Kryetari i Bashkisë z. Gjon Dedaj, takohet me nxënësit e klasës së 4C të shkollës “Pashko Vasa”.

Dedaj: Ju jeni shëmbëlltyra e zhvillimit tonë!.

 Ka qënë një orë e zakonshme mësimi në fushën edukative, kur nxënësit e klasës së 4.C të shkollës “Pashko Vasa” në Rrëshen, kanë vënë në “skanerin” e  tyre situatën në qytet. Secili nxënës, me fantazinë e tyre ka hedhur në letër nga një “vërejtje” për situatën në qytet. Këto letra pasi janë bashkëlidhur me njëra-tjetrën, kanë përfunduar në tavolinën e Kryetari të Bashkisë z. Gjon Dedaj. Ndonëse letrat kanë qënë të thjeshta, ato nuk kanë përfunduar në ndonjë sirtar apo në ndonjë kosh, por janë lexuar me mjaft vëmendje nga Kryetari i Bashkisë i cili nuk ka vonuar që të vihet në lëvizje për të shtuar kontaktin me këta fëmijë, mjaft të vëmndshëm ndaj situatës në qytet, edhe pse mosha e tyre nuk shkon më shumë se 10-11 vjeç. Pikërisht sot, Kryetari i Bashkisë z. Dedaj ka shkuar në klasën e tyre për ti takuar nga afër ato, dhe për të bashkëbiseduar në lidhje me të gjitha letrat që i janë dërguar nga nxënësit e kësaj klase. Po cilat janë disa nga nxënësit dhe kërkesat e tyre?:

Alkita Prenga – Kërkon që një ditë jave të pastrojmë qytetin.

Lediana Dona, Kejdiola Baloj, Kjara Marku, kërkojnë stola për pushim në shkollë.

Dorentina – Stola dhe kosha mbeturinash

Rigers Filej, Greta Reçi, Klevin Filopati- kosha dhe pastrim në oborrin e shkollës.

Lusti sygjeron që meturinat në oborrin e shkollës ti heqin sëbashku.

Diomentin Nikolli – Konstaton se nuk kemi në rregull semaforin në qytet.

Julian Lleshi- Kërkon që të mos shitet në trotuare te Posta.

Deonor Deda – gjelebërimi, njerëzit ti mbrojnë pemët sikurse prindi fëmijët.

Një letër pa emër kërkon që lulishtja para bukëpjekësit të jetë më e mirmbajtur.

Alda Deda- Kërkon lulishte pranë pallatit të ri.

Letra me pikturë – lulishte në parkun e shkollës.

Kejsi – Kërkon stola për pushim pallati i tretë parafabrikat.

Enri Deda- Kërkon tabelat e qarkullimit që nuk zbatohen

 Z. Dedaj është pritur me duartrokitje nga fëmijët, ndërsa të pranishëm në këtë takim ka qënë mësuesja kujdestare e tyre, Vitore Pulaj dhe nëndrejtoresha e kësaj shkolle znj. Tefta Lleshi.

Në fillim mësuesja kujdestare znj. Vitore Pulaj, pasi ka bërë prezantimin e Kryetarit të Bashkisë z. Gjon Dedaj, u ka bërë të ditur nxënësve të kësaj klase qëllimin e kësaj vizite, dhe u ka kërkuar atyre që të jenë sa më bashkëbisedues për të gjitha problemet që shqetësojnë fëmijët. Më pas e ka marrë fjalën Kryetari i Bashkisë z. Gjon Dedaj, i cili në fjalën e tij para nxënësve të klasës së 4C ka thënë:

 Ju falenderoj pa masë për letrën që ju më keni derguar si Kryetar i Bashkisë. Është vërtetë shumë e rëndësishme për mua, ndaj unë jam këtu. Unë jam i lumtur se mendimet tuaja kanë qën mjaft qytetare. Kështë që edhe një herë unë ju falenderoj.

