Policia Bashkiake, garanci Në zbatimin e ligjit, për një qytet të pastër dhe kulturuar.

Nëse sot qyteti i Rrëshenit është ndër qytetet më të pastra dhe të rregullta në vënd, tre katër vite më parë situata ishte krejt ndryshe. Lopët, derrat, pulat deri edhe njëthundrakët, pa më të voglin shqetësim, mund të parakalonin qetësisht në të gjitha rrugët dhe kryqëzimet e qytetit, madje duke sfiduar qytetarët në xhirot tradicionale. Ndonëse bashkia mori disa masa, kryesisht në planin propogandistik për dëmin që ato sillnin në gjelbërimin e qytetit, si edhe takime me pronarët e tyre, nuk u arrit asgjë. Madje u krijua ideja sikur askush nuk do të mund të ndryshonte situatën mjaft problematike, e cila e kishte kthyer qytetin në një geto, nëse do t’i referohemi edhe kioskave që kishin mbirë kudo, duke zënë të gjitha hapësirat e gjelbra. Por një situatë e tillë do të vijonte deri në vitin 2002 kur në zbatim të ligjit Nr. 8224. dt. 15.5.1997, u krijua POLICIA BASHKIAKE. Duke qënë se krijimi i këtij sektori koincidoi me përfundimin e mandatit të kryetares Marie Biba, fillimisht nuk u ndërmuar ndonje aksion serioz, ndersa u punua për njohjen e ligjit dhe rregulloreve. Puna intensive e ketij shërbimi filloi me në fillim të vitit 2003. Fillimisht puna nisi me largimin e të gjitha kafshëve nga qyteti. Pasi përfundoi afati paraprak i cili paralajmëronte të gjithë banorët e zonës për rreth, që të merrnin masa përkatëse për izolimin e kafshëve shtëpiake, nisi edhe puna për realizimin e objektivit. Masat e marra ishin mjaft të ashpra dhe të vendosura, aq sa në një kohë rekord, nuk u pa asnjë kafshë nëpër rrugët e qytetit. Kjo bëri që gjelbërimi të ishte më i sigurtë dhe më cilësor. Aksione të tjera të  kësaj policie, janë heqja e kioskave dhe pastrimi nga ndërtimet e pa ligjshme të të gjithë hapësirave publike, heqja e gardheve afër pallateve, prerjen e plepave të dëmshëm për shëndetin e qyetarëve etj. Referuar shifrave përkatëse, nga qyteti i Rrëshenit në harkun kohor të dy ditëve, janë hequr 43 kioska dhe 10 garazhe të pa ligjshme. Gjithashtu Policia Bashkiake është në mbështetje të zyrës tatimore, për mbledhjen e tatimeve dhe identifikimin e subjketeve që i shmangen këtij detyrimi. Ndërkohë që bashkëpunon me policinë e qarkullimit, për bllokimin e rrugëve kryesore gjatë orëve të mbrëmjes. Policia Bashkiake e Rrëshenit, disa herë është thirrur në ndihmë të Bashkisë së Rubikut për zbatimin e disa prej vendimeve të saj.

a.n

Stafi përbërës i policisë bashkiake:

1-    Zef Doda

2-    Gjetë Molla

3-    Oltion Shqalësi

4-    Igli Gjoni

5-    Bib Toma. (shofer)

6- Tonin Reci (shofer)

Policia Bashkiake ka këto detyra:

1-    Të sigurojë zbatimin e të gjitha urdhërave të dala nga kryetari i Bashkisë dhe këshilli bashkiak.

2-    Të marrë masa për ruajtjen e pasurisë së Bashkisë dhe të pronave që administrohen prej saj.

3-    Të sigurojë zbatimin e urdhërave të kryetarit të bashkisë në lidhje me personat fizike dhe juridikë, që nuk plotësojnë konform ligjit detyrimet finaciare e fiskale.

4-    Të mbikqyrë e të verefikojë nëse shtetasit në administrim të pasurisë së tyre zbatojnë ose plotësojnë kërkesat e akteve bashkiake.

5-    Të konstatojë dhe të parandalojë ndotjen e mjedisit, hedhjet e mbeturinave të ndryshme.

6-    Të ndalojë, të shmangë dhe të prishë ndërtimet e pa ligjshme. Të ndalojë zëniet e pa ligjshme të trojeve dhe të ndërtesave objketeve publike të bashkisë apo të komunës si edhe të organizojë lirimin e tyre.

7-    Të kujdeset për qetësinë publike, duke shmangur zëniet, mënianuar zhurmat e shkaktuara nga grumbullimet e njerzve, autopolantet e radiove dhe magnetofonëve, rënia pa vënd e borive etj.

8-    Të marrë masa për ruajtjen e rendit kur ka grumbullime njerëzish si në tregje, panaire ceremoni publike, fetare etj.

9-    Të inspektojë tregjet, të kontrollojë zënien e vëndeve për tregëti ambulante, të verefikojë paisjen me liçensë të tregtarëve dhe personave të tjerë që merren me veprimtari shitblerje, tregëtimin e pijeve alkolike, objekteve me vlera artistike e kombëtare, të lëndëve djegëse. Të kontrollojë respektimin e masës, peshësh dhe çmimit të shitjes.

10-                      Të kujdeset për respektimin e orarit të njësive tregatre, bufeve, restoranteve, bilardove, lojrave të fatit, e objekteve të tjera me veprimtari publike si edhe për zbatimin nga ana e tyre të rregulloreve apo urdhërave të nxjerra nga kryeari i bashkisë apo komunës.

11-                      Të kontrollojë marrjen e masave të sigurisë që parandalojnë fatkeqësitë e ndryshme natyreore si dhe të ndihmojë në kapërcimin e tyre duke dhenë gjthashtu ndihmë të dëmtuarve në rast emergjence.

12-                      Të marrë masa të përkohshme ndaj të sëmurëve psikikë në gjëndje të rëndë, që krijojnë shqetësime për rendin publik.

13-                      Të kujdeset për ruajtjen e afisheve, njoftimeve e shpalljeven publike si dhe heqjen e atyre të pa ligjshme ose të pa autorizuara.