Sektori i Tatim taksave-informacion per tatim paguesit.

       Një vënd të rëndësishëm në mirfunksionimin e punës së bashkisë, padyshim është edhe zyra e tatim taksave. Një pjesë e konsiderueshme e buxhetit të bashkisë Rrëshen plotësohet nga taksat e ndryshme që paguhen nga tatim paguesit. Nga ana e vet ky sektor, është i detyruar që në bazë të vendimit përkatës të qeverisë, si edhe të vendimit Nr 14 datë 17. 4. 2007, të përmbushë deryrat e veta ligjore, pasi çdo anashkalim është në dëm të përbushjes së detyrimeve që vetë bashkia ka ndaj qytetarëve të vet. Në këtë kuadër zyra e tatim taksave është e angazhuar që të identifikojë të gjithë subjektet dhe individët tatim pagues, dhe ti kanalizojë ata që në zbatim të ligjit të përmbushin detyrimet e veta. Tashmë në kuadër të politikës decentralizuese të pushtetit vendor, numri i tatimpaguesve pranë bashkisë është shumëfishur, për shkak të vendimit të qeverisë i cili e kalon bisnezin e vogël në varësi të pushtetit lokal. Por edhe për thjeshtësimin e procedurave për marrjen e një license, numri i tatimpaguesve është rritur dukshëm duke arritur në shifrën e 285 subjekteve tatim paguese. Në këtë kuadër dega  e tatim taksave është e angazhuar për zbatimin e përpiktë të ligjit, për të mos lënë jashtë skemës së tatimit asnjë nga subjektet apo individët tatim pagues. Për këtë janë marrë të gjitha masat përkatëse për realizimin e të gjitha detyrimeve ndaj bashkisë me qëllim që nga të ardhurat e mbledhura qytetarët të përfitojnë më shumë shërbime. Më poshtë po japim vendimin përkatës të Këshillit Bashkiak me të dhwnat e domosdoshme për nivelin e pagesës për të gjitha kategoritë tatimpaguese, si edhe listën emërore të të gjitha subjekteve që ushtrojnë aktivitetin e tyre brënda juridiksionit të bashkisë Rrëshen:

a, n

REPUBLIKA     E     SHQIPËRISË               

KËSHILLI I BASHKISË RRËSHEN

V E N D I M 

                                                                      Nr  14  Datë  17.04.2007

PER

“SISTEMIN E TAKSAVE DHE TARIFAVE

VENDORE  NE BASHKINE RRESHEN”

        Në mbështetje të ligjit 8652, dt. 31.07.2000 “Për Organizimin dhe Funksionimin e Qeverisjes Vendore” neni 16, pika 2,3 dhe 4, neni 32, germa “f”, ligjin nr. 9632 dt. 30.10.2006 “Për Sistemin e Taksave Vendore”, pas shqyrtimit të relacionit të përgatitur nga sektori i taksave, me propozim të Kryetarit së Bashkisë, Keshilli  Bashkiak.

VENDOSI :

1.    Të miratojë  sistemin e taksave dhe tarifave vendore per vitin 2007 në territorin e Bashkisë Rrëshen  si vijon:

1. 1       TAKSAT VENDORE

Llojet, baza tatimore, kategorizimet dhe nenkategorizimet, kestet e pagimit, koha e kryerjes se tyre, kushtet lehtesuese dhe agjenti taksambledhës.

a)     TAKSA MBI PASURITE E PALUAJTESHME

a.      1         TAKSA MBI NDERTESEN

Taksa mbi ndërtesën është një detyrim vjetor.

Taksapaguesit për kategorinë dhe nënkategoritë e pikës II "Ndërtesa të Tjera", që paguajnë të gjithë vlerën e detyrimit tatimor vjetor brenda datës 31 Mars të vitit , përfitojnë si kusht lehtësues reduktimin në masën prej 10 % të vlerës së detyrimit.

Detyrimi për  të gjithë kategorinë II “Ndërtesa të Tjera”, ndahet në 2 këste të barabarta. Kësti i parë paguhet brenda datës 31 Mars  dhe kësti i dytë brenda datës 10 Shtator të vitit ushtrimor.

Taksa e  ndërtesave të banimit paguhet e plotë deri më datën 30 Qershor të vitit ushtrimor.

