Rrësheni dhe zonat verilindore mbulohen nga bora e parë e këtij dimri.

 Bashkia merr masat për përballimin e situatës.

 Bora e cila ka nisur një ditë më parë ka intensifikuar rënien e saj gjatë natës së shtunës, dhe për pasojë dita e dielë ka zbardhur me një trashësi të konsiderueshme të dëborës. Kështu i gjithë qyteti është i mbuluar me borë, ndërkohë që rënia e saj nuk ka pushur për asnjë moment gjatë gjithë ditës së dielë. Trashësia e saj ka bërë që të vështirësohet kalimi në rrugët e qytetit, por edhe fshatrat në përbërje të bashkisë janë izoluar totalisht. Problem i konsiderueshëm ishte pesha  e madhe nëpër pemët e qytetit, degët e të cilave kishin filluar të thyheshin.

Në këtë kuadër, për të marrë masa për përballimin e situatës, Kryetari i Bashkisë z. Gjon Dedaj, edhe se në një ditë pushimi ka thirrur në një takim urgjent të gjithë stafin kryesor të bashkisë, të cilët gjëndeshin në Rrëshen. Pas bëries së një plani masash, të gjithë punponjësit kanë dalë në terren për identifikimin e situatës. Ndërkohë që u është kërkuar ndihmë firmave private për të vënë në dispozicion mjetet e tyre. Kështu kësaj thirrje i është përgjigjur Firma “Kthella” me president z. Pjetër Nikolli dhe Ndërmarrja e Rrugëv Rurale me drejtues z. Preng Toma. Fillimisht një automjet vinç ka nisur të godasë me kovën e saj trungjet e pemëve, duke i shkundur ato. Për pasojë, në pak sekonda pesha e rëndë e dëborës binte në tokë, duke bërë që pemët të çliroheshin nga pesha. Me të njëtën menyrë është vepruar në të gjitha rrugët dhe rrugicat e qytetit. Me këtë mënyrë, për herë të parë këtë vit, nuk është shënuar thyerja masive e degëve të pemëve dekorative, siç ka ndodhur vitet e kaluara. Më pas dy fadroma dhe dy mjetë të tjera kanë vijuar më pastrimin e rrugëve dhe ngarkimin e borës në karroceritë e makinave, për ti derdhur larg qytetit.

Ndërkohë që bashkia ka mbajtur kontakt përmes celularit me të gjithë kryetarët e fshatrave për tu interesuarnë për gjëndjen në zona. Nga kontaktet telefonike të gjithë kryetarët e fshtatrave kanë identifiluar faktin se problem i vetëm ishtë bllokimi i rrugëve, ndërsa nuk kishte ansjë problem me furnizimin me energji, apo edhe me ushqime.

Ndërkohë që drejtuesit e disa institucioneve kryesore të bashkisë me punonjësit e tyre kanë dalë për të zhbllokuar hyrjet për në institucione, shkolla etj.

Situata në përgjithësi.

 Edhe në fshatrat e Mirditës, situata paraqitet problematike, gjysma e komunave, Selitë, Fan dhe Kaçinarë janë të bllokuara prej tri ditësh, ndërsa aksi nacional që lidh Rrëshenin me Fushë Arrëzin dhe Kukësin është mbajtur i kalueshëm vetëm me zingjirë dhe jo për atumojete të tonazhit të rëndë. Por orët e pasdites në zonën e Qafë Benës dhe Qafë malit, ku shihen dhejetëra makjina të braktisuyra nga drejtuesit e tyre, po bie dëborë në formën e akullit cfarë parashihet një situatë akoma më e rëndë në këtë aks nacional që lidhet me Kosovën.

 Dy kosovarë strehohen në fshatin Lëkundë në Kurbnesh

 Mësohet se dy shtetas kosovarë kanë gabur drejtimin në hyrje të qytetit të Rrëshenit, dhe në vënd që të udhëtonin në drejtim të Majës së Malthit, kanë përshkurar qytetin e Rrëshenit dhe më tej kanë marrë rrugën për në drejtim të Kurbneshit, në sens totalisht të kundërt me lëvizjen për në drejtim të Kosovës. Çuditërisht ata kanë përshkuar rreth 50 km rrugë rurale dhe të pa asfaltuar, mjft të vështirë në ecje, dhe nuk janë ndalur askund për të pyetur njeri për drejtimi për në Kosovë. Pak pa mbërritur në qytezën e Kurbneshit, në vëndin e quajtur Laku i Kryes, ata janë bllokuar totalisht nga bora. Fshati më afërt ka qënë fshati Lëkundë, banorët e të cilit kanë udhëtuar përmes borës dhe ngricës dhe kanë mundur të nxjerrin nga makina dy kosovarët dhe i kanë dërguar në fshatin e tyre. Aktualisht ata janë marrë në banesat e fshatit Lëkundë ku edhe po trajtohen me bujari deri kur të bëhet i mundur zhbllokimi i rrugës.

 Bora në Rrëshen, situatë festive...

 Pamjet e bukura që ofron shtresa e bardhë e dëborës ka bërë që qindra banorë të dalin në rrugët dhe sheshin “abat Doçi” të qytetit për të festuar. “Lufta” me topa bore ka qënë kryefjalë e shumë të rinjve por edhe e fëmijëve. Por disa të tjerë nuk kanë vonuar të ndërtojnë njeriun prej borë në qëndër të sheshit. Pasi kanë qeshur dhe gëzuar, të rinjtë kanë pozuar me banorin më të përkohshëm të sheshit “abat Doçi”

Por festës së rinjve nuk i kanë shpëtuar edhe disa nga drejtuesit e bashkisë. Më i “sulmuari” për disa momente ka qënë edhe kryetari i bashkisë z. Gjon Dedaj. Qindra topa bore janë derdhur mbi të nga grupi i të rinjeve, ndërkohë që epilogu ka qënë një foto miqësore me të gjithë të rinjtë që sot kishin marrë në dorë kontrollin e sheshit kryesor të qytetit. Por edhe se në një ditë të mbushur me borë, disa të rinj nuk janë stepur në vendimet e tyre për të krijuar familje të re. Pikërisht në këtë të paktën katër çifte nga Mirdita kanë përshkuar altarin e besnikërisë së përjetshme ndaj njëri tjetrit. Boritë e kavaneve me krushq kanë përshkuar qytetin, duke fikasur në celuloid dasma në mes të dëborës, dhe më tej për tu akomoduar në lokalet më luksoze të qytetit. 4 janar 2009

A. Ndoja.