Përmbyllet Java Europiane e Demokracise Vendore.

-Dita e shtune, veprimtari te shumta te bashkise Rreshen-

Librat lidhin  njerezit, kohet, komunitetet!... Fjala pershendetese e Kryetarit Gjon Dedaj.....

  Bashkia Rrëshen përmbylli me një ditë të tërë veprimtarish Javën Europiane të Demokracisë Vendore përmes një organizimi të vecantë ditën e shtunë më 17 tetor 2009. Ishte një ditë e ngarkuar me veprimtari ndërkohë që kjo jave si organizim i posaçem ne këtë bashki, ka shënuar: një takim dhe guidë turistike me Ansamblin e Shtetit; pritje në zyra të bashkisë dhe diskutime për planin urban, takime me qeverinë e nxënësve dhe diskutime me qytetarë, dita e hapur e kryetarit me qytetaret, marrjen pjesë në Takimin në Tiranë me stendën e bashkisë, stendë e cila është vizituar dhe nga kryeministri i vendit Sali Berisha dhe autoritete të tjera të larta, analiza 9 mujore me shefat e departamenteve dhe punonjësit e tjerë dhe së fundi dita-epilog e kësaj Jave.

Bashkia me dyer të hapura...

  Orët e para të kësaj dite u janë rezervuar pritjes që kryebashkiaku i Rrëshenit Gjon Dedaj, u ka bërë homologëve nëpër nëjsi të tjera vendore si dhe ish drejtuesve ndër vite të bashkive dhe komunave të Mirditës. Përmes një kokteili të thjeshtë në zyrën e kryetarit janë pritur ish-drejtuesit e kësaj bashkie si Marie Biba, Gjon Pjetri, ish-drejtues të bashkisë Rubik Bardhok Prenga, Gjovalin Prenga, apo ai sotëm Mark Ruci, si dhe ish-drejtues dhe drejtues të njësive të tjera vendore si nga Fani; Gjin Doda, Mark Marku dhe Gjergj Prenga; nga Kthella Ndok Mrruku, Ndrecë Doda, Tom Lleshaj, drejtuesit e parë të këshillit të rrethit Pashk Gjoka e Dod Pepkolaj; nga Selita Mark Mikeli e Viktor Gjikolaj.

Biseda, kujtesa nga puna e bërë në mandatet e ndryshme në qeverisjen vendore si majtas apo djathtas kanë ardhur lirshëm në shkëmbimet e ndërsjellta të bisedave shumë miqësore.

  Promovim libri i një autori tropojan

 “Pasaporta e Majë Malthit...”

  Veprimtaria e rradhës u organizua në bibliotekën publike “Gjon Gazulli”, ku është promovuar libri “Pasaporta e Majë Malthit”, e autorit tropojan Asllan Osmani. Pos autorit të librit që lidhet me historinë e dhimbshme të korrikut të vitit 1975 kur një autobus me vullnetarë, të gjithë nxënës e mësues të një shkolle në Tropojë, ra në greminë në Majën e Malthit duke lënë të vdekur disa vetë si dhe shumë të plagosur e të gjymtuar, morën pjesë autoritete të shumta vendore në Mirditë dhe ata të ardhur nga Tropoja si dhe dëshmitarë të kësaj ngjare,madje dhe të gjymtuar nga ai aksident tragjik.

Bardhe Marku,përgjegjëse e bibliotekës i ka bërë një recension të zgjeruar librit të autorit tropojan Osmani,duke theksuar se kjo është një vlerë e shtuar në dokumentimin historik të virtytit të mikpritjes dhe humanizmit të mirditorëve, si dhe një libër dëshmi e një ngjarje që nuk mund të shlyhet nga mendja e njerezve.

Më pastaj kanë diskuttuar lirshëm të pranishëm të shumtë,si Lek Shtija i cili ka përmendur dokumentimin interesant të asaj ngjarje përmes dëshmitarëve realë në shumë drejtime si dhe narracionin e përdorur në kapituj të vecantë e të tjerë.

Kryetari i bashkisë së Bajram Currit, Nuredin Ahmetaj, falenderoj për këtë pritje të vecantë,duke rikujtuar dhe njëherë ato vite dhe për këtë sillte përshëndetjet e Malësisë së Tropojës. Ai tha se autori është i Tropojës, por ky libër është i juaji,i nënshkruar me virtytin më të mirë të shqiptarit për t’u ardhë në ndihmë vëllezërve të një gjaku në kohën më të vështirë, ju e bëta asokohe me ne, ndërsa për vitet e Luftës me Kosovën për të ndihmuar vëllezërit e të njëjtit komb.