Agjenti tatimor për vjeljen e taksës mbi ndërtesën për kategorinë I  “Ndërtesa Banimi” për banesat në fshat që ndodhen në administrim të Bashkisë janë  Kryetarët e Fshatrave përkatës, duke përfituar 10 % të shumës së arkëtuar.

Agjenti tatimor për vjeljen e taksës mbi ndërtesën për kategorinë I  “Ndërtesa Banimi” për banesat në Qytet është Sektori i Taksave në bashkpunim me  Zyrën e Gjendjes Civile pranë Bashkisë Rrëshen.

Struktura e ngarkuar për vjeljen e taksës mbi ndërtesat për kategorinë dhe nënkategoritë e pikës II "Ndërtesa të tjera" është Sektori i taksave pranë Bashkisë Rrëshen.

a-2.   TAKSA MBI TOKEN BUJQESORE:

Taksa mbi tokën bujqësore është 700 leke/HA/ një detyrim vjetor.

Detyrimi vjetor i taksës ndahet në 2 këste të barabarta. Kësti i parë paguhet brenda datës 30 Qershor  dhe kësti i dytë brenda datës 30 Tetor vitit ushtrimor.

Taksapaguesit që paguajnë të gjithë vlerën e taksës vjetore brenda datës 30 Qershor të vitit, përfitojnë si kusht lehtësues reduktimin në masën prej 10 % të vlerës së detyrimit.

Agjenti tatimor për vjeljen e taksës mbi tokën bujqësore janë  Kryetarët e Fshatrave përkatës, duke përfituar 10 % të shumës së arkëtuar.

Gjatë këtij viti nga sektori i taksave, të përgatitet e gjthë infrastruktura e nevojshme që ka të bëjë me identifikimin, grumbullimin, përpunimin e tyre, adaptimi i  programeve kompjuterike dhe hedhja e tyre në kompjuter. Me përfundimin e këtij procesi të fillohen procedurat për vendosjen e kësaj takse.

b) TAKSA E FJETJES NË HOTEL:

Niveli i Taksës së Hotelit është  4 % e çmimit të fjetjes për person.

Taksa e fjetjes në hotel është një detyrim mujor.

Derdhja e kësaj takse bëhet cdo datë 5 të muajit pasardhës,

Struktura e ngarkuar për mbledhjen e kësaj takse është Sektori i Taksave, pranë Bashkisë Rrëshen.

c) TAKSA E NDIKIMIT NË INFRASTRUKTURË NGA NDËRTIMET E

REJA:

Në rastet kur një ndërtesë ka funksione të përziera (banim dhe administrative etj) përllogaritja e detyrimit nga taksa do të bëhet duke aplikuar përqindjet përkatëse të cdo nënkategorie ndaj vlerës së investimit për sipërfaqe respektive të banimit dhe ato administrative-shërbimi eti.

Kesaj takse i nenshtrohen edhe ndertimet që jane ne proces(që janë të papërfunduara).

Struktura e ngarkuar për përllogaritjen dhe autorizimin për pagesën e taksës së ndikimit në infrastrukturë nga ndërtimet e reja është Sektori i Urbanistikës.

d)      TAKSA MBI KALIMIN E TË DREJTËS SË PRONËSISË PER

PASURITË E PALUAJTSHME:

Taksa mbi kalimin e  të drejtës së pronësisë percaktohet ne nenin Nr.30 te Ligjit Nr.9632,date 30.10.2006 “Per Sistemin e taksave vendore” dhe kategorizohet sipas aneksit nr.3 te ketij ligji.Baza e takses per kalimin e te drejtes se pronesise per pasurite e tjera te paluajtshme eshte vlera e shitjes se tyre.Niveli tregues i takses eshte 2 %.

Shenim I: Nivelet treguese të taksës, dhënë në tabelë, janë të vlefshme për bashkitë.

Shënimi II: Të gjitha komunat zbatojnë nivelin e taksës për zonën 3 të bashkive.

Agjent Tatimor për vjeljen e kësaj takse është Zyra e Rregjistrimit të pasurive të paluajtëshme, të cilit në rolin e agjentit të taksave përfiton 3% të shumës së arkëtuar dhe diferencën derdhet për llogari të buxhetit të bashkisë, jo më vonë se data 30 e çdo muaji.

