Show i nxënësve të shkollës së mesme Rrëshen

 U desh një datë si ajo e 7 marsit që gjimnazi i Rrëshenit të c’tendoste atmosferën e që gjithcka të shëndërrohej në një festë të bukur për mbare qytetin. Një festë dedikuar mësuesit, por që kësaj rradhe erdhi përmes një spektakli të bukur ndërtuar me mund e finesë.

Spektakli mori udhë përmes një përshëndetje kushtuar punës se palodhur të mësuesve sipas këndvështrimit të vetë nxënësve duke i përmendur sipas profileve dhe sidomos të vecantën që cdo profil ka skalitur në temperamentin e sejcilit prej tyre.

Nxënësit interpretues sollën një atmosfere të tillë në trajten e një rrëfimi apo bashkëbisedimi tejet miqësor.

Nën skenarin e Eglantina Dedës që u prezantua denjësisht nga Ameda Pjetri si moderatore pasionante e tërë spektaklit, nisi gjithë show i përgatitur më së miri.

Ilja Jahja dhe Mark Deda krijuan emocion të fortë në sallë me interpretimet e tyre në këngë, dhe ndërkohë atyre u shtohen dhe Eneida Marku dhe Klotilda Biba me zërat e bukur dhe të intonuar kendshem me okrestrën e drejtuar nga D. Shqalshi.

Humori ishte pjesë kryesore e showt. Spektaktorët patën rastin të ndjekin një “orë mësimi” në skenë, e sjellë bukur përmes notave të humorit me një kastë aktorësh nxënës që linin të kuptoje se kishe të bëje me artistë të njohur të skenës. Ata përcollën në mënyrë te kulturuar problemet e moshës, rolin e tyre në shkollë e shoqëri, por dhe pozicionin e mësuesit në formimin dhe edukimin e tyre.

Juliani, Elisoni, Elvisi, Albana, Edmondi, Aurora, Fatjoni,Almora,Rolandi përcollën lojë të bukur,humor dhe kulturë, ”akuzë dhe autoakuzë”. Më pas po ata improvizuan një “mbledhje me prindër” duke nxjerrë në pah rolin e vecantë të prindërit. Po brenda humorit u inskenua “Ti vlen” ku u përcollën numëra të ndryshëm para një jurie po nga humori!

Nuk munguan dhe dramatizimet nga emra në zë që kanë trondit shekujt me veprat e tyre të mëdha, që nga tragjedia e dashurisë “Romeo dhe Zhuljeta” e deri ajo e hakmarrjes “Hamleti”; që nga “Amë e Bijë” e deri tek “14 vjec dhëndërr” përmes interpretimeve të bukura të Samantës, Gencit, Iliasi, Bukuria.

Festës do t’i mungonte balanca nëse nuk do të kishim fragmente poetike që ishin përzjedh me kujdes nga poetë të njohur si nobelisti Kipling apo Pushkin e duke u kujdesur dhe per vargjet e ndjera të poetit Teodor Keko, recituar me plot pasion nga Ada, Klementina dhe Brosilda.

Pjesë tjeër e rëndësishme ishte kërcimi, si ai modern dhe tradicional, nën interpretimin e Julianit,Oranda, Merita, Sonila.Franceska,Elvisi,Rolandi,Eneida, Ermelinda.

Për këtë show u punua me një bashkëpunim të mirë të mësuesve Bib Pepkojaj, E.Dedaj, Elsa Gjeta,dhe me një bashkerednim efikas të pallatit të kulturës “Mirdita”, që u kujdes ne detaje për mbarëvajtjen e tij.

Bashkia Rrëshen,me porosi të kryetarit Gjon Dedaj, dha ndihmesën e tij duke krijuar mundësinë e ambjenteve pa kosto për grupin e nxënësve, ndërkaq me të ardhurat e koncertit do bëhet e mundur ndërhyrja në disa ambjente të shkollës për t’i përmirësuar e bere me fuknsionale ato.

Eglantina Deda,

mësuese shkolla e mesme Rrëshen