E mbijetuara Hajrie Geci, thkesoj se zoti i madh më shpëtoj nga ajo tragjedi, duke falenderuar për dëshminë reale që ka sjellë përmes këtij libri autori Osmanaj.

Kryetari i komunës Tropojë e Vjetër theksoj se ajo shkollë nga u nisën fëmijët dhe mësuesit ndodhet në këtë komunë,dhe ne i shrehim popullit të Mirditës mirënjohjen tonë të thellë, kam qenë mësues i asaj shkolle dhe na kutjtohet gjithcka,por mbi te gjitha dhe bujaria e mirditorëve,që shpëtoj dhjetëra jetë të tjera.

Njëri prej të mbijeturve solli copëza nga ajo ngjarje duke rrëfyer tërë ngjarjen e ndodhur në një orë kur autobusi ishte përmbysur tek shkembi në Majë Malthi atje ku sot është vendosur një pllakë përkujtimore, pashë Asime Mërturin (ishte e pranishme ne kete promovim, e gjymtuar me paterica), poshtë gomës së autobusit, me këmbën e këputur ndërsa e tërhoqëm për t’i shëptuar jetën. Kështu dhe më të tjerë që ishin dëmtuar rëndë, ndërsa kujton me lot në sy kur në pak minuta tërë spitali i Rrëshenit u boshatis edhe nga të sëmurët me serume që shkuan nëpër shtëpira, për t’ua lënë shtretërit të plagosurve të këtij aksidenti të rëndë, pastaj kujton dhjetëra qytetarë që vinin e jepnin gjak për të shpëtuar jetët e reja të këtyre nxënësve, dukej se gjithë populli i Mirditës atë ditë ishte veshur me bluza të bardha,duke sjellë ndihmën mjekësore, termuse me caj apo uji e akull të ftohtë e gjëra të tjera të nevojshme nga shtëpitë e tyre.

Autori i librit Asllan Osmani duke përgëzuar bashkinë Rrëshen dhe faktorin kulturor për këtë pritje të mrekullueshme,theksoj se gjaku i dhuruar nga mirditorët na bëri vëllazën dhe motra,në njëfarë mënyrë Mirdita “ia la vetes”! Nuk e kisha menduar se një promovim do kishte përmasa të tilla, une ju përshëndes shumë,dhe sidomos drejtuesin tuaj si njeri i letrave.

 Gjon Dedaj, kryebashkiaku i Rrëshenit solli në vëmendje të pranishmëve faktin e përbashkimit jo thjeshtë koncidencial të një ditë të tillë të shënuar të Autominisë Vendore me atë që ai e quajti “vëllaznimi Mirditë-Tropojë”, kur ne po përmbyllim një javë të tërë veprimtarish për këtë ngjarje të shënuar për pushtetin vendor,me promovimin e një libri që lidhet me Mirditën dhe Tropojën,me cilësitë dhe virtytet e pasura të njerëzve të këtyre krahinave. Kam patur lidhje të ngushtë me kryebashkiakun e Bajram Currit,por tashmë kësaj iu shtua dhe miqësia e fortë me tropojanët, unë jam i lumtur kur dëgjoj fjalë të tilla prej zemre nga ju për ato vlera të qytetarëve të krahinës sime,dhe tashmë nderimi kalon nga brezi në brez, mbase sot këtu nuk janë dëshmitarët e atij kontributi, por fëmijët e tyre dhe ky transmetim mirënjohjeje është gjëja më e vyer e cilësive tona të përbashkëta.

  Tryeza e rrumbullakët në mes drejtuesve vendorë

  Veprimtaria e rradhës ishte një vizitë në muzeun entografik të ansamblit Mirdita dhe kujtesa e fiksuar përmes fotove të shumta,ndërsa takimi tjetër lidhej me një “kuvend drejtuesish vendorë” ndër vite,organizim i parë i këtij llonji në Mirditë pa ngjyresa politike.

