Takim për rrugën lidhëse të autostradës me Rrëshenin dhe më tej.

-Takim i kryetarit të bashkisë Gjon Dedaj me drejtorin e FSHZH-së- z. Benet Beci.

Në një takim me Drejtorin e Fondit Shqiptar të Zhvillimit z.Benet Beci (dt 10 shkurt 2010), kryetari i bashkisë Gjon Dedaj ka pasqyruar nevojat prioritare të zhvillimit të territorit të bashkisë, kryesisht të insfrastrukturës rrugore. Behët më imperativ ky zhvillim për faktin e mungesës së lidhjes me infrastrukturë bashkëkohore të autostradës së re që kalon disi “tangent” me qytetin sidomos, por që falë disa ndërhyrjeve kapitale mund të sjellë një rigjallërim të gjithë zonës, dhe sidomos të disa zonave të qytetit që nga hyrja e Urës së Fanit të Vogël, dhe përgjatë lumit Zme, për të kaluar më pas në aksin rrugor që kalon në drejtim të Prosekut, Përlatit e më tej.

Zoti Beci, pas paraqitjes qe i bëri kryebashkiaku Dedaj, u ndal më konkretisht në projektin që mund të marrë udhë së shpejti sa i përket studimit dhe më pas nisjen e procedurave. Nga ana e departamentit te zhvillimit në bashkinë e Rrëshenit është bërë i mundur hartimi i një pjese të projektit, ndërsa vetë Fondi i Zhvillimit mund ta integrojë këtë projekt në një të tërë, si pjesë e rëndësishme e aksit rrugor Rrëshen-Klos apo degëzimi tjetër në drejtim të Lurës. Gjatë bisedës së bërë u ra dakort në parim me mënyrën sesi do të operohet në hapat e parë të një prej projekteve më të rëndësishme dhe me impakt të fortë që do të ketë bashkia Rrëshen dhe jo vetëm ajo, por dhe zonat rurale. Fillimisht duhet të bashkërendohet me drejtorinë e Përgjithëshme të Rrugëve për ta kaluar rrugën që ende nuk dihet sesi janë të inventarizuara,në rrugë rajonale, pasi në këtë fushë drejtohen investimet e Fondit të Zhvillimit,dhe sidomos në periudhën e tanishme. Nga ana tjetër ky projekt në terma makro do t’i bëhet i njohur për impaktin e fortë social, por dhe efikasitetin e një lidhje të fortë mes disa rajoneve, përmes një letre sqaruese edhe Kryeministrit të Vendit, zotit Berisha, i cili e ka shprehur interesimin për zhvillimin e këtij aksi Rrëshen-Klos, por dhe atë të Lurës, dhe me sa duket kjo përputhet mirë me gjithë strategjinë e këtij Fondi, si dhe planin zhvillmor të bashkisë Rrëshen.

Nga ana tjetër drejtori Beci i është përgjigjur pozitivisht dhe interesimit të kryebashkiakut Dedaj për rrugën e Bukmirës, asfaltimin e saj, projekt tashmë i futur në listëprioritete të Fondit dhe që pritet tenderimi i shpejtë. Po ashtu është biseduar dhe për disa akse të tjera rrugore të bashkisë, dhe kjo ka ndikuar në futjen në “hartën e projekteve” të këtij Fondi edhe te akseve rajonale te Mirdites, por me rëndësi mbetet ecja sa më shpejt në realizimin e këtij projekti madhor që do t’i jepte frymëmarrje Rrëshenit dhe gjithë zonës. Për këtë janë diskutuar dhe disa detaje për fizibilitetin e kësaj rruge apo gjurmën e saj nga mund të jetë më fizibile, tepër e domosdoshme për një komunitet që nuk e ka  braktisur këtë zonë, dhe aq më tepër duke patur parasysh lidhjet e natyrshme të një rruge të kahershme, që ka kaluar këtyre anëve.

Kush është FSHZH?

