Suvatimi i pallateve në hyrje të qytetit, kursen energjinë për banorët, por edhe ofron pamje në bashkohore në qytet.

Në se kohë më parë hyrja e qytetit Rrëshen ofronte pamje aspak të këndshme, situata tashmë ka pësuar një ndryshim gjithnjë e më shumë cilësor. Ende është në kujtesë rruga hyrëse gjithë gropa dhe kanale, por edhe anët e rrugëve me ferra dhe një tabele mirseardhje në këtë qytet, e ndryshkuar dhe aspak miqësore. Ndërkohë që pa pritur më shumë Drejtorinë e Përgjithshme të Rrugëve që e ka në juridiksionin e saj këtë segment, Bashkia Rrëshen me fondet e buxhetit të saj arriti të shtrojë totalisht rrugën hyrëse në qytet, por edhe vetë bisnezi privat ka ndërhyrë me një ndërtim shumë katësh, ndërtim i cili jo vetëm ka ndryshuar panoramën vizive në portën hyrëse të qytetit, por dhe vetë infrastruktura për rreth ndërtesës po njeh një dimension të ri zhvillimor, duke e shtrirë qytetin në ekstreme aty ku dikur gjëndeshin grumbuj zhavorri nën pushtetin e shkurreve dhe ujrave të përrojit që kalon përbri.

Në këtë logjikë sërish Bashkia Rrëshen ka ndërhyrë me një fond të limituar por vijues, për suvatimin e disa prej pallateve pasues në hyrjen e qytetit. Të parët që i janë nënshtruar kësaj ndërhyrje është pallati pesë katësh pranë siptalit, dhe pallati tjetër vijues përballë Muzeut Historik të Mirditës. Po ashtu një ndërhyrje e tillë është bërë për plotësimin e suvatimit të një pallati tjetër hyrës të qytetit, në krahun e djathtë të xhadesë, pas shkollës së mesme të qytetit. Ndërhyrja është plotësuese sepse vetë banorët e këtij pallati kohë më parë, me kontributin e tyre financiar kanë suvatuar një pjesë të konsiderueshme të fazadës në të gjitha anët.

E gjithë ndërhyrja është realizuar me një fond prej 156 9391 lekë të reja nga buxheti i bashkisë, dhe e tenderuar pranë APP-së. Pas disa procedurave të detyrueshme ligjore, tenderi është fituar nga firma J.T.J-2T me drejtues ligjor z. Juljan Ymeri me qendër në Tiranë. Për afro dy muaj një brigadë ndërtim i ka marrë në dorë cdo centimetër të mureve të saj të jashtme, nga kati i parë në të pestin, pasi janë realizuar shtresat përkatëse si ajo e varfër dhe finoja, është ndërhyrë në lyerjen dhe dizenjimin e tyre. Ngjyrat kanë shkuar në sinkron arkitektural me ndertimet ekstreme te ketij segmenti banues. Banore të shumtë të këtyre pallateve jane shprehur shumë të kënaqur me kete fakt, jo vetëm se qyteti ka nisur të marrë një performancë më pozitive, por edhe për faktin se suvatimet kanë ndikuar në mbushjen mes hapësirave të tullave të kuqe, por njëkohësisht ka ndikuar në kursimin e energjisë për ngrohjen e brendshme të ambienteve të banesave të tyre.

Qeshor 2011