Qendra Kulturore e Fëmijëve Rrëshen, modeli që sjell suksesin.

   Qendra Kulturore e Fëmijëve Rrëshen në shumë raste është bërë objekt i konkurimeve të denja në pjesmarrjet e shumta, brënda dhe jashtë vëndit. Kjo vjen falë angazhimit intensiv të stafit të kësaj qëndre. Falë përkushtimit të drejtorit të kësaj qëndre, z. Gjon Çoku dhe shefit të muzikës z. Kol Picaku, Qëndra Kulturore e Fëmijëve e cila është e vendosur në katin e dytë të ish-godinës së Degës Ushtarake, ka në “iventarin e saj” shumë trofe të fituara në aktivitete të ndryshme mbarë kombëtare. Shumë prej tyre janë publikuar në faqet e këtij webi, ndërsa disa prej tyre janë, fitimi i çmimit të parë për tre vite rrjesht në festivalin tradicional të Fush-Arrësit, dy herë çmimin e dytë në Devoll, apo edhe paraqitjen të cilësuar “shumë mirë” në  festivalin ndërkombëtar në Prishtinë. Një sukses i tillë vjen falë përkushtimit të   shumë prej punonjësve të cilët janë të punësuar në sistemin part-time në këtë qëndër. Një ndër to, është mësuesi pasionant z. Fran Gjergji i cili vjen nga qyteti i Rubikut. Frani është një ndër pjestarët më të spikatur të grupit të suksesshëm të valltarëve të ansamblit Mirdita. Ndërkohë ky pasion e ka detyruar që të punojë me përkushtim për evidentimin dhe formimin profesional të talenteve të reja. Koreografi Fran Gjergji thotë se këtë vit, kam marrë përsipër strëvitjen e rreth 60 fëmijëve të ndarë në disa grupe. Një grup nuk shkon më shumë se 15-20 veta, dhe trajtimi i tyre është dy ditë në javë, me nga një orë mësim. Mësimi zhvillohet në një sallë të gjatë, dhe sipas mësuesit Gjergji, ky ambient është i konsiderueshëm dhe i përshtatshëm. Muzika për vallëzimim prodhohet nga një magnetofon që është pronë e kësaj qëndre, ndërsa kërkohet edhe më shumë vëmendje për të plotësuar me mjete pune këto ambiente. Janë fëmijë kryesisht të klasave të treta e lart të cilët janë të rregistruar në këto kurse. Mesimi është mjaft intensive dhe vetë nxënëset janë mjaft të intreresuara për të mësuar sa më shumë për artin e koreografisë. Z. Gjergjit thotë se mësimet kanë qëllim prefeksionin e fëmijëve në fushën e koreografisë, ndërsa kjo moshë është mjaft e përshtatshme për të marrë mësime për mënyrën e lëvizjes së trupit, hedhjes, baletit klasik, valleve mirditase etj. Shumë prej fëmijëve janë mjaft të entuziasmuar, dhe thonë se do të vijmë rregullisht për të ndjekur këto kurse, pasi edhe angazhimi i mësuesit të tyre është maksimal dhe koha ka treguar se në këtë qëndër punohet me mjaft përkushtim.

A. Ndoja