“Shqipëria e traditës”,

dokumentar nga gazetarë spanjollë

Duket se ky do të jetë thelbi i dokumentarit që dy gazetarë spanjollë po përgatisin nëpër viset e ndryshme të Shqipërisë nga jugu në veri.

Piëkrisht për këtë gjë, dy gazetarë të njohur madrilienë Alberto Panadero dhe Lola Hierro, janë pritur nga kryetari i bashkisë Rrëshen z.Gjon Dedaj, i cili u ka afruar gjithë lehtësirat e mundshme atyre për të realizuar pjesën e Mirditës, nëpër këtë truall të vecantë,sic e ka quajtur ai, ku janë ngjizur doket dhe zakonet më autentike shqiptare.

Në bashkëbisedimin e ngrohtë e miqësor, gazetarët spanjollë të interesuar për traditën shqiptare në këtë trevë të përmendur të Shqipërisë, kanë marrë përgjigje për kulturën dhe traditën e lashtë, sistemin vetqeverisës, normat e Kanunit që janë zbatuar për shekuj me rradhë dhe dukuritë që hasen ne ditet e sotme. Madje në këtë pikë gazetarët spanjollë kanë qenë shumë të interesuar ndaj dhe kanë adresuar jo pak pyetje,nisur dhe nga ngjarje të fundit ku gjakmarrja e vjetër ngre krye si një keqkuptim të Kanunit,ndërsa Dedaj u ka thënë se tashmë ky kod zakonor i kahershëm,duhet të mbesë në monumentet kulturore dhe historike të shqiptarëve,ndërsa shteti modern ndërtohet dhe funksionon me ligje.

Për minuta të tëra gazetarëve spanjollë u është bërë një përshkrim i detajuar i gjithë historisë,demografisë,pozicionit gjeografik të Mirditës dhe gjithë arealit të saj turistik që ajo disponon,si dhe prirjet e zhvillimit të sotëm në një Mirditë që përditë e më shumë po përshkohet nga arterie të rëndësishme kombëtare dhe transballkanike.

Nga ana e kryebashkiakut Dedaj, miqeve spanjollë u është garantuar bashkëpunimi efikas me tërë aktorët që veprojnë në Mirditë dhe vecmas në Rrëshen si qendër administrative, faktorët kulturorë dhe krijues për të mundësuar një paraqitje dinjitoze dhe sa më reale të Mirditës në dokumentarin që po përgatitet nga gazetarët spanjollë,ndërsa ka përmendur bashkëpunimin e shkëlqyer me APRODEL-in spanjoll nga dy bashkitë; Rrëshen dhe Rubik me projekte konkrete mankomunitare.

Ky dokumentar financohet nga ministria e Jashtëm spanjolle,dhe prite të ketë impakt pozitiv sa i përket promocionit të Shqipërisë në një vend me influencë në komunitetin europian.

Gj. Marku