Unë personalisht mendoj se nevoitet gjithmonë një vëmendje e veçantë për fëmijët. Ju në letrën tuaj keni treguar se sa dinjitet keni, dhe që ne të rriturit duhet tu a respektojmë ketë dinjitet. Me siguri në letrat tuaja është kontributi i mësueseve tuaja. Natyrisht, posaçërisht i mësuese Vitores në këtë rast. Pra në fakt të drejtat tuaja do të mbrohen nga sistemet juridike që ju do ti mësoni kur të rriteni. Por mbrojtja më e madhe është kur këtë nevojë ne e ngrejmë në këtë nivel publik e qytetar. Pra, në vend që ne prindërit tuaj t’ju mësojmë juve, ju na mësoni ne. Niveli qytetar është që tek familjet tona. Është përgjegjësi e bashkisë dhe e imja personale, pse ju nuk gjeni stola, pse ju nuk gjeni kosha, pse semafori nuk funksionon, pse shitet në trotuare, pse lulishtja është e prishur, pse tabelat nuk janë etj. Por mendoni se sa e lehtë do të ishte për ta mbajtur të pastër qytetin, shumë herë më e lehtë se sa për ta pastruar. Unë ju premtoj ju, se nëse ju dalëngadalë do të kontribuoni sëbashku që qytetin ta mbajmë më pastër, ne do të fillojmë ti vendosim stolat dhe koshat. Ne do të përpiqemi që ti monitorojmë dalë ngadalë do të vendosim edhe kamera, të cilat do të jenë më shumë se sa rojet, dhe më të sakta se sa rojet. Por kjo nuk është përfundimtare sepse asnjë drejtues politik, nuk mund të largohet prej botës tuaj. Ju jeni shëmbëlltyra e zhvillimit tonë. Ato libra që keni përpara, ato fletore që shkruani ju sot, ato dije që merrni sot, këto gjërat e bukura që unë shikoj në klasë, kështu do të jetë Rrësheni. Sa i bukur do të jetë në mendjen tuaj ashtu do të bëhet edhe qyteti ynë. Ne do të shkojmë dalë nga dalë që tu hapim rrugën ju. Pra si prindër ne presim prej jush jo vetëm këtë qëndrim qytetar, por pasurinë më të çmuar. Mendoni sa ndikim do të ketë nëse ju të gjithë sëbashku, do të shkonit në një media lokale dhe tu bëni ftesë publike qytetarëve që ta mbajmë sa më pastër qytetin. Unë mendoj se ju do të shkoni e të bisedoni në ç’do klasë. Unë do të marr shkas nga kjo që ju më keni ngacmuar, që më keni vënë në lëvizje, që të shtrojmë të gjitha problemet me të gjithë nxënësit për tëgjetur rrugët se si mund ti zgjidhim ato. Se kërkesa mund të bëjmë shumë. Vetëm elemetët e përbashkët qytetarë mund të kapërcejnë disa mungesa që kemi në kushtet e zhvillimit. Unë e di që kemi mungesa, rreziqe, mungesa shërbimi, etj. Kemi mungesë për të marrë mësimin e duhur, ka mundësi që edhe këtu të ndodhë që prindi ta marrë fëmijën për të punuar, në vënd të që të mësojë. Diku fëmija mund ta pësojë nga trafikimi, dikush mund të ketë probleme të tilla që shohim në media etj. Po për të gjitha këto ne duhet të jemi sëbashku. Mua më vjen mirë që ju kërkoni që ambienti të jetë sa më qytetar. Sot me ligje tona nuk kemi akoma klasifikim për krimet në ambient, pra është krim ti thyesh krahun dikujt, por nuk është ende krim të thyesh një pemë. Dalëngadalë edhe legjislacioni jonë, edhe strukturat e bashkisë, dhe policia bashkiake, dhe autoritetet e