Gjashtë studentë të Akademisë së Arteve dhurojnë punimet e tyre ne skulpturë, ku janë skalitur figura më në zë të historisë sonë kombëtare me origjinë nga Mirdita.

Rrëshen. Gjashtë studentë të Akademisë së Arteve të Bukura, pasi kanë punuar me përkushtim me muaj të tërë, kanë mundur të ringjallin dhe të nxjerrin nga pluhuri i harresës disa prej figurave më të shquara të Mirditës, ose që kanë lidhje direkte apo indirekte me këtë trevë të mirnjohur dhe me peshë të rëndësishme në historin e kombit tone. Ata  nuk kanë hezituar që këto punime të tyre t’ja dhurojnë Muzeut Historik të Mirditës. Studentët Bernard Lekgegaj, Evis Kabilo, Ariona Memi, Perilkli Hanxhari, Taulant Lici, dhe Bujar Vani, nën kujdesin e drejt për drejtë të profesorit të tyre Fatos Kola, kanë realizuar në material të fortë skulpturat e Abat Prend Doçit, Nënë Terezës, Lek Dugagjinit, Dhimitri i Arbrit, atë Ambroz Marlaskaj, Gjon Gazulli, Preng B. Doda, Zefi i Vogël, Preng M. Prenga dhe Pashko Vasa, skulptura me të cilat kanë mbrojtur edhe diplomat e tyre.

Një nismë e tillë ka gjetur mbështjen e gjithanshme të Bashkisë Rrëshen dhe të muzeut të këtij rrethi. Pjetër Marku drejtor i këtij muzeu thotë se  në Muzeun Historik të Mirditës prej kohësh po punohet pëtr reabilitimin e tij, pasi prej shumë vitesh ka qënë lënë në mëshirë të fatit, por me konfirmimin se figurat më të shquara të punuara nga studentët do të bëheshin pronë e këtij muzeu, bashkia Rrëshen intensifikoi punën dhe përkushtimin për të bërë të mundur rikostruksionin e hollit ku ato janë vendosur në një kohë rekord. Kështu dy ditë përpara ceremonisë çdo gjë ka qënë gati, ndërkohë vetë studentët po i jepnin dorën e fundit punimeve të tyre.

Ceremonia.

Qindra banorë të Rrëshenit, sudentë, petagogë, miq te tyre, drejtues të pushtetit vendor etj, kanë mbushur oborrin para godinës së Muzeut Historik të Mirditës. Ka qënë shefi i kulturës në Bashkinë Rrëshen z. Dod Pepkolaj i cili ka prezantuar studentët dhe petagogët tyre Fatos Kola, Shaqir Veseli, Haxhi Bakalli etj.

z. Nok Mrruku n/kryetari i Bashkisë Rrëshen ka lexuar përshëndetjen e z. Gjon Dedaj kryetari i bashkisë në të cilën mes të tjerash thuhej se “…në këtë  klimë te ngrohtë bashëkpunimi të frytshëm, me lejoni te  falenderoj  Fakultetin e Arteve Pamore dhe Akademine e Arteve,  veçmas petagogun Fatos Kola shoqerues artistik, dhe studentët autorë të këtyre veprave artistike, por  dhe Departamentin  e Kulturës, departament i cili kordinoi dhe solli këtë veprimtari buruar prej idesë për hapjen e  kësaj ekspozite. Tashmë ky  event  na fton  dhe  kërkon të informojë, dokumentojë e përhapë këtë përzgjedhje me vlerë të artistëve të rinj në artet pamore, që  për nga origjina e lindjes se tyre, bashkojnë Durrësin – Beratin – Burrelin dhe Mirditen.

Në emër të grupit të studentëve ka folur skolptori Benard Lekgegaj, i cili tha se “…udhetimi ynë neper gjurmet e historise nisi tre vjet me pare, ne nje projekt te realizuar në Muzeun Historik Kombëtar në Tiranë, ndaj e patëm më të lehtë të rrugëtonim në këtë projekt për Mirditën tonë, dhe figurat e ndritura te saj. Dhe jo rastësisht këtu takohen luftëtarë e dijetarë, princër dhe eter shpirtërore të grigjës, sikurse janë Nënë Tereza, Abat Prend Doci, At Ambroz Marlaskaj, Dhimitri, Princi i Arbërit, Pashko Vasa, Prenge Bibë Doda, Gjon Gazulli, Zef Kol Ndoka, Preng Marka Prenga e Leke Dukagjini, për të na kujtuar historine tonë pellazgo-iliro-arbërore me riardhje nepermjet veprave te artit.

Ndërsa piktori i shquar shqiptar z. Naxhi Bakalli, ka evidentuar kontributin figurave të shquara të Mirditës, si dhe angazhimin serioz të studentëve për të na dhënë punime shumë cilësore dhe konkuruese.

Më tej të pranishmit kanë vizituar sallonin ku janë ekspozuar punimet artistike, ku janë vlerësuar cilësia e lartë e tyre.  Këtu petagogu Fatos Kola, shoqërues estetik i diplomave ka treguar me detaje për punën dhe përkushtimin e studentëve. Ai tha se me këto skulptura sollëm jetët e ndritura të këtij qytetërimi. Të të risjellësh figurat e nëpërkëmbura është detyrë qytetare. Më tej z. Kola ka folur gjatë për punën disa mujore të studentëve dhe kembënguljen e tyre, duke punuar me orë të gjata deri sa erdhëm në realizimin e veprave të tyre.

Në fund drejtori i Muzeut Historik të Mirditës z. Pjetër Marku tha falenderoj përzemërsisht  studentët, petagogët dhe drejtuesit e Akademisë së Arteve për bashkëpunimin një vjecar me Muzeun. Si specialist në fushën e pictures, z. Pjetër Marku foli gjatë për vlerat artistike që këta autorë sjellin në Muzeun e Mirditës, për zgjidhjet interesante kompozicionale, për karakteret e veqanta, për plastikën dhe psikologjinë e sejcilit prej figurave. Për studentët Bashkia Rrëshen akordoi çertifikata mirnjohje me motivacion “për krijimin dhe realizimin në skulpturë të figurave më të spikatura të historisë së Mirditës”

Aleksandër Ndoja