Startojnë masat për transferimin e drejtimit të Bashkisë, sipas konfigurimit të ri politik të 8 majit.

Dedaj: Një mandat i humbur, nuk është një moral i humbur..

Vota e 8 majit 2011 ne Bashkinë Rrëshen ka qënë qartësisht përcakuese për drejtuesin e ardhshëm të katër viteve të mandatit vijues. Sipas Komisionit Zgjedhor të njësisë nr 38, Kandidati fitues është z. Ndue Geg Kolaj i cili është mbështetur nga formacioni politik Aleanca për të Ardhmen (A.A).

Në këtë kuadër, Kryetari i Bashkisë në detyrë z. Gjon Dedaj ka nisur përvijimin e procedurave për transferimin e pushtetit në mënyrë sa më ligjore dhe dinjitoze, në përputhje me Kushtetutën dhe normat civile e demokratike në një shoqëri të civilizuar.

Dy ditë më parë është organizuar mbledhja e parafundit që do të finalizojë edhe transferimin e pushtetit, mbledhje e cila është drejtuar nga kryetari në detyrë z. Gjon Dedaj.

Në fillim z. Dedaj ka falenderuar të gjithë bashkëpunëtorët e tij për punën dhe mbështetjen që i kanë dhënë gjatë mandatit katër vjecar në krye të Bashkisë Rrëshen, duke veçuar n/kryetarin në detyrë z. Nok Mrruku, dhe të gjithë shefat e departamentave dhe zyrave të ndryshme.

Duke vijuar më tej z. Dedaj tha se nuk kam hyrë në bashki afërsisht që dy javë para zgjedhjeve, dhe deri në këtë moment me qëllim që të mos kisha asnjë ndikim në vullnetin e lirë të administratës dhe vetë qyetarëve. Ai shprehu bindjen se qyteti do të vijojë ritmin e zhvillimit të katër viteve, pasi tashmë janë realizuar dokumentat bazë të zhvillimit, si profili i qytetit, plani strategjik, plani urbanistik etj.

Z. Dedaj porositi të gjithë drejtuesit e departamenteve dhe të zyrave përkatëse që të kenë gati dosjet e punës së tyre, për të bërë sa më të lehtë dhe të qartë transferimin e pushtetit. Në këtë kuadër ka qënë dhe realizimi i disqeve me punët e kryera gjatë katër viteve, si dhe dosjen e lidhur me të gjithë aktivitetin e bashkisë gjatë mandatit të fundit.

z. Dedaj ka falenderuar Departamentin e Politikave të Zhvllimit për punën me përkushtim në paraprirjen e shumë prej investimve në qytet, duke theksuar se prosperiteti i vetë institucionit dhe mundësia për të kryer shumë finacime nuk ka qënë aq sa duhet nga mbledhja e taksave dhe tatimeve, por kryesisht nga përfitimet e taksës së ndërtimit.

Ai evidentoi për punë mjaft të mirë Zyrën e Mardhënive me Jashtë  duke theksuar faktin se si asnjë herë tjeter gjatë këtij mandati në Bashkinë Rrëshen kanë shërbyer tre amerikanë të Korpusit të Paqes. Z. Dedaj theksoi se një mandate i humbur nuk është një morla i humbur, ndaj edhe kërkoi që kjo situatë të kapërcehet brenda normalitetit.

Në fund ka folur edhe n/kryetari i Bashkisë z. Nok Mrruku i cil ka bërë një panoramë të gjatë të punës në këtë bashki. Ai pasi ka falenderuar z. Gjon Dedaj për besimin e dhënë gjatë gjithë mandatit të drejtuar prej tij, dhe duke vlerësuar konfigurimin e ri politik pas votës së 8 majit, i ka dorëzuar Kryetarit në detyrë dorheqjen nga funksioni i n/kryetarit. Në përgjigje z. Dedja i ka kërkuar që të qëndrojë në këtë detyrë deri në moemnetin kur do të realizohet transferimi i plotë i drejtimit të Bashkisë Rrëshen nga të zgjedhurit e rinj të 8 majit.

a.n

23 maj 2011