Bashkia me prane simotrave te saj dhe Shoqates se Bashkive

-Nga takimet javore të kryebashkiakut Gjon Dedaj me personelin drejtues të departameneteve dhe zyrave të bashkisë-.

 Në takimet javore që kryetari i bashkisë Gjon Dedaj zhvilloi me shefat e departamenteve të bashkisë dhe përgjegjësit e zyrave,  lidhur me Prioritet, ruajtjen dhe rritjen e standarteve të punës në bashki ka theksuar se prioritet i prioriteteve të punës prej dy vitesh ka qënë rritja e kapaciteteve humane te administrimit ne ke te bashki, si përsa i përket aksesit profesional të përftuar gjatë kësaj periudhe, njohjes së ligjeve, rregulloreve, etikës, mënyrës komunikative duke iu përshtatur zhvillimit teknologjik që po e zbaton në programe e projekte kjo bashki, njohjes dhe zbatimit të detyrave e përgjegjësive që sjell statusi i nëpunësit civil dhe përgjegjshmërisë maksimale për të shërbyer në komunitet me duar të pastra e të lira, një prej kredove kryesore që me mandatimin e tij nga qytetarët.

 Takimet javore të dy javëve të fundit kanë shënuar risi në këtë drejtim, pasi ato nuk janë zhvilluar në vëndin që janë bërë tradicionalisht e njohur si salla e Këshillit, por në dy objekte të rikonstruktuara siç janë Muzeu i Mirditës dhe njëra prej sallave të Qëndrës Kulturore Rrëshen.  Në këto takime i është mëshuar faktit të realizimit të fazës përmbyllëse të punës së bashkisë për këtë vit dhe derivimin e objektivave për vitin e ardhshëm duke u mbështetur fort në përvojën e mirë, eksperiencat dhe realizimet, por dhe duke nxjerrë mësimet e duhura nga mangësitë e vërejtura në sektorë të vecantë. Në këtë aspekt, rëndësi i është kushtuar paraqitjes së projekteve të detajura si draft-buxhete për secilin sektor, dhe departament për të definuar në një projekt sa më real e të realizueshëm nga ana e bashkisë në tërësi. Madje për p/buxhetin, sidomos në investime është tërhequr mendimi qytetar përmes departamenteve të ndryshme duke vendosur dhe një listë prioritetesh, të cilat do të ndiqen në mënyrë të veçantë nga drejtuesit e sektorëve të ndryshëm. Është një praktikë e re që e sheh punën e zyrtarit të bashkisë në mënyrë integrale.

 Për renditjen e këtyre projekteve, për të cilat kryebashkiaku porositi për një tenderim të plotë të gjithë projekteve dhe jo me faza, pati propozime dhe mendime të ndryshme. Kryesisht rëndësi i është kushtuar vijimit të projekteve si faza përmbyllëse ose në proçes, por dhe projekte të reja. N/kryetari i bashkisë Dod Pepkolaj shfaqi mendimin që disa investime të drejtohen për ujitjen, ndërkohë që Frend Përgjoni, e quajti të pararsyeshëm të investohet në një sektor që nuk paguajnë taksa vendore. Duke iu referuar rastit të ankesave të banorëve të Kodër Rrëshenit, Gjon Ndoka theksoi se projekti i ujitjes atje mund të shterrohet nga një projekt tërësor, dhe jo me pak lekë që ka mundësi bashkia. Vetë kryetari i bashkisë ka theksuar nevojën e rritjes së pjesëmarrjes së përbashkët në shumë projekte mikro me vetë komunitetin si fonde partneriteti krahas atyre që po aplikohen me financime donatorësh e të tjerë. Në këtë mbledhje u përcaktua edhe nga një zyrtar për sejcilin investim që do të ndjekin hapa pas hapi ecurinë e punës. Emrat e tyre do të bëhen publikë sapo projekti i buxhetit të marrë miratimin e Këshillit të Bashkisë.

 Në vijim të takimit të sotëm, Kryebashkiaku Dedaj ka qenë gjithashtu  i prerë me zyrtarët e kësaj bashkie për të cilët ka kërkuar përkushtim në zbatimin e detyrave, dhe sidomos  është kërkuar depozitimi i analizave vjetore për të arritur në një përmbledhje analize të punës së krejt bashkisë përmes raportit vjetor, i cili evidenton punën e bëtrë në mënyrë reale, por dhe analizon gjithë faktorët dhe personat përgjegjës të cilët nuk u janë përgjigjur ritmeve të kërkuara prej kohësh.

 Duke theksuar nevojën e komunkimit, kryebashkiaku Dedaj, ka dhënë porosi të prerë që gjithcka u nevojitet qytetarëvë si punë e kryer, projekte të realizuara dhe ato në proces, funksionet, rregulloret, ligjet, vendimet, urdhërat, llojet e shërbimit e me rardhë duhet të afishohen nga departamentet përkatëse në faqen zyrtare të bashkisë sipas sektorëve përkatës. Duhet të mësojmë të komunkiojmë me qytetarët përmes kësaj dritareje informacioni, si për komunitetin këtu apo dhe shumë më larg.

 Ndër porositë e tjera vend zuri dhe përgatitja për testin në të cilën do të kalojnë të gjithë nëpunësit dhe zyrtarët e kësaj bashkie, njoftim i shpallur dhe në faqen zyrtare të bashkisë, testim i cili do të përcaktojë pozicionin e secilit zyrtar në mardhënien e punës me bashkinë.

 Me qellim ruajtje e perfitimeve nga takimet jashtebashkiake dhe perpjekjes per nje bashki me afer simotrave te saj ne vend dhe jashte saj, si dhe në falenderim të Shoqates se Bashkive te Shqiperise, Kryebashkiaku Dedaj, ka referuar dhe per takimin  në Tiranë me fondacionin Hans Siedel Stiftung Albanien, teza kryesore të cilit u janë bërë të ditur dhe nëpunësve dhe zyrtarëve të bashkisë në takimin javor që u mbaj në sallën e re të pallait të kulturës “Mirdita“ më datë 9 dhjetor 2008.

Pjesë komenti i z. Dedaj ne takimin  me fondacionin Hans Siedel Stiftung Albanien ku trajtuan problemet e strehimit, më 26 nëntor 2008. (kliko)

Ne kete fryme z.. Dedaj ka shprehur konsideraten  dhe ka afruar komentin e tij per  Takimin e Shoqates se Bashkive organizuar   në Hotel Tirana International më 04. Dhjetor 2008,  per te cilen ai ka tentuar te inspirojë adminsitarten bashkiake, te kontribuojne per njohjen e kompetencave dhe shefat e departamenteve te precizojnë këto kompetenca, me tendece qe çdo kopetence te kete nje manual te ngjashem me ate te prezantuar ne kete takim. Per me teper  komentin e tij mbajtuar ne kete takim .......(kliko)