TAKSA VENDORE MBI BIZNESIN E VOGEL

         Ne baze te ligjit 9632 dt.30.10.2006”Per sistemin e taksave vendore “Kreu III neni 11 kategorite e bazes dhe nivelet e takses vendore mbi biznesin e vogel,ne mendojme  qe niveli i taksave per çdo kadegori biznesi te jete sipas aneksit 5 te ketij ligji pa ndryshime perkatese nga Kshilli i Bashkise prej +30% - 30% te nivelit tregues te takses per kategorine perkatese per çdo interval te qarkullimit,sepse kjo eshte hera e pare qe aplikohet ne varsi te Bashkise.

TABELA E TAKSIMIT TE SUBJEKTEVE TE BIZNESIT TE VOGEL

                   NE MIJE LEKE                                       KATEGORIA III

e)      TAKSA E RREGJISTRIMIT TË PËRVITSHËM TË MJETEVE

Kjo taksë përcaktohet në nenin Nr. 30 te Ligjit Nr. 9632, datë 30.10.2006 dhe kategorizohet sipas aneksit nr. 5 të përcaktuar në këtë ligj.

NE MIJE LEKE

 Klasifikimi  ne kategorine e III: Te gjitha bashkite e tjera

Agjenti tatimor për vjeljen e kësaj takse është Drejtoria e Përgjithshme e Transportit Rrugor dhe Drejtoria e Qarkullimit Rrugor.

f)       TAKSA PËR ZËNIEN E HAPËSIRA  PUBLIKE

Taksa  për zënie të hapësirave publike ka si bazë llogaritje lekë/m2 në ditë dhe kategorizohet si vijon: Taksa e zënies së hapsirave publike është  ne baze te ligjit Nr.9632 date 30.10.2006  “Per sistemin e taksave vendore” sipas aneksit  nr 6  te ketiij ligji.

Propozimi për ketë taksë është per uljen 30 %  per te gjithe artikujt  Industrial,Ushqimor,Mish,peshk,bulmet.

Taksa  për zënie të hapësirave publike ka si bazë llogaritje lekë/m2 në ditë dhe kategorizohet si vijon:

- për tregtim artikuj industrial (jo ushqimorë)     42  lekë për metër katrorë në ditë.

- për tregtim artikuj ushqimorë+fruta perime     42  lekë për metër katrorë në ditë.

- për tregtim mish-peshk-bulmet    42  lekë për metër katrorë në ditë.

Nga 60 leke qe parashikon Ligji ne fjale.

E veçanta për këtë taksë është mënyra se si  do të administrohet:

Taksa mbi zënien e hapësirave publike është një detyrim mujor dhe për efekt të pagesës mujore numri i ditëve të punës përcaktohet 22 ditë.

Pagesa e kësaj takse bëhet brenda datës 10 të muajt në vazhdim.

Tregtarët që i nënshtohen kësaj takse pajisen me leje vjetore ose 6-mujore nga sektori i taksave pranë bashkisë, përpara fillimit të aktivitetit.

Kur tregtari ndërpret aktivitetin përpara përfundimit të afatit të përcaktuar në leje ai dorëzon lejen dhe detyrimet i llogariten deri në ditën e dorëzimit të saj.

Struktura e ngarkuar për mbledhjen e taksës për zënien e hapësirave publike është Sektori Taksave  pranë Bashkisë Rrëshen.

g)        TAKSA E TABELËS:

Taksa e tabelës aplikohet mbi të gjitha tabelat e vendosura në pamje ballore në pjesën e përparme të objektit ku ushtron aktivitetin personi fizik ose juridik.

Vendosja e tabelës është e detyrueshme për të gjithë subjektet.

Taksa e Tabelës është një detyrim vjetor.

Kjo taksë paguhet brenda datës 31 mars të vitit ushtrimor.

Baza e taksës është tabela. .

1.2. TARIFAT VENDORE

a)      TARIFA E RREGJISTRIMIT PER VEPRIMTARI TE NDRYSHME

Tarifa e rregjistrimit për veprimtari të ndryshme caktohet si vijon

Për veprimtaritë private të personave fizikë, që bëjnë tregti e kryejnë shërbime ambulante. 1.000 lekë.

Për personat fizikë e juridikë, shtetërorë e privatë, vendas e të huaj. 6.000 lekë.

Për subjektet e biznesit të madh shtetërorë e privatë, vendas e të huaj që klasifikohen me TVSH  të jetë 10 000 lekë.

