Kryetari i Bashkisë z. Gjon DEDAJ takohet me komunitetin e bisnezit të Bashkisë Rrëshen.

 Kryetari i Bashkisë z. Gjon Dedaj ka zhvilluar një takim me komunitetin e bisnezit që operon në territorin e Bashkisë së Rrëshenit. Në fillim z. Dedaj duke ju drejtuar pjesmarrësve, tha se ju përshëndes të gjithëve dhe ju falenderoj që jemi sëbashku. Natyrisht që në këtë sallë nuk është i gjithë komunitetit i bisnezit, por shumë prej tyre mund të kenë qënë të zënë me problemet e tyre, pa perjashtuar faktin se ka edhe një nëvleftësim. Ka qënë veçanërsisht mbështetja juaj që unë jam në pozicionin e Kryetarit të Bashkisë, ndaj edhe unë jam i obliguar që të jem gjitnjë në dispozicionin tuaj, me dëshirën për të bërë më të mirën në shërbim të gjithë komunitetit.

Ju ftova në këtë takim që të diskutojmë sëbashku për të gjithë ato tema dhe probleme, me qëllim që të mos diskutohen rrugëve dhe kafeneve, por në rrugë institucionale, dhe ballë për ballë. Kjo është një mundësi e mirë që shumë prej problemeve të gjejnë rrugën e përmirësimit të tyre, dhe zgjidhjen përfundimtare. Unë dëshiroj të informojmë njëri tjetrin me problemet, dhe të gjejmë rrugët e zgjidhjes duke bashkëpunur sëbashku, ashtu siç jemi në të vërtetë, partnerë me detyrime reciproke. Pas kësaj, unë kam tagër për të marrë masa përkatëse në përputhje me ligjin. Shpresoj se gjatë  këtij takimi i cili do të pasohet edhe me takime të tjera periodike, më parë të dalin problemet, dhe mbi bazën e tyre unë do të nxjerr urdhërat përkatëse. Unë jam këtu i shoëruar nga kolegu, n/Kryetari i Bashkisë z. Dod Pepkolaj i cili falë pozicionit të tij në Bashki, ka një komunikim me strukturat si Policia Bashkiake dhe instrumenta të tjerë që janë në komunikim të drejtë për drejtë me juve. Po ashtu në shoqërimin tim në këtë takim, është edhe Drejtori i Tatim Taksave z. Alfred Përgjoni i cili njeh të gjithë praktikën e punës dhe mënyrën ligjore të komunikimit me bisnezin.

Por shpresoj se fokusi i vërejtjeve tuaja të jetë në drejtimin tim, pasi unë jam i votëbesuari juaj. Unë jam këtu që të marr ç’do vendim në përputhje me ligjin, por gjithësesi pasi të kem dëgjuar më parë mendimet dhe propozimet tuaja.

 Ded Gjoni, tregtar tha se jam një ndër tatim paguesit më të rregullt gjatë 10 viteve që ushtroj aktivitetin tim në hyrje të tregut të qytetit. Për mendimin tim, kohët e fundit ka qënë problem pastërtia në ambientet e tregut, dhe në hyrje të urës. Shumë prej tregtarëve i hedhin mbeturinat e tyre në bregun e lumit dhe tani në verë krijohen stoqe të mëdha. Mendoj se duhet të vendosen kontenierët, dhe më tej të aplikohet sitemi i xhobave. Ndërkohë ai ka denoncuar faktin se po konkurohemi në mënyrë të pa ndershme nga subjekte që kanë përparim ekonomik, madje kanë dyert me grila, por që nuk paguajnë tatime, ndërkohë që detyrimet janë të lehta.

 Lek Legisi, tregtar në qytet, falenderoi kryetarin e Bashkisë z. Gjon Dedaj për këtë takim, ku mund të diskotojnë për shumë probleme. Ai evidentoi faktin se dega e Tatim Taksave është në nivelin me të lartë të shërbimit, dhe tashmë një licensë merret brënda një dite, ndërkohë që kohë më parë duheshin javë të tëra për të realizuar një gjë të tillë. Po z. Legisi vuri në dukje edhe faktin se shumë subjekte të ligjshme po falimentojnë pasi po konkurohen nga tregtarë që dalin në ç’do rrugicë e cepa pallatesh. Unë kam paguar 5 xhoba për zënien e rrugës, por vërehet se ka shumë mjete që parkohen duke zënë trotuarin dhe rrugën, duke na sjellë shumë probleme si bisnez. Më tej z. Legisi ka denoncuar faktin se janë rreth 100 subjekte që nuk janë rregjistruar, madje marrin edhe ndihmë ekonomike, dhe për pasojë Bashkisë i humbi një vlerë prej 160 milionë lekësh me të cilën mund të savatohen disa pallate.  Më tej ai ka kërkuar që Policia Bashkiake të bëjë më kujdes pasi ka ndonjë rast që shfaqen lopët në qytet. Në fund ai kërkoi që të hiqen gungat që janë vënë në rrugë të ndryshme të qytetit dhe në hyrje të tij.

Marie Gjini me profesin farmaciste, ka pyetur nëse bisnezi ka ndonjë detyrim tjetër, përvec taksave që janë të detyrueshme.

Ndërsa Pashk Ndoja, bisnezmen i duraluminit tha se po shikoj se më shumë se 40 përqint e bisnezit nuk është këtu. Këtu janë ata më të rregulltit në pagimin e taksave ndërsa pjesa tjetër fshihet. Bashkohem totalisht me ato probleme që ngriti Lekë Legisi dhe Ded Gjoni, ndërkohë që vërejtja ime është për hyrjen e qytetit, ku gjëndet një grumbull gurësh, por edhe tabela hyrëse në qytet është e mbuluar nga ferrat. Ndërkohë që ai ka evidentuar edhe faktin problematik që unaza e qytetit nga zona e tregut është mbushur me gropa të thella.

Në të njëtën frymë debati kanë qënë edhe diskutimet e bisnezmenëve si Viktor Vokrri, Ndre Lleshi, Gjin Doda, Gjovalin Bazhdari, Vladimir Filopati, Davita Marku etj. Në diskutimin e tyre ata kanë ngritur problemin e bllokimit të trotuareve nga tregtarët ambulantë, mungesa e koshave të mbeturinave, ndricimin rrugor etj.

 Pasi ka mbajtur të gjitha shënimet, kryetari i Bashkisë z. Gjon Dedaj si fillim u ka kërkuar komunitetit të bisnezit që të caktojnë një përfaqësi për të negociuar për zgjidhjen e problemeve. Komuniteti i bisnezit e ka mirpritur një propozim të tillë dhe janë treguar të gatshëm që në ditët ne vijim të ndërmarrin një veprim të tillë. Më tej z. Gjon Dedaj tha se jam këtu jo për tu lavdëruar por për të marrë vërejtjet tuaja. Unë kam pritur një vit që forcën e ndryshimit ta ndërmarr nga juve.

Z. Dedaj duke i marrë një nga një problemet e ngritura tha se koshat e mbeturinave do të vendosen aty ku doni ju, po ashtu tualetet dhe uji do të sillen në një kohë të shpejtë. Z. Dedaj pas ii ka falenderuar për këtë takim, ka deklaruar se të gjitha problemet janë marrë në shënim, dhe në ditët në vijim do të dalin urdhërat përkatëse të cilat do të reflektojnë të gjitha problemet e ngritura këtu. Z. Dedaj ka njoftuar se takime të tilla do të zhvillohen me të gjithë grupet e tjera të interesit për të gjetur rrugët me të mira për zhvillimin e qytetit.

A. Ndoja