për interesa të çastit. Shumë historian amatorë, kalemgjinj të subjekteve politike tentuan ta cilësojnë luftën çlirimtare si luftë civile. A mund të ishte civile kjo luftë, kur në përpjekje me gjermanët humbën jetën një numër i konsiderueshëm partizanësh, ndërkohë që kolaboracionistët në çdo vënd të botës kanë gjetur vendin e merituar, dhe për pasojë edhe këtu një fund të tillë do të kishin.

Në fund ka përshendetur Sekretari i Komitetit të Veteranëve të Mirditës Mark Ndue Gjoni i cili ka falenderuar Bashkinë Rrëshen dhe kryetarin Ndue Gega për punën e bërë, si dhe garantoi mbështjen e veteranëve për proceset e me mëtejshme në Bashkinë Rrëshen.

Epilogu  i këtij takimi është finalizuar më një koncert festiv të Qëndrës Kulturore Mirditë, ku këngëtarë të mirnjohur të Ansamblit të Mirditës si Fran Preci, Prena Beleshi, Kastriot Kola dhe grupit të fëmijëve të QKF Rrëshen nën drejtimin e mësuesit Blert Leci.

Festimet e kësaj dite kanë vijur edhe në orët e mbrëmjes me një koncert festiv para sheshit “Abat Doçi” të qytetit të Rrëshenit. Koncerti është ndjekur me interes nga qindra banorë të Mirditës.

a.n 26.10.2011