Më pas ka vazhduar tryeza e rrumbullakët në formën e një “kuvendi mirditor”. Pashk Gjoka, drejtuesi i parë i këshillit pluralist të rrethit ka risjellë në vëmendjen e të pranishmëve menyrën sesi filloj të ndërtohet ky pushtet në vitet e para të demokracisë. Mbi mënyrën e funksionimit të pushtetit,rritjes së decentralizimit folën dhe drejtues të tjerë vendorë duke u ndalur në vështirësitë e para pasi vinim nga një sistem i centralizuar e ku gjithcka vazhdohej të pritej nga shteti, mungonte inisiativa e njerëzve, gjithashtu nuk kishte asnjë rregullator ligjor që të garantonte mbarëvajtjen e këtij pushteti në demokraci.

 I pari ka folur z. Pashk Gjoka ish Kryetari i Këshllit të Rrethit Mirditë në vitet e para të ngritjes së pushtetit vendor. Ai ka falenderuar z. Gjon dedaj për një nismë të tillë për të mbledhur drejtuesit e Mirditës ndër vite. Z. Gjoka tha se kjo na sjellë në vëmendje ato momente të vështira 92-96, kur mungonte buka, uji e sapuni, por mbi të gjitha mungonte perceptimi i qytetarëve për këtë lloj qeverisje. Ne tha ai patëm përshtatur një ligj të huazuar nga jashtë, por qemë të detyruar ta përshtasim me situatën në vëndin tonë. Ai tha se kemi punuar me përkushtim, duke e përdorur ligjin si llastikun, duke e afruar deri afër qafës, por pa e kaluar pas koke pasi ai të merrte me vete. Z. Pashk Gjoka foli edhe për reformën e ardhshme të pushtetit vendor, duke qënë i sigurtë se në zgjedhjet e ardhshme lokale Mirdita do të ketë një konfigurim tjetër përsa i përket komunave dhe bashkive.

Po ashtu edhe ish drejtuesi i Komunës së Fanit z. Gjin Dodaj tha se falenderoj përzemërsisht për këtë nismë.

 Preng Toma ish-kryetari i Bashkisë Rrëshen tha se është hera e parë që mblidhemi në këtë lloj takimi, ku vlerësohet kontributi i gjithësejcilit. Ai solli në vëmndje vështirësit që paraqiste ligji 7501 etj.

Bardhok Ndreca ish-kryetari i Komunës së Kaçinarit tha se është privilegj që mblidhemi në një aktivitet të tilla, madje tha se ka qënë e vështirë por edhe privilegj që qeverisëm në kohë të vështira 1996 – 2000, kohë kur ndodhën edhe situatat e vështira të viteve 97-98, ku pushteti vendor pati një peshtë të madhe në përballimin e situatës.

Z. Ndreca shkoi më tej duke propozuar krijimin e një forumi konsultativ me ish – drejtues të pushtetit vendor ndër vite, që të kenë një përgjegjësi për Mirditën.

Në këtë takim ka folur edhe Kryetari i bashkisë së Tropojës i cili tha se duhet kuptuar se autonomija lokale nuk mund të ketë suksës pa një bashkëveprim si ai i ditës së sotme. Ai tha se më vjen mirë që drejtuesit e pushtetit vendor nër vite takohen dhe shkembejne përvoja me njëri tjetrin me një respekt të ndërsjelltë edhe pse u përkasin forcave të ndryshme politike.

Në fund të takimit përshëndeti kryetari i bashkisë Gjon Dedaj,duke e quajtur me fat faktin se i takoj të ishte sëbashku me gjithë pushtetarët vendorë ndër vite të demokracisë në Mirditë.

                                         Koncerti i “Jehona e Shkodrës”

  Ky ishte grupi i cili solli freski në një aktivitet në sallën e pallatit të kulturës,me këngë dhe humor tipik shkodran.

Dhe më pas kryetari i bashkisë Rrëshen Dedaj,shtroj një drekë për pushtetarët vendorë dhe miqtë nga Tropoja tek lokal “Kosova”,perballë hyrjes se autostrades per Kosove.

Ky ishte dhe finishi i nje dite te ngarkuar me veprimtari te bukura e te larmishme,duke shenuar dhe epilogun e nje jave te tërë veprimtarish në kuadër të Javës Europiane të Demokracisë Vendore.

Ky aktivitet ka perkuar dhe me nje pune shume serioze qe gazetarja e njohur Tefta Radi qe lidhet me nje dokumentar per Mirditen,duke fokusuar nder te tjera dhe kete eveniment interesant ne Mirdite.

A. Ndoja

Gj. Marku