Sonja Rutar, shefe e Agjensisë Tehnopolis në Slloveni, zhvilloi një vizitë në Bashkinë e Rrëshenit, për të diskutuar për një sërë marrveshjesh me këtë Axhensi.

 E bardha - jeta, shpirti, e pandotshmja... !

E zeza     - vdekja, zia, e rënda ...!

E kuqja   - gjaku, kombi, bashkimi ...!

Mashkulli dhe femra mirditore  visheshin me të njëjtat ngjyra, të mundshëm për ti zënë vëndin njeri tjetrit, duke i dhënë barazi njërit – tjetrit, apo lëhtësisht për të arritur sot te barazia gjinore. Mendoni ç’far zotësie në veshje, për të përdorur të bardhën kur mungonin detergjentet, lavatriçet dhe teknologjitë  e sotme te pastrimit kimik !

Duket se toka mirditore dhe qielli përsiper saj,  falë autostradës  që ndjek udhët Perandorake- Mbreterore –Republikane,  gjithnjë të lidhura me derdhjet e lumit Fan,  po përforcon thellësisht përceptimin e këtyre ngjyrave, ndaj Mirdita e mikpritjes pret  këtë bashkëpunim dhe kapërcimin e pengesave !!!

.........Këto kanë qënë disa nga fjalët spjeguese të Kryetarit të Bashkisë z. Gjon Dedaj, në përgjigje të interesimit të delegacionit slloven, të kryesuar nga Sonja Rutar, teksa vizitonin ambientet e pavionit etnologjik të sapo hapur në ambientet e qëndrës Kulturore të Mirditës. Ishin këta të fundit që në veshjen tonë historike të shpalosur me mjaft elegancë në këtë pavion, kostatuan praninë e këtyre tre ngjyrave.

Më tej në vijim të fjalës së tij z. Gjon Dedaj tha se “Përballë bashkimit me Europën nuk kanë rëndësi dënimet e shkuara, fyrjet, mosbesime të shumë rasteve, pasi me anë të këtij balsami ngjiten favoret, shpërblimet, komplimentet, kurajo për të kapërcyer gjithshka me anë të udhës së miqësisë, më anë të shkallëve, me anë të perëndimit, me anë të Pushteteve Lokale, Ministrive  se Puneve Sociale  (kështu do duhej te quhej Ministria e Punes Çeshtjeve Sociale etj), të Punëve Publike, te Punëve të Brendshme, te Puneve te Jashtme, etj.

Më tej z. Gjergj Marku, përgjegjës i Qëndrës Kulturore, bëri një përshkrim të shkurtër të ushqimeve tradicionale të servirura në këtë pavion. Të gjitha ushqimet ishin të gatuar enkas për delegacionin duke respektuar plotësisht modelin e shekujve të mirditasve të cilët ditën më së miri të përcillnin tek brezat mënyrën e të veshurit dhe të jetuarit. Të pranishmit vlerësuan shumë ushqimet ushqimet tradicionale në këtë drekë pune, ndërkohë i gjithë aktiviteti shoqërohej nga tingujt e bukur të këngëve të ansamblit të mirnjohur të Mirditës.

Më herët delegacioni i Tehnopolis me qëndër në Celje të Sllovenisë, i kryesuar nga Sonja Rutar u prit nga kryetari i Bashkisë z. Dedaj, në zyrën e punës. Pas përshëndetjeve të rastit z. Gjon Dedaj bëri një përshkrim të situatës në Mirditë dhe të nevojave që ka kjo zonë.

Më tej z. Dedaj tha se jemi në një udhë të bashkëpunimi të suksesshëm, pasi ne po përpiqemi të ndërtojmë mardhënie sa më dinjitoze të të gjithë qytetarët dhe partnerët tanë. Me këtë rast një falenderim i shkon edhe ambasadorit tonë në Slloveni z. Aleksandër Kovaçi. Sigurisht ne jemi në udhën për tu bashkuar me Europën, ne do të duhet të jemi bashkëveprues me bashkitë dhe komunitet tona. Unë mund t’ ju informoj se gjatë kësaj kohe kemi ndërtuar dhe planin tonë strategjik.

Sigurisht unë gjej rastin t’ju falenderoj për pritjen që bëtë në Slloveni për grupin tonë në numër mjat të madh. Besoj se të gjithë pjestarët e këtij grupi kanë ndryshuar diçka në përfytyrimet  e veta.

Kryetarja e delegacionit nga Celje e Sllovenise znj. Sonja Rutar tha se ju falenderoj për pritjen tuaj mjaft të ngrohtë.Kjo vizitë i paraprin një bashkëpunimi të mëtejshëm.

Do të doja të bisedonim më konkretisht për projektet tuaja.

Në përgjigje të kësaj kërkese z. Dedaj tha se po ju paraqes disa prej këtyre elementëve të cilat janë të përshkruara në planin strategjik të zhvillimit të Bashkisë Rrëshen. Në nevojat tona strategjike është për një terren sa më funksional dhe produktiv në pjesët e bashkisë, që kërkojnë mbështetje në aspektin e vaditjes. Një fushë tjetër e bashkëpunimit janë fushatat periodike për mbajtjen pastër të ambientit, pasi ne mendojmë se ja kemi dalë të kemi një qytet të pastër. Z. Dedaj foli dhe për nevoja në shërbimin shëndetësor.

Më tej delegacioni slloven ka vizituar disa objekte që kërkojnë finacime për projekte që janë të gatshme. Grupi vizitoi bregun e lumit të Zme-së, ku është ndërtuar faza e parë e një unaze që qarkon një pjesë të qytetit, por që ka mbetur e pa përfunduar për mungesë finacimi. Delegacioni slloven vizitoi edhe bibliotekën “Gjon Gazulli” të Rrëshenit, ku dhuroi edhe disa libra në gjuhën angleze.

Në fund delegacioni ka bërë një vizitë në ambientet e minierës së bakrit në Kulme të Dervenit, për të parë nga afër mundësitë e ndërhyrjeve në këtë aspekt. Mbetet që së shpejti të fillojë konkretizimi i një sërë marrveshjeve mes Bashkisë së Celjes dhe qëndrës Tehnopolis, me Bashkinë Rrëshen.

Aleksandër Ndoja