Për mbledhjen e tarifës së rregjistrimit për veprimtari të ndryshme ngarkohet Sektori i Taksave pranë Bashkisë në momentin e regjistrimit të subjekteve pranë tyre.

Kjo tarifë paguhet vetëm një herë, me fillimin e aktivitetit.

Për ato subjekte që kanë qenë në aktivitet gjatë vitit 2006 dhe që e kanë shlyer këtë detyrim nuk do të aplikohet kjo tarifë.

b)      TARIFA E PASTRIMIT DHE LARGIMIT TE MBETURINAVE

Tarifa e pastrimit dhe largimit të mbeturinave caktohet

1.    Për çdo familje në qytet (me leje banimi dhe vendqëndrimi) 400 lekë  në vit.

2.    Për çdo njësi tregtare 

2.1  Për bulmet, mish, peshk           8.000 lekë në vit.

2.2  Për fruta, perime, ushqimore      6.000 lekë në vit.

2.3  Për artikujt industriale                 4.000 lekë në vit.

2.    Për bare, restorante, kafene, Bar-bufe, diskoteka,Bilardo 10.000 leke ne vit.

3.1 lojëra Fati, qendra llotarie ,. 12.000 lekë në vit.

3.2 lojra femijesh         8000 leke ne vit

4.    Për hotele, motele:

4.1  private      500 lekë në vit per çdo dhome.   

4.2  spitale, shtetrore 60 lekë në vit per çdo dhome.

5.    Për mjedise administrative (zyra, salla mbledhjesh etj.) për çdo dhomë:

5.1  shtetërore         100 lekë në vit

5.2  private            100 lekë në vit

6.    Për institucionet arsimore, kulturore sportive:

6.1 Për institucionet arsimore dhe kulturore si shkolla, kolegje, kinema, pallat      kulture 10 000 lekë në vit për çdo njësi (godinë).

6.2 Për institucionet sportive 20 000 lekë në vit për çdo njësi.

6.3 Ekspozita dhe panaire (private,shtetrore)të      1000 lekë për veprimtari

7.    Per institucionet  shteterore:

Buxhetore                           20.000 leke ne vit.

Jobuxhetore                       20.000 leke në vit.

8.   Për shoqatat, organizatat dhe fondacionet 2.000 leke ne vit

9.   Për çdo njësi shërbimi dhe artizanati :

9.1 Kur veprimtaria klasifikohet si biznes i vogël 4 000  lekë në vit  për çdo njësi.

9.2 Kur veprimtaria klasifikohet në TVSH  8, 000 lekë në vit për çdo njësi.

10.   Për çdo njësi prodhimi :

10.1 Kur veprimtaria klasifikohet si bisnes i vogël 7.000 lekë në vit për çdo njësi

10.2 Kur veprimtaria klasifikohet me TVSH  36,000 lekë në vit për çdo njësi.

11.   Për subjekte ndërtimi për çdo njësi (objekt ndërtimor, kantjer).

q   Kur vlera e preventivuar është deri 5 milion lekë  të jetë    20000 lekë.

q   Kur vlera e preventivuar është 5-10 milion lekë  të jetë      25000 lekë.

q   Kur vlera e preventivuar është mbi 10 milion lekë  të jetë  30000 lekë.

12.     Për gjithë personat që klasifikohen si ambulantë 1.000 lekë në vit.

13.     Për farmacitë mjeksore, veterinare  10,000 leke ne vit.

14.     Klinikat dentare 10,000 lekë në vit.

15.     Për noterë, avokat, agjensi të ndryshme sigurimesh të cilët zhvillojnë aktivitetin në zyra të cakturara 5,000 lekë në vitë.

16.     Për pikat e tregtimit te karburanteve                      20, 000 lekë në vit.

17.   S hoqerite Aksionere  (SH.A)                                    20 000 leke ne vit

18.   Lavatriçe (prodhim inertesh)                                    20 000 leke ne vit

         Tarifa e pastrimit paguhet brenda 6-mujorit të parë të vitit ushrimor. Kur subjekti fillon aktivitet gjatë vitit përllogaritja bëhet në proporcion me kohën në të cilin fillon aktivitetin. Në se një subjekt fillon aktivitetin në muajn Shtator, atëherë detyrimi për këtë tarifë llogaritet për 4 muaj duke marrë për bazë tarifën vjetore.

