Kryetari i bashkisë z. Gjon Dedaj, takohet faktorët e artit dhe kulturës në Mirditë.

 Në vijim të angazhimit për arritjen e rezultateve sa më të larta edhe në fushën e kulturës, kryetari i bashkisë z. Gjon Dedaj organizoi një takim të zgjeruar me të gjithë aktorët e artit dhe të kulturës në bashkinë e Rrëshenit. Takimi i zhvilluar në njërën prej sallave të bashkisë, në orët e mbrëmjes së datës 31 korrik, pati  si qëllim thithjen e ideve për të çuar më përpara arritjet e konsiderueshme të deritanishme. Në këtë takim morën pjesë n/kryetari i bashkisë z. Dod Pepkola, drejtuesit e departamentave të kulturës dhe shërbimeve, Alfred Shtinja dhe Ndok Mrruku, përgjegjësi i kulturës dhe ai i muzeut, Pjetër Marku dhe Kol Zefi, si dhe punonjës të tjerë të këtij sektori. Gjithashtu ishin të ftuar dhe morën pjesë shumë prej amatorëve, pjestarë të ansamblit “Mirdita”, si Bardhok Deda, Fran Preçi, Besim Lekgega, Nikoll Preçi, etj. Pjesë e këtij takimi ishin edhe pjestarë të tjerë të lidhur me kulturën dhe artin si Jak Tuci, Bardhok Pulaj, Gjok Pepa etj.

 Në fillim të këtij takimi e mori fjalën kryetari i bashkisë z. Gjon Dedaj i cili ndër të tjera theksoi se sëbashku me stafin kemi menduar që të hapim një seri takimesh me atë që tashmë quhet “bota e artit”. Komunikimi i sotëm është në në përputhje më bindjen time, se i takon artit të jetë pararojë, pasi jam i bindur se ky vënd mund të prodhojë qytetarë dhe një ambient të vizitueshëm turistik. Duke qenë se besosj shumë pak në një mëndje të vetme, mendoj të ndaj me ju të gjitha mendimet që do të na çojnë në një përsosmëri të mëtejshme të punës. Duke ju falenderuar për mbështetjen, mendoj se duhet të kemi një filtër të aktiviteteve të cilat për meritën tuaj tashmë janë bërë konkuruese. Në fjalën e tij z. Deda, tha se kërkoj bashkëpunimin tuaj të çiltër, pasi po kaq i çiltër do të jem në vendimet e mija për botën e artit. Për meritë të parëve tanë, faktorëve gjeografikë dhe politikë, zona jonë do të përshkohet nga rruga Durrës – Kukës dhe ujsjellësi i Bargjanës. Pikërisht në këtë vënd përplasen miliona euro, ndërsa Mirdita pak përfiton prej tyre pasi ne nuk jemi të përgatitur ende për sfida të tilla. Në përfundim të fjalës së tij, z. Dedaj tha se lutem që të kem qënë në mirkuptimin tuaj, dhe ju ftoj për të dhënë mendimet tuaja, që ti vlejnë bashkisë, komunitetit dhe ç’do qytetari.

I pari ndër diskutantët e mori fjalën z. Pjetër Marku, përgjegjës i kulturës në bashkinë e Rrëshenit. Në fjalën tij z. Marku bëri një analizë të gjatë të situtës në të cilën gjëndet sektori i kulturës në bashki. Ai tha se një takim i tillë ka qënë i nevojshëm èër të shkëmbyer mendime dhe ide që mund të rregullojnë situatën aty ku mund të çalojë. Z. Pjetër Marku, fillimisht bëri një ekspoze të gjitha arritjeve dhe sukseseve të ansamblit “Mirdita”, ku muajt e fundit por edhe më përpara në çdo aktivitet, ky grup është nderur më çmime nderi. Duke vlerësuar punën e bashkëpuëtorëve të tij, z. Marku tha se bashkia dhe komuniteti duhet të krenohen me suksesin e ansamblit Mirdita dhe kulturës në përgjithësi. Më tej ai ngriti disa probleme kryesisht teknike dhe finaciare për të bërë të mundur shëndoshjen e punës në fushën e artit folklorik.

Ndërsa Kol Zefi, përgjegjës i Muzeut Rrëshen, tha se jemi me fat se “brumi” është mjaft prezent në Mirditë. Ka këngëtarë, valltarë, autorë tekstesh, librash etj. Pra ka qënë “bollëku” ai që ka sjellë edhe çmimet. Z. Zefi vlerësoi faktin se shumë kryetarë bashkie që kanë kaluar, kanë qënë më të lidhur me sportin se sa me artin. Ndërkohë që kryeari aktual z. Dedaj, është me një vështim më të fokusuar nga arti dhe kultura. Ndërkohë që ai kërkoi organizim ndryshe të të sektorit të kulturës.

Bardhok Dedaj, këngëtar mjaft i suksesshëm në përbërje të grupit artistik të Mirditës ishte këmbëngulës në ndryshimin e politikave të deritanishme, në lidhje me trajtimin e këngëtarëve sidomos atyre amatorë. Z. Dedaj tha se vij nga Lezha dhe do të vi gjithnjë, në përbërje të grupit të Mirditës, por duhet që kjo të mbulohet me financime ne përputhje me mundësitë që ka bashkia. Në të njëtën linjë diskutimi kanë qënë edhe këngëtarë të tjerë si Besim Lekgega, Fran e Nikoll Preçin etj.

Ndërsa Gjergj Marku ndër të tjera kërkoi që një pjesë e fondeve që përfitohen nga dhënia me qera e ambienteve të pallatit të kulturës, të përdoren për ivestime në këtë pallat. Ai kërkoi që të ndërhyhet në pamjen e jashtme të godinës por edhe ivestime për sa i përket paisjes me bazë materiale të nevojshme.

Kol Picaku i cili ka qënë mjaft i suksesshëm me qëndrën e fëmijëve, tha se jam munduar që të plotësoj formacionet zinxhir të kulturës në rreth. Ai kërkoi që të vihet dorë mbi strukturën e qëndrës kulturore, pasi ajo nuk është funksionale. Z. Picaku vuri në dukje se në këtë qëndër mungon një koreograf dhe dhe është vetëm një muzikant. Më tej folën edhe z. Gjok Pepa si edhe z. Bardhok Pulaj i cili duke marrë si shëmbull shtëpinë botuese “Mirdita”, tha se mund të operoht përmes projekteve.

Në fund kryeari i bashkisë z. Gjon Dedaj tha se dëgjova me vëmendje të gjithë problemet që u ngritën. Ai tha se ky takim ishte i nevojshëm për të vendosur mbi politikat përktëse për artin, duke premtuar mbi të gjitha për transparencë.

a.n