Rruga Rrëshen – Burrel përmes Urakës tashmë një relitet. Nis studimi për përcaktimin e gjurmës.

Tashmë fillimi i ndërtimit të “rrugës së vjetër” siç  quhet segmenti i Rrëshen – Burrel përmes Urakës, duket se është vendosur të fillojë në një kohë jo shumë të largët. Pikërisht për këtë po punohet intensivisht për përcaktimin e gjurmës së kësaj rruge, në ato pjesë ku ndryshimet infrastrukturore gjatë më shumë se 40 viteve, ka bërë që ndjekja e gjurmës së vjetër të jetë  e pa mundur.  

Pjesa e parë e përcaktimit të projekt- idesë është përfunduar nga kompania shqiptare “ILIRIADA P.K.S” shpk me qëndër në Tiranë. Por që projekti të marrë fizionominë përfundimtare kërkohen sa më shumë mendime dhe ide nga qyetarët, intelektualët dhe grupet e interesit.

Në këtë kuadër Bashkia Rrëshen i ka paraprirë kësaj situate për të ndikuar në një projekt sa më në shërbim të qyetarëve dhe një infrastructure sa më modern e bashkëohore.  Janë një mori shkresash dhe korespondecash me institucionet përkatëse në Ministrinë e Transporteve dhe në ato të qeverisë për të ndikuar me mendimin e saj, në kuadër të këtij detyrimi.

Por diskutimi i parë i drejtpërdrejtë në lidhje me zhvillim infrastrukturor të Rrëshenit, Tarazhit, Prosekut, Përlatit e në vijim drejt Urakës, është zhvilluar n jë ditë më parë. Diskutimi është zhvilluar në terren, aty ku kanë qënë pikat më  të diskutueshme, ndërmjet Drejtorit të “ILIRIADA P.K.S” z. Kujtim Çela i cili shoqërohej me tre inxhinierë të këtij projekti, dhe drejtuesve të njësive vendore të Rrëshenit dhe  Kthellës z. Gjon Dedaj dhe Tom Lleshaj.

Në projektin fillestar të paraqitur nga studioja përkatëse prashkikohej që segmenti nga Ura e Fanit deri te ish-Shkolla e lirë të vijonte sipas rrugës aktulale nëpër qytet. Kjo është kundërshtuar me argumenta të shumtë nga z. Gjon Dedaj, kryetar i Bashkisë së Rrëshenit. z. Dedaj këmbënguli që rruga e re e cila nis nga Ura e Fanit të ndjekë një trajektore paralel me trasenë që ka qënë e hapur për rrugën e trenit. Sipas tij kjo do të zhvillonte maksimalisht qyetin në anën tjetër të lumit të Zmesë, ndërkohë që do të reduktonte fluksin e lëvizjes së mjeteve në rrugën kryesore të qytetit. Zgjidhja mund të ishte e lehtë edhe për tre rrugë hyrëse në qytet që vijnë nga Kodër Rrësheni, të cilat pa prekur trasenë e autostradës do të përmblidheshin në një të vetme, dhe më pas të shfrytëzohej një nënkalim që do i lidhte me qytetin. Ndjekja e këtij varianti do të bënte që zonat preiferikë të përfitonin infrastrukturë të koniderueshme qytetare, me trotuare dhe mbi e nën kalime. Kjo do të kishte edhe avantazhe të tjera mbi të gjitha disiplinimin e ujrave të lumit të Zmesë dhe ndërtimin e një unaze të re brënda qytetit, me fillim nga ana e pasme e Katedrales me vijim deri në hyrje të qytetit.

Kjo ide është gjetur mjaft e pranueshme nga inxhinierët e “ILIRIADA P.K.S” të cilët kanë premtuar se do të kenë në konsideratë të gjitha këto ide, përpara se sa projekti i rrugës të marrë formën përfundimtare.

Lidhja e qyettit me Autostradën dhe segmenti Rrëshen-Rubik.