Agjenti tatimor për vjeljen e tarifës së pastrimit është Sektori i Taksave në bashkpunim me  Zyrën e Gjendjes Civile pranë Bashkisë Rrëshen.

d)      TARIFA E REKLAMES

Tarifa e reklamës kategorizohet si më poshtë vijon

Reklamë e zakonshme                                     2.000 lekë/ m2/ vit

Reklama elektronike                                         5.000 lekë/ m2/ vit

Tarifa e reklamës është vjetore dhe paguhet brenda datës 30 Prill të vitit ushtrimor.

Struktura e ngarkuar për mbledhjen e kësaj tarife është Sektori Taksave pranë Bashkisë Rrëshen.

e)  TARIFA TE SHERBIMIT ADMINISTRATIV TE BASHKISE RRESHEN

1.    Tarifa shërbimin e transportit publik:

- për lëshim leje të përkoshme deri në 5 ditë jashtë destinacionit të përcaktuar:

q       për autobuza         700  lekë

q       furgona                 500 lekë

- Dhënie leje për vëndqëndrim automjetesh të subjekteve privatë

                                       6.000 lekë në vit.

- Dhenie leje per stacione (Autobuz,Taksi 8+1 dhe 4+1)     10.000 leke ne vit.

Struktura e ngarkuar për lëshimin e autorizimit të pagesës për tarifén e transportit publik është punonjësi që merret me problemet e transportit.

        2.   Tarifa Te Inspektoriatit Veterinar

a-    kontroll veterinar i mishit dhe vulosja për çdo kokë bagëti të therur:

- të imta (dele,dhi, qingj,kec dhe derra)           30   lekë

- gjedhe                                                             50   lekë

Struktura e ngarkuar për lëshimin e autorizimit të pagesës për tarifèn e inspektoriatit veterinar është inspektori veterinar i bashkisë.

3. Tarifa të Urbanistikes

a)        Dhënie dokumentacioni për lejen e ndërtimit  dhe shqyrtimi i dosjes për leje ndërtimi dhe kalimi për miratimin përkatës për subjekte fizike juridike private dhe shtetrore  1000 lekë.

Struktura e ngarkuar për lëshimin e autorizimit të pagesës për tarifat e urbanistikës është Sektori i Urbanistikës.

   4.1 Tarifa e ndriçimit

tarifa e ndriçimit kategorizohet si me poshte:

-Per familjet ne Qytet   100 leke ne vit.

-Per subjektet private te Biznesit te vogel  500 leke ne vit.

-Per subjektet e Biznesit te Madh  me (TVSH) 1000 leke ne vit.

-Institucionet shteterore 1000 leke ne vit.

Struktura e ngarkuar per mbledhjen e kesaj tarife është Sektori i Tatim-Taksave  dhe Zyra e Gjendjes Civile prane Bashkise.

4.2           Tarifat e perdorimit te ambjenteve kulturore 

-Salla e shfaqjeve artistike a.Per  mbledhje1 (nje) ore 8 000 leke

      b.Per shfaqje artistike 1 (nje) ore 12000 leke

-Salla e mbledhjeve ne katin e dyte a.Per 1 (nje) ore 2 000 leke

-Salla e Kinemase          a. Per  mbledhje1 (nje) ore 8 000 leke                                                         b. Per shfaqje artistike 1 (nje) ore 12000 leke

4.3           Tarifat e perdorimit te ambjenteve sportive

-         Per aktivitetet sportive te vete Klubit bileta 100 leke per person.

-         Per aktivitete politike      10 000 leke

-         Per panaire te ndryshme per biznesin 10 000 leke

-         Per aktivitete sportive nderkombetare bileta 200 leke per person.

   4.   Tarifa për shërbime në sektoret e tjerë.

a)    Lëshimi i çertefikatës veterinare                                                 100 lekë

b)    Lëshimi i vërtetimit kur një person njihet me dy emra                         100 lekë

c)    Lëshimi i vërtetimit për banor resident në teritorin e bashkisë     100 lekë

d)    Leshimi i Liçences per subjektet e reja                                      100 lekë

Në zbatim të pikës 1 të këtij Vendimi të përgatiten nga Sektori i Taksave, procedura më të detajuara për administrimin e taksave dhe tarifave vendore si dhe për nënshkrimin e akt-marrëveshjeve me agjentët tatimorë sipas përcaktimeve të bëra në këtë vendim.

