Raiffeisen-Bank në Mirditë me një godinë të re. Prezantohet godina dhe arritjet e kësaj banke.

 Prej disa ditësh godina e Raiffeisen – Bank për Mirditën ka ndërruar vendndodhjen e saj. Numri i madh i klientëve, por edhe përformanca që ka një kompani e tillë prestigjoze ka bërë që drejtuesit e kësaj banke të marrin vendimin për zhvendosjen e saj në një ambient më të përshtatshëm, në qëndër të qytetit, atu ku dikur ka qënë një restorant. Një vendim i tillë ka ardhur pas tentativave për të restauruar godinën e trashëguar nga ish banka e vjetër, por kjo nuk ka përmbushur detyrimet ndaj klientëve. Kjo u pohua edhe nga Drejtori për Shqipërinë i Raiffeisen-Bank, njeherit edhe anetar i bordit drejtues te RBAL z. Oliver WHITTLE, në ambientet e kësaj banke. Ajo çfar vihet re në godinën e re ku tashmë është vendosur personeli, është se ambientet janë një performim i plotë i stilit perëndimor, pasi janë krijuar kushte me komode si për stafin e bankës ashtu edhe për klientët e shumtë që tashme numërohen në mbi 10 mijë të tillë. Por vendosja e bankës në këtë vënd i ka dhënë një impakt pozitiv  rrugës kryesore të qytetit të Rrëshenit, “At Gjergj Fishta”

Pikërisht sot drejtuesit më të lartë të Raiffeisen – Bank bënë prezantimin e ambienteve të tyre të reja si edhe një sërrë arritjesh të kësaj banke.

 Ceremonia.

 Ka nisur me një prerje shiriti nga ana e Drejtori për Shqipërinë i Raiffeisen-Bank, z. Oliver WHITTLE dhe kryetarit të Bashkisë Rrëshen z. Gjon DEDAJ. Më pas drejtori për Mirditën z. Bardhok Totri ka bërë prezantimin e pjesmarrësve. Z. Totri duke i falenderuar për pjesmarrjen, ka evidentuar faktin se në këtë ceremoni marrin pjesë drejtori i përgjithshëm për Shqipërine dhe anetar i bordit te RBAL z. Oliver Whittle, John McNaughtoin Anetar Bordi Drejtues RBAL, Ensuela Hysnelaj drejtore, Çiljeta  Apostoli drejtore për veriun, Afrim Muja drejtor rajonal.

Ndërsa të ftuar ishin drejtori mërdhënieve me publikun në kryeministri z. Gjovalin Prenga, Nprefekti z. Gjon Pjetri, kryetari i bashkisë Rrëshen z. Gjon Dedaj, ai i bashkisë Rubik z. Mark Ruçi, kryetarët e komunave Kaçinar, Fan, Orosh e Kthellë, z. Kastriot Ndoji, Gjergj Prenga, Aleksandër Lala e Tom Lleshi. Të pranishëm ishin edhe shumë drejtues të tjerë institucionesh për Mirditën, drejtues të policisë vendore, bisnezmenë, gazetarë etj.

Në fillim z. Oliver Whittle tha se sot po inagurojmë një godinë të re e cila është imponuar nga numri i madh i klientëve. Ne u munduam ta rikonstruktonim godinën e vjetër por kjo nuk linte shumë hapësirë për klientët. Shpresoj të kemi gjetur një amient të mirë, ndërkohë që stafi nuk ka ndryshuar. Ju e njihni Bardhokun dhe pjesën tjetër të stafit që kanë punuar fort, dhe kjo është reflektuar në numrin e madh të klientëve.

Më tej z. Whittle, tha se banka jonë ka të punësuar 1400 punonjës në 102 degë, ku marrin shërbimin rreth 500 mijë klientë. Kemi rrjetin më të mirë të bankomateve në vënd. Duke përfunduar z. Whittle tha se janë shërbimet tona që ofrojmë që na bën bankën nr 1 në vënd.

Pas tij e ka marrë fjalën z. Gjon Dedaj i cili fillimisht tha se desha t’ju përgëzoj të gjithëve që vlerësoni këtë kontribut të Raiffeisen – Bank, dhe të qytetit të Rrëshenit për bashkëpunim vizionesh. Mbi të gjitha ky është një besim për të gjithë Rrëshenin si pjesë e integrimit të përgjithshëm të vëndit. Jam i kënaqur që me ivestimin tuaj e provoni këtë besim. Uroj të vijojë bashkëpunimi pasi jemi në rrugën e duhur. Duke përfunduar z. Dedaj tha se ju falenderoj dhe ju siguroj për mbështetje dhe bashkëpunimin institucional.

Më tej drejtori i përgjithshëm z. Whittle i takoi dhe u prezantua me të gjithë të pranishmit në këtë ceremoni.

Aleksandër Ndoja.