Shirat e dy ditëve më parë, shuhet një banesë në fshatin Lurth.

Shirat e dy ditëve të fundit kanë prodhuar  prurjet më problematike të këtij dimri në territorin e Bashkisë Rrëshen. Ato kanë nisur me një intensitet të madh natën e së mërkurës, për të vijuar më një intensitet të jashtëzakonshëm gjatë gjithë ditës së enjte. Në pak orë reshjet e shumta kanë vënë në rrezik jetën e mjaft banorëve, sidmos nëpër fshatra. Kështu si rezultat i një rrëshqitje në fshatin Lurth, është zhdukur totalisht banesa e Pashke Jakut e cila banonte sëbashku më vajzën e saj, ndërkohë që dy djemtë janë emigrant në Greqi. Po ashtu dëmtime në banesa ka pasur në fshatin Malaj, konkretisht banesa e Gjin Lekës. Fryrja e lumit të Zmesë ka përmbytur disa sera me të mbjella të Gaspër Recit, ndërkohë që janë njoftuar dëmtime në gabina elektrike, shtylla tensioni etj.

Kur situata ka filluar të shfaqet problematike, Bashkia Rrëshen ka ngritur menjëherë grupin e emërgjencës të kryesuar nga Kryetari i Bashkisë z. Gjon Dedaj. Që në orët e para të ditës së enjte, grupi i punës ka dalë në terren për të marrë masa për parandalimin e situatatve të rënda, dhe për të qënë pranë banorëve në përballimin e situatës. Shirat të cilat nuk kanë pushuar për asnjë moment kanë vështirësuar shumë ndërhyrjet për minimizimin e problemeve.

Kryetari i Bashkisë z. Gjon Dedaj dhe ekipi i emergjencës vizitë në fshatin Lurth.

Me tu mësuar ngjarja për shëmbjen e banesës së Pashke Jakut, kryetari i Bashkisë z. Gjon Dedaj, i shoqëruar nga n/ kryetari Nok Mrruku, përgjegjësi i emergjencave z. Agustin Picaku janë nisur në drejtim të fshatit Lurth për tu njohur me situatën në këtë fshat, e konkretisht në banesën e dëmtuar. Për të mbërritur në këtë fshat është deshur mjaft përpjekje me automjetin fuoristradë ë drejtuar nga Tonin Reci, pasi reshjet e shumta kishin krijuar shëmbje të rrugës dhe bllokime në shumë vënde. Në pika të ndryshme të rrugës nga fshati Sheshe deri në Lurth, banorët në mënyrë vullnetare bënin përpjekje të mëdha për zhbllokimin e rrugës nga balta dhe rrëshitjet. Dhjetra banorë të këtij fshati më kazma dhe lopata si edhe me mjete të tjera rrethanore, tentonin të pastronin rrugën nga balta, ndërkohë që sipas tyre  duhej edhe pak punë për normalizimin e situatës.

Kryetari i bashkisë z. Dedaj ka ndjekur të gjithë aksionin e banorëve të cilët nga ana e tyre kanë kërkuar mbështje për të eleminuar pasojat e kësaj situate. Ndërkohë që Gjon Dedaj u shpreh se do të bënte të gjitha përpjekjet për të dhënë mbështetje me mjete për normalizimin e situatës në këtë rrugë e cila është e vetmja që lidh fshatin Lurth me qyetin e Rrëshenit.

Në ish banesën e Pashke Jakut.

Përmes një rruge mes shkurresh lidhet rruga kryesore e fshatit me banesat e fisit Jaku. Pasi kalojmë në oborrin e një kulle në të cilën prej dy vitesh nuk banon askush, gjëndemi në disa rrënoja të banësës së Pashke Jakut. Është mjaft e vështirë për të besuar që vetëm pak orë më parë këtu ka qënë një ndërtëse në gjëndje mjaft të mire, dhe  e rikostruktuar nga puna e dy vëllezërve emigrante. Lehtësisht duken rrëshqitjet massive të tokës afër banesës. Masive të mëdha sëbashku me lisa të mëdhenj janë spostuar disa metra, ndërkohë masivi ka mbuluar totalisht banesën. Është disi e pa besueshme por askush nuk mund të besojë se këtu ka qënë një banesë, përveq atyre që kanë jetuar aty. Në pak minuta në këtë vënd vijnë të gjithë banorët e lagjes, për të treguar kush më shumë e kush më pak, për ngjarjen që ka ndodhur rreth orës 14.00 të ditës së enjte. Është dëgjuar një zhurmë, ndërkohë kur fqinjët kanë dalë për të parë, janë shastisur kur nuk kanë parë më banesën që qëndronte në këmbë deri në ato moment.