Për zbatimin e këtij vendimi në lidhje adminstrimin e tarifave që kanë të bëjnë me shërbimet sipas pikës “e” ngarkohet Sektori i Financës të nxierrë udhëzimin përkatës për mënyrën e qarkullimit të vlerave dokumentare dhe monetare.

 1.1    KUNDERVAJTET ADMINISTRATIVE DHE SANKSIONET

    Në përgjithësi kjo është një kopetence e re që jepet në legjislacionin e ri  dhe propozimet janë si vijon sipas Ligjit Nr.9632 date 30.10.2006 “Per sistemin e taksave vendore” KREU VI  Neni 34 : KREU VI

Perbejne kundervajtje administrative,kur nuk perbejne veper penale,shkeljet e meposhtme:

a)    Mos regjistrimi ose mosrirregjestrimi i taksapaguesit dhe/ ose i bazes se takses,si dhe mospagimi i takses brenda afatit te caktuar denohen me gjobe te barazvlefshme me 25 % te detyrimit taksen:

b)      Paraqitja e te dhenave te pasakta ose te paplota per identiten e taksapaguesit dhe/ ose te bazes se takses,ne çastin e rregjistrimit ose te rirregjistrimit dhe denohet me gjobe 10 000 (dhjete mije) Leke;

c)      Moslejimi nga taksapaguesi i nepunesve perkates te hyjne ne mjedise,per te kryer verifikimet e detyrimit fiscal denohet me gjobe 10 000 (dhjete mije) leke.

2. Gjobat paguhen ne favor te Bashkise brenda 15 diteve nga data kur organi pergjegjes ka nxjerre vleresimin.

2.     Ne rast te mosshlyerjes te detyrimit te pageses se taksave,zyra e taksave perdor te gjitha proçedurat e zakonshme e te jashtezakonshme te mbledhjes me force te detyrimeve,siç percaktohet ne Ligjin Nr.8560 dt.22.12.1999” Per proçedurat tatimore ne Republiken e Shqiperise”.

-Kur taksapaguesi si individ (per taksat familjare,ndertesat e banimit,tarifen e pastimit dhe te ndriçimit ne qytet, dhe taksen enderteses e te tokes bujqesore ne fshat) nuk paguan detyrimin brenda dates se percaktuar administrata e Bashkise ne te gjithe sektoret bllokon çdo lloj shërbimi ndaj tij deri ne pagimin e detyrimeve.

Procedura të tjera dhe ajo e ankimit:

-     Pagesa për taksat dhe tarifat familjare paguhen nga Kryefamiljari.

Procedura e ankimit për të gjitha kategoritë e subjekteve taksapaguese, ka qenë e përcaktuar sipas ligjit 8560 dt. 22.12.1999 “Për Procedurat Tatimore”. 

Nisur nga kopetencat që jep ligji nr. 9632 dt. 30.10. 2006  “ Per Sistemin e Taksave Vendore”, proçedura e ankimit propozohet të  ndjekë këtë rrugë:

            -    Ankesat i drejtohen Kryetarit të Bashkisë i cili kur e shikon të arsyeshme ja kalon për verifikim strukturës së taksave pranë Bashkisë. Kur ankesa i adresohet kësaj strukture kjo e fundit është e detyruar të japë përgjigje me shkrim çdo subjekti që ankohet.

Struktura e taksave për të gjitha ankesat sipas rastit bën saktësimet e nevojshme dhe një kopje të ankesës e mban në dosjen përkatëse në zyrë. Ankesa bëhet nëpërmjet formularëve të posaçëm sipas procedurës së lartpërmendur, ku modeli përkatës përgatitet nga shefi i taksave pranë bashkisë.

4.  Përjashtimin nga pagimi i taksave  dhe tarifave vendore për bashkinë Rrëshen  të jetë si vijon:

Përjashtohen nga taksat dhe tarifat vendore të gjithë individët (familjet), personat fizikë e juridikë privat apo shtetrorë për të gjitha rastet kur shprehen  në ligje të veçanta, siç është ligji për invalidët, përjashtimet e bëra në ligjin 9632 dt. 30.10.2006 “Për Sistemin e Taksave Vendore” etj.

S E K R E T A R I                                                                    K R Y E T A R I

Martin  BUSHPEPA                                                  Nikolin  KAÇORRI