Ky ka qënë diskutimi më i gjatë mes inxhinerëve të “ILIRIADA P.K.S” dhe z. Gjon Dedaj. Në projekt idenë për ndërtimin e segmentit rrugor që do të lidhë Rrëshenin me autostradën, është parashikuar që të ndërtohet një segment i ri nga vëndi në afërsi të varrezave të qytetit, me derjtim pingul nëpër Ndërfushaz deri te fillimi i rrugës me katër korsi, në afërsi të ish-bazës së armatës. Kjo kërkon ndërtimin e një ure mbi lumin Fan dhe ndërtimin e një segmenti totalisht të ri, pasi hyrja e mjeteve nga Rrësheni përmes rrugës egzistuese nga Ura e Fanit, do të ishtë shumë problematik dhe aspak komod.

Por gjithësesi inxhinierët kanë kërkuar mendimin e përfaqësuesev të Bashkisë Rrëshen, pasi e gjithë ndërhyrja është në territorin që administrohet nga ky institucion.

Gjon Dedaj ka hedhur idenë për ndërtimin e një rruge nga Rrësheni për tek ura e Fanit. Rruga duhet të jetë me katër korsi dhe me trotuare,  me ndriçim bashkohor. Kjo do ti jetpte një pamje tjetër hyrjes në qytet, ndërkohë që kjo do të shmangë ndërtimin e urës për Ndërfushaz, dhe ndërtimin e një rruge të re duke ndjekur shtyllat e tensionit të lartë. Sipas kryetarit të Basshkisë z. Gjon Dedaj, pasi rruga shkon tek ura e fanit, ajo duhet të vijojë me trase, deri kur të bashkohet me autostradën. Traseja duhet të bëhet paralel me rrugën egzistuese, duke përdorur mbushje masive dherash, deri kur ajo të piktakohet me autostradën. Kjo do të bënte që lëvizja nga Rrësheni për në autostradë të jetë në vijë të drejtë përgjatë rrugës tradicionale, pa pasur nevojë për kthesa 90 gradë me ura në drejtim të ish-bazës së armatës.

Në aspektin social një aks i tillë do  të bënte që një mori bisnezesh tek ura e Fanit të merrnin një zhvillim pozitiv, ndërkohë që edhe shumë toka djerre në afërsi të një ish- karburantit, apo aty ku ka qënë një qëndër e përpunimit të lëndës drusore të merrte një dimension tjetër vlerësimi.

Po ashtu z. Dedaj mbështeti idenë që dy korsitë e tjera të segmetit Rrëshen-Rubik të ndërtohen në anën tjetër të rrugës së re, apo paralel me rrugën egzistuese. Ai paraqiti disa avantazhe që ka një ndërtim i tillë në gjurmën e sipërcituar.

Pasi inxhinierët e panë në terren mundësinë e kësaj rruge, dhe pasi bënë një vlerësim paraprak, thanë se kostoja e ndërtimit të këtij varianti nuk është më e madhe se sa kostoja e ndërtimit në variantin e parë, me një urë në drejtim  të Ndërfushazit. Pikërisht për këtë ata mbajtën në shënim këtë variant, për ta reflektuar në vendimet përfundimtare të studimeve që kërkohen para fillimit të punimeve.

Në përfundim z. Gjon Dedaj tha se ndërhyrje të tilla të institucionit të tij janë të domsdoshme, pasi janë një përpjekje për konsolidimin e qyteti dhe të bashkisë Rrëshen, por edhe në përputhje me dokumentat strategjike të ideuara nga bashkia Rrëshen, si Plani Rregullues, Profili, dhe Plani Strategjik.

Pikërisht në dokemntin e Planit të Veprimit, në pikën 1. 1 të parashikohet se  Bashkia Rrëshen anagazhohet për ndërtimin e një infrastrukture lidhëse efiçente të Bashkisë me autostradën Durrës-Kukës, ndërkohë në objektivin 1.3 bashkia gjithashtu angazhohet për lidhje funksionale dhe cilësore të Bashkisë Rrëshen me Bashkinë e Burrelit. Ne fund z. Gjon Dedaj bëri thirrje të gjithë opinionit në Bashkinë Rrëshen që të kontribuojnë me mendimet e tyre, pikërisht në këtë kohë, duke komunikuar me Bashkinë Rrëshen.

A.   A. Ndoja.