Një investim i MADA-s me bashkëfinacues Bashkinë Rrëshen, rrikthen pas 15 vitesh ujin vaditës për vreshtat e mirnjohura të Bukmirës.

Një stacion i ri pompimi i ndërtuar në bregun e lumit që ndan mes per mes fshatin Shpërdhazë të Komunës  së Kaçinarit, do ta kishte zili ç’do ujsjellës për ujë të pishëm të qyteteve. Në fakt,  një ujsjellës i tillë në një terren shumë të thyer malor, është ndërtuar për të shuar përfundimisht etjen e vreshtave të mirnjohura të kultivimit të rrushit në  fshatin Bukmirë, fshat i cili është  nën juridiksionin e Bashkisë  së  Rrëshenit. Një zgjidhje e tillë për këtë fshat i cili ka një traditë mjaft të mirë në kultivimin e rrushit të varieteteve të ndryshme dhe mjaft cilësore, ka ardhur pas bashkëpunimit të ngushtë mes Bashkisë Rrëshen dhe Agjensisë për Zhvillimin e zonave Malore (MADA).

Kordinatori i MADA-s për Mirditën z. Gaspër Topollaj tha se është bërë lobim i konsiderueshëm me agjensinë e zhvillimit të zonave malore, të cilët pasi kanë konstatuar seriozitetin tonë nuk kanë hezituar për të firmosur bashkëpunimin me Bashkinë Rrëshen. Kjo falë mbështetjes së kryetarit të Bashkisë z. Gjon Dedaj i cili nuk ka hezituar të shkëpusë nga fondi i bashkisë, një shumë të konsiderueshme për buxhetin, për ta bashkëngjitur fondit të ofruar nga MADA, si një detyrim që bashkëfinancimi të kishte sukses. Z. Topollaj tha se  MADA ka ofruar 70 % të ivestimit, ndërkohë që qeveria shqiptare në rolin e bashkëfinacuesit ka ivestuar në masën 20% të investimit.

Ndërkohë është fakt që fshati Bukmirë ka një meritë të padiskutueshme gjatë viteve të tranzicionit, pasi vreshtat e mirnjohura nuk i shkatërroi, por përkundër i ruajti dhe i shtoi më tej. Tashmë pas përfundimit të këtij ujsjellësi zgjidhet njëherë e mirë problem i vaditjes për të gjithë vreshtat e Bukmirës, ndërkohë prurjet e bollshme garantojnë dhe nxisin shtimin e sipërfaqeve të reja me vreshta, pasi klima e përshtatshme dhe tradita e banorëve të këtij fshati, garantojnë prodhime të një cilësie të lartë, si rrush tavoline, raki dhe verë nga kantina “Arbëri” e mirnjohur në të gjitha tavolinat dhe lokalet shqiptare.

Stacioni i pompimit.

Stacioni dhe i gjithë ivestimi është ndërtuar nga firma “Kthella-shpk” me president z. Pjetër Nikolli. Sipas drejtuesve të MADA-s, firma “Kthella-shpk” me drejtues z. Nikolli ka realizuar brenda afatit të gjithë parametrat e kërkuara në në projekt. Brënda godinës mjaft komode janë vendosur 3 pompa uji me kapacitet 135 kw/orë, me një fuqi ngritje uji deri në lartësinë 260 metra, kuotë e cila është më e lartë se sa ajo që është e domosdoshme që uji të mbërrijë në fshatin Bukmirë. në anën e pasme të stacionit është vendosur transformatori elektrik dhe paneli i kontrollit të sistemit të ndezjes dhe të mbrojtjes  të pompave, të cilat janë të reja, të prodhimit italian sipas  standarteve të fundit të KE-së.  Kapaciteti prurës i një pompe është 35- 40 litra/sek. Janë vendosur rreth 1100 metra tub çeliku, 3 sifone politileni me një gjatësi 1. 5 km dhe pjesa tjetër e gjatësisë nga pompat deri në fshatin Bukmirë është bërë me rreth 550 metra kanal i betonuar. Prametra të tillë kanë garantuar sasi të konsiderueshme uji për në fshatin Bukmirë.

Ceremonia!

Pasi kalon fshatin Bukmirë, rruga shmanget në të djathtë të saj, për tu futur në një shteg mjaft të vështirë të cilin mund ta përshkojnë vetëm makinat fuoristradë. Teksa makina zhvendoset në drejtim të përroit, z. Shkelzen Marku drejtor egzekutiv i MADA-s thotë se është në filozofinë e MADA-s që ivestimet të bëhen në vënde sa më të vështira, dhe më të nevojshme për banorët e zonave malore. Më tej firma ndërtuese “Kthella-shpk” është detyruar që të hapë një rrugë të re, për të mudësuar shkuarjen tek pompat. Aty situata është mjaft e këndshme. Drejtuesit e MADA-s shprehen mjaft të kënaqur me cilësin e punimeve të realizuara nga firma “Kthella-shpk” me drejtues z. Pjetër Nikolli. Të gjitha janë të surprizuar nga cilësia e punimeve dhe nga një ivestim i tilla kaq i madh, i realizuar në Mirditë.

Gjon Dedaj kryetari i bashkisë së Rrëshenit, gjatë vizitës aty falenderoi përfaqësuesit e MADA-s për bashkëpunimin e ngushtë në shumë vepra të cilët kulmojnë me ndërtimin e sistemit vaditës për fshatin Bukmirë. Më tej duke ju drejtuar banorëve ai u tha atyre që të marrin masat e duhura për ta ruajtur pasi një ivestim i tillë  u shërben vetëm atyre, në të kundërt do tu kërkonte instancave përkatëse që ta shpallnim objekt të rëndësisë së veqantë dhe cilido që do të guxonte të bënte dëmtimin më të vogël dotë ndëshkohej. Gjon Dedaj tha se Bashkia është shtërnguar për të paguar një shumë të konsiderushme prej 4. 6 milion lekësh nga fondet e veqanta, me qëllim që bashkëpunimi të bëhej sa më efektiv, dhe se ky ka qënë edhe kusht që MADA të investonte pjesën tjetër të projektit. Ai falenderoi edhe Këshillin e Bashkisë për miratimin e këtij operacioni finaciar, i cili edhe  mund të përdorohej për shërbime komunitare në qytet. Kjo vërteton faktin se Bashkia ka një vëmendje të veqantë edhe ndaj fshatit.

Më tej të gjtha të pranishmit kanë ndjekur live ndezjen e sistetimit, dhe uji i cili u ngjit menjëherë në kuotën më të lartë mbi fshatin Bukmirë. Drejtuesit e MADA-s dhe drejtori egzekutiv kanë komunikuar me banorët të cilët u shprehën se prej 15 vitesh nuk kishte funksionuar sistemi vaditës. Kjo do të përmirësojë dukshëm rendimentin në këtë zonë, ndërkohë që do të shërbejë si një nxitje e madhe për ngritjen e vreshtave të reja në të ardhmen.

Aleksandër Ndoja

24. 06. 2010