Rrëshen, për integrimin e natyrshëm të romëve.

Kryetari Dedaj: Romet meritojne nje integrim te natyrshem ne shoqeri.

  Një përfaqësi e shoqatës së Veriut të Romëve, është pritur nga kryetari i bashkisë Gjon Dedaj dhe drejtues të disa sektorëve të bashkisë, që lidhen me asistencimin social dhe politikat e integrimit të shtresave në nevojë.

Ramazan Kurteshi, kryetar i shoqatës së romëve Kurbin, theksoj disa probleme që kalon kjo shtresë në të gjtihë vendin dhe vecmas në zonën e Veriut, ndërsa kërkoj që ata të përfshihen në tërë jetën shoqërore, ekonomike dhe sociale më të drejta të barbarta me grupet e tjera shoqërore. Të njëjtën gjë ka thënë dhe Bujar Berisha, antar kryesie i kësaj shoqate Lezhe, i cili ndër të tjera tha se janë disa projekte të donatorëve të ndryshëm që adresohen për këtë shtresë por që ndër vite, ato janë përdorur si fond për të grabitur drejtues anonimë në emër të romëve. Edhe sekretarja Mimoza Mediu ka ngritur shqetësimin se ende kjo shtresë vazhdon të mbetet e diskriminuar që nga jetesa, shkollimi e me rradhë.

Në një bisedë të lirshme, kryebashkiaku Gjon Dedaj, ka sqaruar të pranishmit se janë të mirëpritur me gjithë projektet që kanë, ndërkohë që kjo bashki gjithnjë ka qenë dhe mbetet e hapur për shtresën e romëve, dhe në këtë qytet ka një bashkëjetesë të mrekullueshme, ku nuk qëndron asnjë ndjesi fobike, përkundrazi ne jemi të hapur për cdo lloj projekti dhe deri për integrimin e kësaj shtrese në administratë, natyrisht duke filtruar në disa kritere të domosdoshme. Problemi mbetet dhe tek organizimi i vetë kësaj shtrese përmes shoqatës që ju artikuloni apo shoqatave të tejra në dobi të këtij komuniteti si dhe menaxhimit të projekteve, gjë për të cilën bashkia ka të ndarë më vete një fond partneriteti që e aplikon me grupe të ndryshme të interesit dhe komunitetit.

Kryebashkiaku Dedaj ka bere një panoramë edhe të regjistrimit të romëve në këtë fushata elektorale, pajisjen me karta identiteti.

Ne tha, Dedaj, shpresojmë se me gjithë këtë punë integruese të romëve që po bëjmë këtu  në bashki, vetë kjo kategori ta kuptojë se nuk duhet të varet vetëm nga asistencimi social, por të bëjë shumë më tepër, të jetë pjese e bisnesit dhe administratës, të kuptojë se shoqëria është në kushte të favorshme të përfitimeve që jep liria, e natyrisht dhe liria e organizimeve, për të folur në emrin e tyre, të interesave të tyre, dhe jo të tjere ta bëjnë në emër të tyre. Është mirë që për këto probleme, të ketë ndërgjegjësim të brendshëm, për një organizim efikas dhe në dobi të komunitetit rom. Nëse ka probleme me arsimin, dhe ka jo pak, mund të bëjmë deri dhe organizime periodike me shkolla verore. Personalisht e nënkuptoj integrimin kur kjo bashki lidhet fort deri me 1 cm katror dhe me një qytetar, dhe ketu nuk ka rëndësi përkatësia fetare apo e racës.

Më pas disa drejtues të departamenteve kanë bërë me dije projekte që u janë adresuar kësaj shtrese si dhe ato çfarë mund të zhvillohen në të ardhmen.

Duke përfunduar përfaqësuesit e shoqatës së romëve, u shprehën se kjo ka qenë ndër pritjet më të mira të bëra për ta në gjithë njësitë vendore të vendit, dhe se do të aangazhohen me projekte konkrete në organizimin e shoqatës së tyre dhe në Mirditë si dhe integrimin e kësaj shtrese në jetën komunitare këtu.

 Përgatiti: Vojsava Ndreka

Pergj. e Ndihmes Ekonomike.