Java Europiane e Demokracisë Vendore

Takim me qeverinë e nxënësve

  Në Javën e veprimtarive që bashkia Rrëshen ka shpallur publikisht për qytetarët, kanë vijuar një sërë prej tyre, përcaktuar në kalendarin e kësaj jave.

Takimi me qeverinë e nxënësve të shkollës së mesme Rrëshen solli një atmosferë interesante në mjediset e kësaj bashkie, ku ata u njohën me mënyrën sesi funksionon pushteti vendor,kryesisht bashkia Rrëshen me gjithë departamentet dhe zyrat e saj në shërbimin ndaj qytetarëve. Në këtë takim ishte i pranishëm dhe nënkryetari i bashkisë z. Ndok Mrruku

“Qeveritarëve” të shkollës së mesme  u ka folur shefi i departamentit të kulturës Dod Pepkolaj, duke bërë një panoramë të detajuar të gjithë veprimtarisë së bashkisë,mënyrës sesi ajo funksionon, legjislacionit, akteve normative, ligjit për qeverisjen vendore, rregulloren e bashkisë, organigramën e kësaj bashkie.

Ai është ndalur gjatë në aspektet e secilës zyrë dhe departament,mënyrën sesi i shërbehet qytetarëve, si dhe disa arritje të kësaj bashkie, qoftë në projektet e zbatuara dhe ato në proces,si dhe përmirësimin e komunikimit me qytetarët,etj.

Gjithashtu një pikë e rëndësishme e njohjes për të rinjtë qeveritarë ka qenë dhe ekspozimi i punës së bërë për disa dokumente strategjikë që kanë të bëjnë me zhvillimin e qëndrueshem të bashkisë që nis me hartimin komunitar të Planit Strategjik të bashkisë, Profilit dhe Planit Rregullues që është në proces.

Vetë nxënësit kanë qenë të interesuar për mënyrën funksionale të një njësie vendore dhe legjislacionit që funksionon në këtë rast,ndërsa u është dhuruar dhe profili i bashkisë Rrëshen,si pasaporta njohëse e kësaj bashkie.

Stenda përfaqësuese e Bashkisë në Hotel Tirana

  Ndërkohë që dita e sotme ka shërbyer si “Bashkia me dyer të hapura”, ku qytetarët kanë patur mundësi kontakti me të gjithë zyrat e bashkisë, si dhe njohjen me punën që bëhet në sejcilën prej tyre, kontakte me drejtues departamentesh e zyrave si dhe kryetarin e bashkisë, nga ana tjetrër është punuar për një përfaqësim dinjitoz të bashkisë me stenden e saj në Hotel Tirana ku do të ekpozohet puna e disa bashkive të vendit,e ku nesër pritet të jetë i pranishëm dhe kryeministri i Vendit, z. Sali Berisha.

Stenda sjell në ekstrat jo vetëm anën promocionale të bashkisë, por dhe atë funksionale dhe ka një stilizim të hijshëm,duke qenë një nga stendat më impozante ndër ato të bashkive dhe njësive të tjera vendore të vendit. Nesër pritet ardhja e Kryeministrit dhe ministrave si dhe përfaqësues nga ambasadat e ndryshme te vendit.

Gj.Marku