“System Group Italia” dorëzon projektin dhe shprehet e gatshme për ndërtimin e kompeksit gjigand “Mirdita-Tower”

“System Group Italia”  konfirmon mbështetjen për ndërtimin e kompleksit gjigand multifunksionësh në afërsi të degëzimit të rrugës nga autostrada për në qytetin e Rrëshenit. Pikërisht një ditë më parë presidenti i këtij konsorciumi z. Alvaro Boscarini, i shoqëruar nga juristi i System Group Italia z. Filipo Fumogali, dhe presidenti i Jon-shpk z. Gëzim Beqaj kanë mbërritur në qytetin e Rrëshenit për të dorëzuar draftin paraprak të projektit i cili duhet të paraqitet sëshpejti në KRRT-në e Republikës së Shqipërisë, për konfirmimin e nevojshmë ligjor. Kjo do ti hapë rrugë fillimit të ndërtimeve nw kompleksin gjigand. Delegacioni i ivestitorëve shoqërohej nga z. Dashamir Uruçi, përfaqësues i kompanive investitore, dhe Anita Milori, përkthyese.

Takimi është zhvilluar në sallën e muzeut etnografik pranë Qëndrës Kulturore të Mirditës. Nga pala e bashkisë Rrëshen ka marrë pjesë kryetari i bashkisë z. Gjon Dedaj, n/kryetari z. Nok Mrruku, drejtorët e deparatmenteve, urbanistikës, zyrës mardhënieve me jashtë, të të mardhënieve me publikun, etj.

Në fjalën përshëndetëse z. Gjon Dedaj pas falenderimit për mbeshtetjen e  System Group Italia, dhe veqanërisht të presidentit të saj z. Boskarini, ka theksuar se një ndërtim i tillë konsiderohet si shumë i rëndësishëm për komunitetin e Mirditës, dhe Rrëshenit në veqanti. Ndaj adminstrata e bashkisë i ka kushtuar vemendjen e duhur, dhe prania këtu e të gjithë kolegëve drejtues e konfirmon këtë. Z. Dedaj ka deklaruar se jemi në kulmin e mardhënieve mes dy palëve. Nga ana ime theksoi Dedaj, egziston i gjithë vullneti politik për mbështje sa më të gjithanshme, për bashkëveprim për të finalizuar këtë proces. Ai bëri present dosjen e hartuar në lidhje me këtë objekt, ndërkohë që pas falenderimit siguroi seriozitetin e bashkisë për vijimin e këtij procesi.

Pas tij e ka marrë fjalën z. Alvaro Boscarini, presidenti i System Group Italia. Z. Boscarini ka falenderuar kryetarin e Bashkisë për pritjen speciale që ju rezervua atij dhe shoqëruesve. Ai i ka dorëzuar dosjen e projektit, ndërkohë që theksoi se realizimi i tij nuk është i lehtë, pra kemi nevojë për ndihmën tuaj. Z. Boscarini tha se sot po dorëzojmë ktë projekt për të cilin të gjithë kemi punuar. Unë kërkoj që tashme ky project të kalojë në anën tuaj, për ti dhënë formën përfundimtare. Z. Boscarini tha se është kënaqësi e imja për të bashkëpunuar deri në fund për këtë projekt.

Ndërkohë që z. Dashamir Uruçi, në cilësin e kompanive ivestitore që pritet të marrin pjesë në ndërtimin e komleksit “Mirdita-Tower” tha se iniciativa ka filluar të marrë rrugën e saj që në korrik të vitit 2008, ku është votuar në masën 100% nga këshilli i bashkisë. Ai tha se faza përfundimtare përmbyllet ku dosja të kalojë në KRRT e Republikës. Ai theksoi nevojën  intensive për të punuar që procedurat të përfundojnë sa më shpejt. Ai ka kërkuar që të pastrohet territori nga “ferrat” që pengojnë punën, pasi një ivestim i tillë është i përmasave të konsiderueshme, dhe me një imakt shumë pozitiv për Mirditën.

Ndërkohë që përfaqësuesi i studios së projketimit ka theksuar se janë marrë në konsideratë vërejtjet që ju bënë në këtij projekti herën e fundit, dhe gjithshka është gati për të nisur me procedimin e mëtejshëm.

z. Gëzim Beqaj nga kompania bashkëpunëtore Jon shpk tha se kërkohet punë e kujdesshme për krijimin e kushteve për ivestitorët, pasi nëse këta të fundit kur shikojnë pengesa paratë i hedhin diku tjetër.

z. Gjon Dedaj në mbyllje të takimit tha se bashkëpunimi dhe mbështetja e institucionit që ai drejton nuk do të mungojë për asnjë moment. Sigurisht që kërkohet kohë pasi drafti do të kalojë në këshillin e qarkut e më tej në qeveri. Ky projekt kërkon shumë kapacitete dhe ne besojmë  se ju keni përvoja të sukseshme në këtë drejtim. Duke përfundur z. Dedaj shprehu besimin se gjithshka do të jetë në rrugën e duhur, pasi kjo është në filozofinë e qeverisjes dhe përpjekjeve tona.

A. Ndoja