kontrollit, do të përpiqen ta ruajnë më shumë ambientin. Unë shoh që ju keni treguar që e doni qytetin, vehten tuaj dhe familjen. Kështu që unë do të përpiqem të korigjoj këto që më keni kërkuar. Diku një kosh do e bëjmë sëbashku, po ashtu një stol. Po ashtu do të shkojmë tu themi atyre që të mos shesin në trotuar. Do të marrim masa për përmirësimin e lulishteve, edhe aty ku është dobët edhe pse ne jemi një qytet i gjelbëruar dhe më pak beton. Edhe për semaforin do të marrim masa, ndonëse ka një problem teknik. Edhe tabelat do ti rregullojmë dhe më shumë për meritën tuaj. Ndoshta ja vlen që vitin shkollor ta fillojmë me një qytet shumë të pastër, dhe po ashtu ta përfundojmë. Ne akoma nuk jemi bashkë, por ju më keni dhënë mundësinë që  të jemi sëbashku. Gazetari do të gejë mundësinë që të gjithë këto emra, fotot dhe i gjithë ky takim të jetë në faqen e internetit të bashkisë. Kur ju tu kërkoni përindërve të hapin faqen e bashkisë, aty ju do të gjeni veten tuaj. Faqja e Bashkisë është e qytetarëve por do tu shohin edhe njerëzit që keni jashtë vëndit në emigracion. Ne do ta shohim veten në cdo cep të botës, dhe për këtë ju duhet të mësoni sa më shumë. Ju e dini se jetojnë më mirë ata që kanë mësuar dhe janë shkolluar se sa ata që nuk janë shkolluar. Kjo ishte e gjitha që më keni ngacmuar përmes këtyre letrave që kemi këtu. Edhe një herë ju falenderoj, pasi është rasti më i lumtuar që unë kam pasur gjatë një viti e gjysëm si Kryetar Bashkie. Kam pasur edhe një klasë tjetër që më ka ardhur në zyrë dhe në momentin e fundit kam mundur tu plotësoj dëshirën, që të kenë rrugën pas shkollës sw tyre.  Jam tërësisht shumë herë më i përgjegjshëm kur më kërkoni ju, se sa kur më kërkojnë këto që janë në moshën time. Kjo sepse ne kemi bërë më shumë gabime, ndaj Shqipëria e Mirdita nuk janë mirë. Ju bëni më pak gabime që të jeni qytetarë të denjë. Në këtë vënd do të vijnë nga e gjithë bota, pasi ajo rruga që shikojmë nga këtu do të sjellë njerëz nga e gjithë bota. Ju duhet të mësoni gjuhët e botës, anglisht, italisht etj. Prandaj krahas lëndëve mësoni sa më shumë gjuhë të huaja, sa më shumë teknologjinë e informacionit dhe ju keni për të qënë shumë herë më të ditur dhe më të pasur se sa ne, prindërit tuaj. Unë jam i hapur për gjithshka që mund të më pyesni.

 Më pas e ka marrë fjalën n/drejtoresha e kësaj shkolle znj. Tefta Lleshi e cila tha se unë e falenderoj shumë Kryetarin e Bashkisë. Këto kanë pasur edhe një vit më parë një grup shoqëror. Unë dëshiroj që ato detyra që kemi pas nxjerrë ti vijoni edhe këtë vit. Do të vihet edhe stola edhe lulishte, por e duhet që ti mirmbajmë ato. Mundësisht tu themi më të vegjëlve se si duhet të veprojnë, por me kulturë dhe edukatë duhet të kritikojmë edhe ato që janë pak më të rritur, në rastet kur shikoni se bëjnë gabime në lidhje me mjedisin. Në minutat në vijim, Kryetari i Bashkisë z. Gjon Dedaj ka bashkëbiseduar gjatë me nxënësit e kësaj klase, ku edhe është dalë me nisma përkatëse. 3.10.2008

A. Ndoja