Qytetarë Nderi, Bashkia Rrëshen.

Që me krijimin e saj, bashkia e Rrëshenit ka ushtruar të drejtën e saj për dhënien e titujve të nderit, për personalitete të ndryshme të cilët kanë kontribuar për komunitetin ose i kanë shtuar vlerat atij, përmesh punës dhe veprës së tyre. Një e drejtë e tillë ligjore për dhënien e titullit “Qytetarë nderi”, është e Këshillit Bashkiak. Me propozimin e një pjese anëtarësh të këtij këshilli, ose e faktorëve të ndryshëm të interesuar, këshilltarët me shumicë votash mund ta japin një titull të tillë, ose të rrëzojnë kërkesën përkatëse. Gjatë mandateve që kaluan këshilli bashkiak i Rrëshenit ka dhënë 11 tituj të tillë nga fusha të ndryshme.

Bamir TOPI. Prej disa muajsh presidenti i vëndit z. Bamir Topi është Qytetar Nderi i Bashkisë Rrëshen. Z. Topi është i njohur për faktin se prej shumë vitesh është mik i këtij qyteti dhe në jo pak raste, është gjëndur në Rrëshen, në raste festash apo edhe fatkeqësish. Titulli i nderit të qytetit ju dorëzua nga Kryetari i Këshillit Bashkiak z. Nikolin Kaçorri, ndërkohë që Presidenti Topi, duke e vlerësuar këtë nderim, u shpreh se e kam ndjerë prej kohësh veten qytetar i këtij vendi kaq mikpritës e bujar, ndërsa tashmë obligimi është ende më i madh për një lidhje të fortë shpirtërore me këtë rajon ku është ruajtur më së miri tradita dhe virtyti shqiptar.

Angelo Masafra- Këshilli bashkiak i qytetit Rrëshen i ka dhënë titullin “Qytetar Nderi”, për kontributin e tij të çmuar në ringritjen e besimit fetar në Mirditë. Është ndër të parët priftërinjë që ka shkelur në Mirditë, menjëherë pas rënies së komunizmit. Kontributi i tij ka qënë i gjithanshmë në nxitjen e besimtarëve për të kaluar traumën e krijuar nga ndalimi i dhunshëm i fesë, gjatë rregjimit komunist.

 Kristoforo Palmieri. Atë Kristoforo Palmieri, aktualisht Ipeshkëv i dioqezës së Rrëshenit, do të mbahet gjatë në kujtesë, për kontributin e tij të madh për ndërtimin e njërës prej katedraleve më të mëdha në Ballkan, konkretisht në qytetin e Rrëshenit. Gjithshtu vepër e angazhimit të tij, është edhe ngritja e një shkolle profesionale moderne, e njohur si shkolla “Shën Jozefi Punëtor”. Në këtë shkollë të rinjtë prefeksionohen në disa profesione të rëndësishme, të kërkuara në tregun e punës. Ngritja e një katedralje të tillë, por edhe e shkollës profesionale i ka dhënë dimensione të reja adhurimit për zotin dhe për fenë e krishterë, e cila në bashkinë e Rrëshenit përbën mbi 99 përqint të popullsisë. Duke pasur parasysh edhe kontributin e tij të çmuar në dioqezën e Rrëshenit, këshilli bashkiak e ka nderuar atë me titullin më të lartë në nivel vendor.

Lino Nikolai. Një ndër meshtarët i cili me urtinë e tij ka kontribuar fuqishëm për ringritjen e besimit fetar në Mirditë, është edhe atë Lino Nikolai. Atë Lino, ndonëse në moshë gjithnjë e gjen në mes besimtarëve në disa prej fshatrave që qarkojnë bashkinë e Rrëshenit. Atë Lino ka një kontribut të shquar, sidomos në fshatin Kodër Rrëshen, ku me fondet e siguruar prej tij, është bërë rrethimi i varrezave dhe kthimi i këtij vëndi në një vënd që rrezanton kulturë dhe respekt. Në afërsi të kishës së  këtij fshati, atë Lino është kujdesur që të ndërtojë kënde lojrash dhe pushimi për besimtarët e këtij fshati. Këto kanë qënë disa nga arsyet që këshilli bashkiak i Rrëshenit ka vendosur që t’i akordojë titullin “Qytetar Nderi”.

 Franz Winsauer. Është një ndër emrat më të njohur në Mirditë. Winsauer me kontributin e tij në përbërje të Caritasit austriak, ka lënë gjurmë të çmuara në ndërtimin e disa shkollave dhe paisjen e tyre. Fondacioni tij ka ngritur një sërë qëndrash të rëndësishme sociale, me kontribut të çmuara për kategori të ndryshme sociale. Një ndër to, është qëndra e Gruas dhe ajo e trajtimit të handikapatëve në Rrëshen. Në qëndrën e gruas, shumë të tilla mësojnë për rrobaqepësi, guzhinë, kompjuter etj. Ndërsa pjestarë të komunitetit të cilat fatkeqësisht reflektojnë deficnsa shëndetësore, në qëndrën e tyre të Rrëshenit kalojnë një ditë të angazhur. Winsauer është edhe një donator i rëndësishmë për familjet e varfëra dhe jetimët. Gjithashtu Winsauer, ka një kontribut të çmuar në finacimin e botimeve me autorë mirditas, por edhe të disa botimeve me autorë të huaj që nxjerrin në pah vlerat e Mirditës.