Fondi Shqiptar i Zhvillimit (FSHZH) është krijuar si agjensi autonome implementuese e "Projektit te Lehtësimit te Varfërisë në Zonat Rurale" ne fillim te vitit 1993, mbi bazën e marrëveshjes midis Qeverise Shqiptare dhe Bankës Botërore. Me date 11 maj 2009, Kuvendi i Shqiperise ne seancen plenare miratoi Ligjin Nr. 10130 dt.11.5.2009 "Për Fondin Shqiptar të Zhvillimit" qe i percakton ketij institucioni nje status te vecante ligjor. Fusha e veprimtarisë së FSHZH-së është nxitja e një zhvillimi ekonomik dhe social të qëndrueshëm, të balancuar dhe koheziv, në nivel rajonal e lokal, në mbështetje të politikave shtetërore të zhvillimit. Objekti i veprimtarisë së FSHZH-së është hartimi, menaxhimi, financimi, zbatimi, mbikqyrja e projekteve të lidhura me fushën e veprimtarisë.

Kompetencat kryesore të FSHZH-së përfshijnë:

• Menaxhimin e projekteve të financuara nga Qeveria Shqiptare dhe/ose donatorë të ndryshëm që kanë si qëllim zhvillimin rajonal dhe lokal.
• Dhënien e mbështetjes financiare të të gjitha formave si grant, hua, garanci, etj. për njësitë e pushtetit vendor për përmirësimin e infrastrukturës social-ekonomike dhe shërbimeve publike vendore.

Dhënien e mbështetjes teknike në zbatimin, ndjekjen dhe mbikqyrjen e investimeve në përmirësimin e infrastrukturës social-ekonomike dhe shërbimeve publike vendore.

Buxheti për këtë vit

Në diskutimin që i është bërë buxhetit vjetor për investimet nga FSHZH, në shifra përcaktohen se buxheti i aprovuar kete vit eshte ne masen 3,929 milione leke. Investimet kryesore per kete vit do te realizohen ne kuader te projekteve "Permiresimi i rrugeve dytesore e lokale", "Punet ne komunitet III" , projekti i "Ujesjellesve Rurale", si edhe investime te Qeverise Shqiptare. Pjesa me e madhe e investimeve do te kryen ne kuader te projektit "Permiresimi i rrugeve dytesore e lokale ne Shqiperi", projekt qe po zbatohet prej tre vjetesh. Ky projekt ka si qellim permiresimin e aksesit ne sherbimet baze dhe mundesite e zhvillimit ekonomik per popullsine rurale. Deri me sot ne kete projekt jane angazhuar pervec Qeverise Shqiptare edhe Banka Boterore, OFID, Banka e Keshillit te Evropes per Zhvillim ne nje vlere prej 97 milion USD. Gjate vitit 2010, parashikohet qe te jene rehabilituar apo te jene nen rikonstruksion 340 km rruge.Per vitin 2010 ketij projekti do t’i bashkengjiten edhe financimet e BERZH, BEI, IDB dhe programi IPA, qe do te plotesojne buxhetin total te projektit me nje fond prej 238 milion USD duke e cuar shumen totale te projektit ne 335 milione USD. Gjate vitit 2010 do te fillojne gjithashtu investimet ne Projektin e "Ujesjellesve Rurale", qe financohet nga KfW, ne te cilin do te rehabilitohen apo ndertohen 28 skema te ujesjellesve rurale ne 50 fshatra te tre qarqeve te veriut te Shqiperise. Nje projekt tjeter i rendesishem qe perfundon kete vit fazen e tije te investimeve eshte projekti "Punet ne Komunitet III", financuar nga Banka e Keshillit te Evropes per Zhvillim ne vleren 14.38 milion Euro. Ky projekt ka si qellim te nxise zhvillimin social ekonomik te zonave rurale te vendit, te cilat kane potenciale te zhvillimit ekonomik, vecanerisht ne turizem. Ne projekt jane perfshire 16 komuna, te cilat jane te shperndara gjeografikisht, dhe kane tipare te vecanta te turizmit.

Projekti, ”Përmirësimi i Rrugëve Dytësore dhe Lokale”

Me poshte paraqitet nje pjese e projekteve qe FSHZH po zbaton ne kuadër te permiresimit te infrastruktures rurale:

Pergatiti: Gj.Marku