Rubik, edicioni i katërt i “PERSONAZHET E VITIT 2007”

   Fundi i vitit 2007 për qytetarët e Rubikut rezervoi dhe edicionin e katërt të aktivitetit masiv “personazhet e Vitit 2007”, duke u kthyer kësisoj në një nga festat më të spikatura të organizuara nga bashkia çdo fund viti.

  Si zakonisht kësaj dite të shënuar i paraprinë aktivitete të shumta, si ajo me nxënësit më të dalluar të shkollave të zonës, ku u dhanë stimuj dhe dhurata të shumta, ndërsa më 28 dhjetor 2007, që përkonte dhe me këtë festë masive, fillimisht u organizua një takim me ish metalurgë dhe pensionistë të zonës. Për ta u shfaq dokumentari premierë: “Një jetë me minierën”, që u kushtohet minatorëve dhe punonjësve të nëntokës së Mirditës si dhe u dha një kokteil nga kryetari i bashkisë për ish minatorët dhe të moshuarit e qytetit. Ndërkaq u bë e qartë se vitin e ardhshëm do të ketë një produksion të tillë artistik edhe për punën në metalurgji e uzinën e Rubikut, duke sjellë fakte e dëshmi të kohës në këto vepra që tashmë nuk funksionojnë.

  Në orët e mbrëmjes së po kësaj date, nisi festa e madhe e laurimit të personazheve për vitin 2007 nga fusha të ndryshme të veprimtarisë së bashkisë dhe asaj komunitare. Në këtë ndërmarrje të vështirë përzgjedhjeje Bashkia mbarti vlerën e organizimit, të dekorimit dhe dhurimit të darkës së posaçme për simbolet e fushave nga vinin personazhet.

  Nën sfondin e urimit "Lavdi Hyjit në përjetësi" gjithçka nisi natyrshëm. Edhe pse salla ishte e tejmbushur, për policinë bashkiake dhe atë të rendit, nuk qe aspak e vështirë detyra e tyre për shkak të një niveli të lartë qytetarie që shfaqën të pranishmit. Edhe pse në vazhdën e traditës, risia qëndronte tek mosbërja gjatë e biografisë së personazheve dhe kushtimi më i madh i SHOË-ut me muzikë -valle-humor.

  Nderonin aktivitetin Kryetari i Bashkisë Rubikut zoti Mark  Ruçi, i cili në fjalën e tij përshëndeti dhe uroi personazhet për suksese të mëtejshme, dhe uroi festën e Vitit të Ri 2007 për gjithë popullin shqiptar dhe të komunitetit ku drejton duke vënë në dukje mençurinë dhe pjekurinë e tij. Kryetari i Bashkisë homologe  të Rrëshenit zoti Gjon Dedaj nuk e fshehu lumturinë e organizimit dhe bashkëpunimit të ndërsjelltë.

  Grupi i ansamblit “Mirdita” me të spikaturit Fran Preçi, Kol Zefi, Kastriot Kola, Prena Beleshi etj  apo atë që ngriti peshë sallën, njëkohësisht edhe personazh i Rubikut për 2007 zoti Mark Gjoka me " Himnin " e Rubikut dhe “bilbilin e shqiptarisë” Gjok Beci nuk ishin pak në mbresën e Rubikut. Ingrit Jushi me thjeshtësinë, vokacionin e zërit dhe ritmin e mrekullueshëm shtuan larminë e aktivitetit. Vallet e qëndisura të të rinjve dhe fëmijëve ishin një prelud më vehte.

 Këto ishin gjithë dekori që nën prezantimin e bukur të gazetarit Gjergj Marku  u duartrokitën ngrohtë 12 personazhet e vitit 2007:

Ja dhe personazhet:

 - Zonja Anila Pepa, mësuese e talentuar dhe produktive,

 - Lorena Paloka, nxënëse e vitit të katërt dhe që ishte për të dytën herë  radhazi “personazh”.

 - Plejada e mësuesve të shquar përfaqësohej nga Bardha Ndoj, mësuese pasionante e gjuhës së huaj.

 - Vazhdon më tutje, nxënësja e talentuar  e klasës së tetë Olta Fusha.

 Nga politika vinin Anton Çupi këshilltar dhe zoti Llesh Medha, kryetar i fshatit Vele.

 - Zonja Marianne Graf  jo vetëm që edhe kësaj radhe ishte Personazh i vitit 2007 por ajo është nder i çdo familje rubikase.

 - Motrat Venerini, e nderuara motër Rita dhe motër Arta. Dhuratat që u kishte bërë Bashkia si Personazhe të vitit vendosën t’ua jepnin punonjësve dhe edukatoreve të qendrës dhe fëmijëve që ndjekin kurset e tyre ne Qendrën kulturore “Abat DOÇI”.

 - Biznesmeni i suksesshëm zoti, D. Murati,  

 - Kengëtari  Mark Gjoka, me krijimtarine e tij brilante.

 - Lindita Hoxha, simbol i volejbollit te femrave mirditore.

 - Vera Gjoni i futbollit te femrave sollen nje entuziazem te madh duke  u pritur shume ngrohte e me dashamiresi nga qytetaria rubikase, te rinjte dhe te rejat sportdashese jo vetem per shpirtin e gares, talentin, kontributin por edhe per " FAIR PLAY " ne fushë duke na sjelle ne vemendje  modelin  e  sportisteve te kalibrit .

 ….

  Në fjalën e tyre personazhet theksuan mbështetjen e komunitetit dhe vlerat intelektuale të vërteta që kushdo duhet t’i dijë e t'i vlerësojë. SHOW  përfundoi me këngën kushtuar poetit Gjok Becit  ku e gjithë salla u ngrit në këmbë duke kënduar dhe duartrokitur.

 Për disa çaste qielli i Rubikut u trazua nën plasjen e fishekzjarreve.

Për nder të Personazheve Bashkia dhe stafi i saj shtruan një darkë. Në këtë darkë asistuan përfaqësues të zyrës Arsimore, punonjës të bashkisë, nxënës e valltarë grupi i ansamblit Mirdita si dhe biznesmenë të suksesshëm të zonës. Duke shpresuar sërish në aktivitete të bukura promovuese, argëtuese dhe kontribuese, të gjithëve; bashkëqytetarëve, miqve  dhe shokëve kudo që të ndodhen, emigrantëve dhe familjeve të tyre, ju Urojmë Gëzuar Vitin e Ri  2008, Paqe, Lumturi, mbaresi për vete dhe familjet e tyre.

Sandër Ndoj

Zyra e programim zhvillimit

dhe marëdhënieve me jashtë

Bashkia Rubik