 Carmine Malzone. Malzone mjek gjenekolog vjen me kontributin e tij nga Italia. Malzone realizon një binjakëzim serioz me spitalin e Rrëshenit frut i të cilit është ngritija në nivele të larta të shërbimeve ndaj pacientëve. Në kohë të ndryshme, Malzone ka sjllë disa aparatura profesionale për kirurgjinë, maternitetin, patologjinë etj. Në kirurgji ai ka mundur që të sjellë një sallë operacioni me gjithë paisjet përkatëse. Ndërsa në katin e parë janë vendosur eko dhe aparatura moderne për diagnistifikimin e sëmundjeve të brëndshme. Në shumë raste kirurgu Malzone ka mundur që të realizojë operacione të vështira në sallën e Rrëshenit në bashkëpunim me kirurgët vendas. Malzone ka kontribut për marrjen dhe kurimin në klinikat moderne italine të disa prej pacientëve mirditas të cilët ishin diagnostifikuar me sëmundje të rënda.

   Rrok Mirdita. Është një ndër meshtarët më të njohur në Shqipëri, arqipeshkevi i dioqezës më të madhe në Shqipëri, asaj Tiranë - Durrës. Mirdita ka shërbyer për një kohë të gjatë në dioqezën e Rrëshenit, për ngritjen e strukturave fetare të rrënuara totalisht gjatë rregjimit të kaluar.

7- Paulin Shqalësi. Konsiderohet si mjeku më i shquar mirditas. Për disa dekada Shqalëshi punon dhe kontribuon në Spitalin e Rrëshenit, pranë bashkëqytetarëve të tij. Por në pak kohë fama i mjekut me disa specializime, kalon kufirin e Mirditës për në rrethet fqinje si Puka, Lezha, Burreli, Kurbini etj. Mjeku Shqalëshi ka një kontribut të shquar në shpëtimin e jetëve në Mirditë dhe do të mbahet gjatë në kujtesë për shërbimin e pa lodhur dhe mjaft profesional. Këshilli Bashkiak i Rrëshenit, i ka akorduar titullin “Qytetar Nderi” pas vdekjes.

8- Gjin Marku. Ish Gjenerali mirditas Gjin Marka Toma, me vendimin nr 48. datë 19. 10. 2001, të bashkisë Rrëshen, ka përfituar titullin e lartë për kontributin e shquar gjatë luftës së dytë botërore. Gjin Marku ishte kamandant i brigadës së VI-Sulmuese, ndërsa ishte specilalizuar në fushën ushtarake në akademitë jashtë vëndit. Gjin Marku vdiq në burg pas dënimeve të një pas njëshme në burgjet komuniste.

9- Mark Tirta. Etnografi i shquar mirditas tashmë i bërë i njohur brënda edhe jashtë vëndit,  është një ndër të cilët që këshilltarët e bashkisë Rrëshen, e kanë shpallur nderi i qytetit të tyre. Lindi në Orosh të Mirditës në vitin 1935, kryeqendrën historike të Mirditës të shekujve të fundit. Pasi ka kryer shkollimin e lartë në Shkodër dhe pastaj në Tiranë (1957-1961), ka filluar punën e mësuesit në shkolla të katundeve të Mirditës. Një mësues pasionant, si paraardhësit, që nuk do të vonojë të shpalosë dhe një tjetër pasion të fshehur të tij, kërkimet shkencore me eksplorime në terren dhe shkrime. Ka shkruar dhe botuar mbi 270 punime shkencore që atëherë, në shtypin shkencor - kulturor të vendit dhe të huaj, si në Paris, Bukuresht, Barcelonë, Granada, Londër, Kembrixh, Vjenë, Mynih, Kebek (Kanada), Budapest, Torino, Kozenca, Romë, Moskë, Shkup, Tetovë, Prishtinë etj. Me vende të tilla lidhen dhe kumtesat që ka referuar në simpoziume apo konferenca shkencore kombëtare e ndërkombëtare.

10- Adem Jashari. Respekti për luftën çlirimtare të Kosovës dhe gjakun e derdhur në atë luftë e cila u kurorëzua me lirinë pas 86 vitesh robëri, ka bërë që komandati i cilësuar Legjendar i kësaj lufte Adem Jashari, të meritojë votën e këshilltarëve për titullin e nderit të qytetarit të bashkisë së Rrëshenit. Tashmë figura e luftëtarit të Prekazit e bërë mjaft e njohur në të gjithë botën, me vendimin nr. 25 datë 23.5. 2006 të këshillit bashkiak të Rrëshenit është përjetësuar edhe në listën e qytetarëve të nderit të Rrëshenit. Pas këtij vendimi, një delegacion i bashkisë së Rrëshenit i është drejtuar Prekazit, ku edhe u ka dorëzuar familjarëve Jashari, titullin e lartë të bashkisë Rrëshen.

11- Carlo Cafferra. Është një ndër meshtaret e huaj, i cili ka kontribuar financiarisht per ndertimin e Katedrales ne Rreshen. Vendimi i këshillit bashkiak i cili e shpall Qytetar nderi të bashkisë, mban nr. 30 datë 23. 6. 2006.

Përgatiti: a. ndoja