Foto realizuar nga Ndue Mrruku

STOP AIDS, edhe në Mirditë.

 Tashmë sëmundja e rëndë dhe vdekje prurëse e AIDS, është një fenomen shqiptar. Kjo u pohua një ditë më patë nga njëri prej titullarëve të lartë të shëndetit publik shqiptar, dhe shembujt e shumtë e provojnë këtë. Por edhe lufta e pa mëshirshme kundër saj, përveçse fenomen shqiptar, gjithjë e më shumë po bëhet edhe fenomen mirditor. Kjo u pa qartë ditën e martë më 2 dhjetor në qytetin e Rrëshenit. Finalizimi i kësaj përpjekje u bë pikërisht në këtë ditë, pasi shkollat dhe institucionet kanë qënë pushim më 1 dhjetor kur në të gjithë botën bëhën demonstrime nga më të fuqishme kundër kësaj murtaje që po dëmton rëndë të gjithë njerëzimin.  Në fakt aksioni për realizimin e një dite të tillë, me promocion të fortë kundër kësaj sëmundje, ka më shumë se 15 ditë që ka nisur. Nusha Nikolli, infermiere pranë Shkollës së Mesme të Rrëshenit, thotë se në bashkëpunim me vullnetaren e Korpusit të Paqes, Sarah Christensen, Drejtorinë e Shkollës, si edhe Drejtorinë e Shërbimit Shëndetësor, është bërë një punë e madhe për ndërgjegjësimin e të gjithë qytetarëve, për rrezikun nga kjo sëmundje, dhe për masat mbrojtëse dhe parandaluese. Nikolli thotë se tashmë rreziku është i kundondodhur, por nëse zbatohen disa rregulla të rëndësishme dhe mjaft të thjeshta, kjo sëmundje merr goditje përfundimtare. Sipas statistikave, në botë ka më shumë se 38 milionë njerëz të prekur nga Sida, ndërkohë që në Shqipëri ky numër është mjaft i ulët. Kjo nuk do të thotë që kambanat e alarmit të mos bien për këdo që do të dëgjojë.

 Disa të dhëna për nivelin shqiptar të kësaj sëmundje.

 Numri i personave të prekur nga virusi vdekjeprurës HIV/AIDS, të identifikuar në Shqipëri prej vitit 1993 kur filloi të shfaqej kjo sëmundje, ka arritur në 130, 30 prej tyre kanë vdekur dhe shumë të tjerë jetojnë me këtë virus. Pesë prej tyre janë fëmijë të moshës nën 15 vjeç. Vetëm për vitin 2003 janë rregjistruar 42 raste me AIDS. Aktualisht Shqipëria shënon tendeca në rritje të rasteve tëprekura me këtë virus, që paraqiten shqetësuese. Në vitin 2000 u diagnostikuan 10 raste të reja; gjatë vitit 2001, 20 raste të tilla; në vitin 2002 u diagnostikuan 26 raste dhe gjatë vitit 2003, 42 raste me këtë sëmundje, ku numri i femrave dhe meshkujve të prekur nga kjo sëmundje është i njëjtë. Në rast se do të luftohet për parandalimin e përhapjes së këtij virusi Shqipëria do të vazhdojë të mbetet një vend me rritje të ulët të infeksionit dhe parashikimet për vitin 2010 të jenë jo më shumë se 1 500 raste të diagnostikua dhe të raportuar. Nga statistikat e deritanishme, vërehet se 82 përqind e të sëmurëve janë të papunë, ndër ta edhe përdorues droge. Fenomeni i emigracionit ka ndikuar gjithashtu në shtimin e numrit të të sëmurëve, pasi një e shtata e popullatës kanë emigruar dhe janë përballur me fenomene të panjohura më parë. Nga të dhënat del se 65,7 përqind e të sëmurëve kanë qenë jashtë shtetit. Lëvizjet e çrregullta demografike kanë krijuar kushte për përhapjen dhe mungesën e kontrollit ndaj bartësit dhe përhapësit e sëmundjes. Ndërkohë që tre vitet e fundit ka pasur raste ku dhurues gjaku kanë rezultuar të infektuar, duke e transmetuar atë te pacientë të tjerë. Specialistët mendojnë se numri i personave të infektuar që ende nuk janë diagnostikuar mund të luhatet nga 400 deri në 700.

 Një ditë kundër AIDS në Rrëshen.

 Ndue Mrruku është edukatori i zyrës së Promocionit PRO-Shëndetit në Mirditë. Ai thotë se dita e sotme është një produkt i një pune të studiuar dhe permanente të kësaj zyre. Pikërisht me një program të detajuar nga kjo zyrë, u bë i mundur që të gjitha shkollat por edhe vetë qyteti të përjetonte një ditë ndryshe. Në bashkëpunim me Drejtorinë e Shëndetit Publik, Drejtorinë Arsimore dhe Drejtoritë e të pesë shkollave të mesme të Mirditës, u promovua një fushatë e fuqishme kundër kësaj sëmundje që po alarmon të gjithë botën. Sipas Ndue Mrrukut, për të përballuar më së miri këtë fushatë sensibizuese, u ngritën tre grupe pune  me mësues të psikologjisë dhe biologjisë. Në të gjitha shkollat janë organizuar biseda sensiblizuese, mësim tregues për përdorimin e mjeteve mbrojtëse nga sida, si edhe biseda të lira për rrezikun që vjen nga kjo sëmundje, mbrojtjen nga të prekurit prej saj etj. Gjatë gjithë kësaj fushatë ra në sy angazhimi i drejtorit Aleksandër Dodaj dhe pjestarëve të grupeve si Flora Doda, Atlant Picaku etj.

