Matura shtetërore nis me provimin e letërsisë

 Matura shtetërore i është nënshtruar sot provimit të parë, atij të letërsisë. Dita e sotme, fiks ora 10.00, ka shënuar rënien e gongut për maturantët, për të provuar veten sesa vlejnë në përgatitjen  e tyre katërvjeçare dhe më tej udhën që do të marrin për të ardhmen.

Provimi me detyrim në lëndën e gjuhë-letërsisë ka nisur sot në orën 10.00 nën masa të forta sigurie në Rrëshen ku kemi qenë dhe me kameren tonë. Situatë pak tensionuese nga ana psikologjike e maturantëve, por dhe masa të forta sigurie si nga ana e policisë që ka shoqëruar dokumentacionin në tërë shkollat e vendit, por dhe masa të forta për administrimin e proçesit. Dhe në fakt i tërë procesi ka shkuar mbarë pa patur probleme. Mësuesit administratorë në Mirditë janë këmbyer me ata të Lezhës.

Shpërndarja e testeve të provimit të parë të detyrueshëm nga Agjensia e Vlerësimit të Arritjeve ka nisur që në orët e para të mëngjesit, ndërsa materialet janë shoqëruar nga forca policore duke garantuar fshehtësinë dhe paprekshmërinë e tyre.

Po sot pas përfundimit të provimit testet  e plotësuara nga maturantët janë nisur për në ambjentet e drejtorive rajonale dhe po nën masa të forta sigurie në vendet e vlerësimit të përcaktuara nga ana e ministrisë së arsimit dhe shkencës. Sipas ministrisë në fjalë do të jenë 200 specialistë nga më të mirët e kësaj fushe që do të bëjnë vlerësimin e tyre. Meqenëse testi do të jetë i formuluar si pyetje me dy alterntativa ashtu dhe me zhvillim, do të jetë e nevojshme një kohëzgjatje prej 1 jave për të kryer vlerësimet. Kësisoj do të duhen plot 12 ditë për të shpallur rezultatet të cilat do të botohen dhe nga gazeta të përditshme. Testi i zbërthyer mendohet të jetë i botuar nga dita e mërkurë.

Ndërkohë që mësohet se dy kanë qenë temat e këtij testi, me autorë Migjenin, “historia e njërës nga ato” si dhe Makbethi i Shekpsirit. Nga nxënës që kanë qenë linearisht të përkushtuar ndaj mësimeve për katë vite, ky test përbën një nivel mesatar dhe jo të një shkalle të lartë vështirësie, ndaj ata thanë se janë ndjerë komod në zhvillimin e testit të parë.

E ndërkohë që për provimin tjetër, maturantët kanë në dispozicion një javë pushim, që është ai i matematikës dhe që mbyll kështu testimin e fundit për matyrantët në lëndët me detyrim. Dhe pas një pushimi të shkurtër, për ata maturantë që dëshërojnë të vazhdojnë studimet e larta, do t’ju duhet të japin provim në dy lëndë me zgjedhje, e që do të zhvillohen në një datë të vetme, më 10 korrik.

Gj.M.