Zhvillimi urbanistik i qytetit të Rrëshenit

Nga Dode Pepkolaj

   Ka pothuajse një vit qe në kuadrin e një projekti me  APRODEL-in e Spanjës punohet për një projekt të përbashkët midis tri bashkive të Laçit, Rubikut dhe Rrëshenit për projektimin e planeve rregulluese të të të tri bashkive. Këto bashki përveç afërisë territoriale kanë  edhe afri të tjera si ato  etnokulturore, fetare, ndodhen në basenin e lumenjve Fan-Mat, i lidh autostrada Durrës- Rrëshen –Morinë. Seminari i ditëve të fundit i zhvilluar në Laç orjentohej tek problematika  dhe metodat e projektimit të planit rregullues të qyteteve tona me të tematikat e përbashkëta dhe ato të veçanta, ku trajnuesit ishin urbanistët dhe juristët nga më të mirë të bashkisë së Madridit dhe asaj të Getafes. Në ditën e parë u trajtuen problematika juridike si: kontraktimi publik, kontraktimi administrativ, mbajtja e impaktit mjedisor, enti  publik si autoritet kontraktues dhe tagri i tij juridik, tipologjia e ndërtesës, operatori ekonomik i kontraktuar, që akrediton mundësinë ekonomike, fizike, kapacitetet teknike dhe teknologjike, sigurimi i ofertës , garantimi i saj etj.

 Në ditën e dytë u zhvillua tema mbi planifikimin e territorit, zhvillimini dhe pasuritë, ekuilibri social- i brezuar( sipas brezave ), qëmtimi i ideve dhe strukturimi dhe klasifikimi i tyre.

    Ngritja e një sërë komisionesh pune për definimin e variantit më të përshtatshëm, më me perspektivë, ndarja në zona  tregtare, zona rezidenciale (me ndërtime shumkatëshe), zona industriale, zona e ndertesave private (tip vile ), zona gjelbërt etj,  harmonizimi arkitekturor dhe funksional i elementëve përbërës, mundësitë e mbështetjes  buxhetore,  gjetja e donatorëve, disiplinimi  i ndërtimive, rikonstruksioni  i banesave te vjetra, duke ruajtur traditën dhe arkiteturën ekzistuese etj.Shfrytzimi dhe disiplinimi i lumenjëve Fan i vogël, Fan i madh, Zmesë, apo të perrenjve  të Kulmes dhe Jakajve, duke krijuar mjedise ujore përmirsuese të klimatit të  qytetit, përbën një avantazh dhe fat për çdo qytet.  Elaborimi i planit  urbanistik, menagjimi i këtij plani  dhe  zbatimi  i tij mbështetet  mbi buxhetin e bashkisë, subvensionimin si dhe donatorët e investuesit privat.

      Në këto trajnime u vijua edhe  me proçedurimin teknik, duke punuar mbi planet rregulluese ekzistuese si dhe trajtuar edhe mundsimin me shërbime bazë si furnizimin me ujë, me rryme elektrike, sisemin e kanaleve të ujrave të zeza dhe të bardha, kontaminimin e terrenit,  fushat e grumbullimit dhe përpunimi i plotë, i klasifikuar dhe i riciklueshëm i mbetjeve  urbane,impiantet e përpunimit të ujrave  të zeza, ndërtimimi i vendeve çlodhëse, argëtuese, këndeve sportive, këndeve të lojrave për fëmijët, të rrugëve dhe rendit të tyre, raportet harmonike midis pjesëve përbërëse të secilit nga këto hallka të të tërës.

          Grupi i specialistëve spanjoll zhvilloi edhe një rikonjucion në terren në të tri bashkitë, duke u prezentuar nga specialistët vendas me terrenin, idetë dhe variantet e ndryeshme  të mundshme për të implementimin të tij në  terren. Projekti do të fillojë aplikimin në vjeshtë dhe është  premtuar një donacion  i mjaftueshën  per realizimin  e këtyre projekteve në : bashkinë  Laç, Rubik dhe Rreshen.