 Promocioni

 Ka nisur në Shkollën 9-vjeçare nr 2 në Rrëshen ku është drejtore Vitore Brozi. Nxënësit e kësaj shkolle, që në orët e mëngjesit, të veshur me bluza të bardha mbi të cilat ishin stampuar thirrje kundër AIDS, dhe me fjongon ngjyrë gjaku në gjoks, kanë filluar marrshimin e tyre promocioanal nëpër rrugët e qytetit. Me parulla të shkruara enkas për këtë ditë, si “Stop Aids”, “Dua të Jetoj” “Eja të luftojmë Aids”, “Sida vret” etj, kanë  vizituar të gjitha institucionet, lokalet, tregun e qytetit, ku edhe kanë shpërndarë formularët e përgatitur për këtë rast. Nnxënësit dhe aktivistët e tjerë janë drejtuar gjatë gjithë këtij aksioni nga edukatori i zyrës së promocionit Pro-Shëndetit në Mirditë z. Ndue Mrruku, vullnetarja e Korpusit të Paqes Sarah Christensen,  infermieret Nusha Nikolli dhe Flora Doda. Një ndalesë ka qënë e edhe në zyrën e kryetarit të bashkisë Rrëshen z. Gjon Dedaj i cili i ka falenderuar për aksionin e realizuar nga ky grup, dhe i ka mbështetuar ato në këtë luftë. Karvani i sensibilizuesve janë ndaluar edhe në Spitalin e Rrëshenit, ku të rinjtë kanë bërë apel për një kujdes më të madh për parandalimin e AIDS. Më pas janë grupuar në sheshin “Abat Doçi” ku nxënsit pasi kanë krijuar një fiongo të kuqe, kanë kënduar këngë për jetën. Grupi promocional kundër AIDS ka vijuar rrugën gjatë rrugës “Atë Gjergj Fishta” duke shpërndarë thirrjet e tyre kundër AIDS në çdo lokal, kalimtarëve në rrugë, apo edhe në mjete. Në fund nxënësit e kësaj shkolle kanë dhënë një koncert festiv në oborrin e shkollës. Në këtë koncert vetë nxënësit përmes një pjese të shkurtër teatrale denoncuan ashpër fenomenet negative që stimulojnë sëmundjen e shekullit.

Në fund të pranishmit kanë ndjekur një ekspozitë në pikturë ku nxënësit kanë derdhur fantazinë e tyre për rrezikun që sjell AIDS. Drejtoresha e kësaj shkolle znj. Vitore Brozi thotë se nxënësit janë shumë të interesuar për aktivitete të tilla të larmishme me të cilat edukohet popullsia. Megjithatë, përpos përpjekjeve tona, kërkohet edhe mbështetje për realizimin e aktiviteteve të tilla mjaft të rëndësishme për sensibilizimin e qytetarëve. 

 Luftë kundër AIDS edhe në Shkollën e Mesme.

 Angazhimi për luftën kundër AIDS ka qënë prezent edhe në Shkollën e Mesme të Rrëshenit. Nxënësi i kësaj shkolle Ardit Toma thotë se gjatë gjithë ditës u organizua nje fushate sensibilizuese me rastin e dites boterore kunder virusit HIV, me ndihmen e vullnetares së Korpusit të Paqes Sarah Christensen, dhe  me mbeshtetjen e qendres se shendetit publik te Rreshenit, me drejtues z. Aleksander Doda dhe nepuneset e shendetit publik Nusha Nikolli, Flora Doda, Vitore Shurbi dhe Ela Reci, të cilët bënë një punë  prej tre javesh, për organizimin e kësaj fushate sensibilizuese kundër semundjes së SIDA-es. Një fushatë e tillë pati edhe kontributin e të shumë nxënësve të kësaj shkolle disa prej të cilëve janë, Mirela Doda, Ledjon Kola, Antigona Biba, Donald Nikolli, Klodjan Lleshi, Klaudina Gjergji. Sëbashku me drejtorin e shkolles z. Nik Nikolli, dhe mësuesve të tjerë u bë e mundur  nje takim me nxenesit e shkolles, dhe me shumë qytetarë të Rrëshenit, ku u bisedua për sëmundjen e AIDS/SIDA, për mënyrën e infektimit nga kjo sëmundje, masat mbrojtëse, mënyrën se si duhet te trajtohen ne shoqeri përsonat e infektuar me kete semundje etj.

Përgatitën:

Flavia Kola, Fjoralba Kola, Elona Prendi

Nxënëse në shkollën nr 2 Rrëshen