Pashke Jaku, e zonja e shtëpisë thotë se ishte e shtruar në spitalin e Rrëshenit dhe nuk ka qënë aty në momentin e ngjarjes. Duke qënë e vetme, vajza  e shtëpisë ka qënë tek të afërmit e saj disa metra larg banesës. Kjo ka qënë arsyeja që në këtë banesë të mos ketë viktima në njerëz. Pashkja thotë se kurr nuk u kishte shkuar ndërmed se mund të rrëshqiste toka në këtë mënyrë, pasi kishin marrë masa mbrojtëse me kohë. Ajo thotë se shtëpia ka qënë e siguruar me një mur guri mbi një metër, ndërkohë që edhe faqja e malit ka qënë e veshur me mure në mënyrë të shkallëzuar. Ajo tha se me të mësuar lajmin kishte udhëtuar në drejtim të banesës për të parë situatën e cila nuk do koment.

Kryetari Gjon Dedaj pasi u interesua për shëndetin e saj tha se bashkia do të ndërmerrte të gjitha iniciativat ligjore, dhe do të vinte në dispozicion të gjithë kapacitetet e saj për të bërë dokuemtacionin e plotë dhe në mënyrë sa më të shpejtë për ta dërguar në instancat përkatëse, ku edhe do të ndërmerren vendimet për dëmshpërblim, që parashikohet në raste katastrofash natyre të kësaj natyre. Ai u kërkoi të dinte për mënyrën e strehimit provizor, duke ofruar edhe mundësitë që ka bashkia në kësi rastesh. Gjin Jaku një i afërm i kësaj familje tha se në këtë truall ka më shumë se 300 vite që ka pasur banesë. Ata falenderuan kryetarin e bashkisë për interesimin e shpejtë, ndërkohë kërkuan vijimin e procedurave që janë të domosdoshme në situtata të tilla.

Lumi i Zmesë disiplinohet nga një ndërhyrje e bashkisë një vit më parë.

Të gjithë banorët e Rrëshenit kujtojë raste të shumta të viteve më parë, se si ky lumë i cili ka prurje shumë të pakta, e gjatë verës kap nivelin zero, në raste si ai i një dite më parë, kthehet në një rrezik për periferinë. Madje në disa raste ka prekur murin rrethues të Katedrales, ka pushtuar jo pak prej disa banesave dhe kopshteve në afërsi të Muzeut Historik etj.

Por edhe pse situta e djeshme ka qënë mjaft problematike, lumi i Zmesë nuk ka shkaktuar asnjë dëm në këtëdrejtim. Ka qënë një ndërhyrje e bashkisë një vit më parë, falë një ndihme me një ekskovator nga Drejtoria e Ujrave të Qarkut Lezhë e cila ka ndërtuar një unazë përgjatë gjithë këtij lumi. Kjo unazë e cila përbëhet nga një trase zhavorri tashmë është e gatshme në pritje të ndopnjë ivestimi i cili do ta bënte atë me asfalt e ndricim. Kjo do ti jepte një frymarrje të madhe lëvizjes në qytet, sidomos tregut. Gjatë ndërtimit të kësaj traseje është bërë ndërkohë thellimi i shtratit të lumit të Zmesë, e cila ka krijuar shtrat më të lirë për rrjedhat e fuqishme të një dite më parë. Kjo ka bërë që edhe skeptikët të heqin dorë përfundimisht nga pritshmëria e shkatërrimit të kësaj traseje.

A.   Ndoja